Daniel 9:6 - Tedim Bible Revision 2017

⁶ Ka kumpite uh, ko hong ukte, ka pu ka pate uh le minam khempeuh tungah na min tawh thu a hong gen na nasem kamsangteʼ thu ka ngai kei uh hi.

Tedim Bible

⁶ Ka kumpite uh, ko hong ukte uh, ka pu ka pate uh leh minam khempeuhte tunga na min tawh thu a hong gen na nasem kamsangte’ thu ka ngai kei uh hi.

Daniel 9:6 Referans Kwoze

Daniel 9:10

Topa Pasian aw, na nasem kamsangte tungtawnin koteʼ zuih ding thukhamte nong piak hangin, tua thu ka mang tuan kei uh hi.

Nehemiah 9:34

Ka kumpite uh, ka uliante uh, ka siampite uh le ka pu ka pate un nangma thukham zui lo uh a, amaute tungah na piak ahi na thupiaknate le na hilh kholhnate zong don lo uh hi.

Ezra 9:7

Ka pu ka pate uh hun a kipanin tu hun dong mawhna lianpi ka nei uh hi. Tua thu hangin ka kumpite uh le ka siampite un gamdang kumpiteʼ khut sungah sihna, salsuahna, neihsa kisuhna le maizumna thuak uh a, tuhunin zong tua bangmah ka thuak uh hi.

Sawltak 13:27

Jerusalem khua-a a teeng mite le a makaite un Jesu pen Honpa ahih lamtak na thei lo uh a, Sabbath nisimin a kisim niloh kamsangteʼ thu zong na tel lo uh hi. Amaute in Jesu na mawhsak uh ahih manin kamsangteʼ thugente a manin hong tung hi.

Mattiu 23:37

“Jerusalem, Jerusalem aw, kamsangte na that a, Pasianʼ sawl kamtaite na deng lum hi. Akpi in a kha tawh a note a huai mah bangin na mite ka huai nuam tawntung a, ahi zongin na ut kei hi.

Jeremiah 44:16

“Topaʼ mina nong gen thute kong mang kei ding uh hi.

Jeremiah 29:19

Bang hang hiam cih leh, Topa in kong cih in ah, ka nasem ka kamsangteʼ tungtawnin kong puak ngitnget thute amaute in thupi sim loin a hong mang kei uh hi.

Jeremiah 26:5

note in a thu na man ngei loh uh ahi, kong sawl zelzel ka nasem kamsangteʼ thu na thupi sim kei uh leh

Jeremiah 7:13

Tu-in zong hih nate khempeuh na hih uh a, kong gengen hangin hong ngai tuan loin kong sapsap hangin hong dawng lo na hih manun Topa in kong cih in ah,

Nehemiah 9:32

“‘Tua ahih ciangin tu-in a lian, a vanglian, a kihtakhuai, thuciamna kip takin a len koteʼ Pasian aw, Assiria kumpiteʼ hun a kipan tu ni dongin ka kumpite uh, ka uliante uh, ka siampite uh, ka sanggamte uh, ka pu ka pate uh le ko mi khempeuh tungah hong tung gimnate hong neu ngaihsutsak kei in.

2 KHANG TANGTHU NIHNATE 33:10

Topa in Manasseh tung le ama mite tungah thu gen a, ahih hangin amaute in don lo uh hi.

2 KUMPI NIHNATE 18:12

Bang hang hiam cih leh amaute in Topa a Pasian uh thu mang lo uh a, ama thuciamna, Topaʼ nasem Mosesʼ thupiak khempeuh nangawn palsat uh hi. Amaute in thu ngai loin, thu zong mang lo uh hi.

Daniel 9:9

Nang pen hehpihna tawh kidimin mawhna na maisak a, ahih hangin kote in nang ka hong langpan uh hi.

Nehemiah 9:30

Kum tampi sung lungduaina tawh amaute na thuak a, na kamsangte tungtawnin amaute na hilh hi. Ahi zongin amaute in ngai nuam lo uh hi. Tua ahih ciangin gamdang miteʼ khut sungah amaute na pia hi.

Jeremiah 7:24

Ahih hangin amaute in ka thu hong mang lo uh a, a bil uh hong ngat lo uh hi. Amauʼ gitlohna lungsim uh zui-in amauʼ thuthu-in a om zaw uh a, mainawt loin a nungkin zaw uh hi.