Daniel 9:27 - Tedim Bible Revision 2017

²⁷ Tua makai pa in mi tampite tawh kum sagih sung thuciamna kip bawl ding uh hi. Gan gawh biakna le biakpiakna, hih hun lang sung a khawlsak ding hi. Biakinn dawn sang pen munah a Lipkhaphuai na kikoih ding hi; ahi zongin Pasian in tua a koihpaʼ thuak dingin a geel sa thu a koihpa in a thuak hun ciang dong, a Lipkhaphuai na pen a koihna mun mahah om lai phot ding hi,” hong ci hi.

Tedim Bible

²⁷ Tua makaipa in mi tampite tawh nipi kal khat sung thu ciamna kip bawl ding uh hi. Gangawh biakna leh biakna piakna nipi kal lang sung a khawlsak ding hi. Biakinn dawn sangpen tungah Pasian’ sehsa bangin a koihpa a bei mateng a Lipkhaphuai na om ding hi,” hong ci hi.

Daniel 9:27 Referans Kwoze

Mattiu 24:15

“Tua ciangin kamsang Daniel in, ‘A lipkhaphuai zehphitna,’ ci-in a gen pen a siangtho munah hong om ciangin (hih lai a simte in Jesuʼ cihnopna thei ta un),

Luka 21:20

“Galkapte in Jerusalem khuapi a umcihna na muh uh ciangin tua khuapi a siat nading nai ta hi, ci-in na thei ding uh hi.

Daniel 12:11

Amaute in nisim biakpiakna a khawlsak, a Lipkhaphuai na a hong pian ciangin ni tul khat za nih sawm kua sung a sawt ding hi.

Marka 13:14

“Ama om loh nading pi ah a lipkhaphuai zehphitna a hong om na muh uh ciangin (hih lai a simte in Jesuʼ cihnopna thei ta un!) Judea gam a om mite mual tungah tai un.

Daniel 11:36

“Syria kumpipa a ut bangbangin a gamta ding hi. Amah in, pasian-te sangin ka lian zaw a, a Lianpen Pasian sangin zong ka thupi zaw lai hi, ci-in a kisathei ding hi. Pasian in amah gim a piak mateng tua bangin a om ding hi.

Daniel 8:13

Vantungmi khat in a dang vantungmi khat kiangah thu a dot ka za a, “Hih maangmuhna bang tanvei sawt dinga, a muhdahhuai mawhna in nisim biakpiakna bang tanvei khaktan ding ahi hiam? Vantung galkapte le biakinnpi bang tanvei kituancil ding ahi hiam?” a ci hi.

Isaiah 55:3

Ka mite aw, ka thu ngai unla, kei kiangah hong pai un. Na nuntak theih nadingun a thu hong za un. David ka it mah bangin keima itna kip, tawntung thuciamna note tawh ka bawl ding hi.

ROM (Romans) 5:15

Ahi zongin Pasianʼ hong piak letsong pen Adamʼ mawhna tawh kibang lo ahih manin tua tegel tehkak theih ding hi lo hi. Tua mi khat a khialhna hangin mi tampi a sihna pen a man mah ahi hi. Ahi zongin Pasianʼ hong itna le hong hehpihna nakpi takin lian zaw lai a, mi khat ahi tua Jesu Khrisʼ hehpihna hangin mi tampi tak tungah hong kipia letsong lian mahmah hi.

Mattiu 27:51

Tua laitakin biakinn sung deina puan, a lu panin a taw dongin kikekin phel nih a suak hi. Zin zong liingin suangtumpite kitam hi.

Mattiu 26:28

Mi tampiteʼ mawhna a mai nadingin a luang khia, Pasianʼ thuciamna a kipsak, ka sisan ahi hi.

Isaiah 53:11

Amah in a gimna thaman mu-in a lungdam ding hi. A mawk thuak ahih lohna thei-in a thuman ka nasem pa in mi tampi tak a dik suaksak dinga, amah in amauteʼ mawhnate pua ding hi.

Isaiah 42:6

“Kei pen Topa ka hi a, thumanna tawh nangmah hong samin, ka khut tawh hong lenin nang ka hong kem hi. Mittawte a vaksak ding, leinuai thong sung panin thongkiate a la khia ding, thong sung a mialna munah a tu mite a la khia ding, mite tungah thuciamna ahi ding, minam dangte tungah khuavak ahi dingin nang ka hong koih khin hi.

Isaiah 28:22

Tua ahih ciangin tu-in, note hong kikhihna a to mahmah in kibawl kha ding ahih manin thusim loin om kei un. Bang hang hiam cih leh mihonpiteʼ Topa Pasian’ tung panin gam buppi ah siat nading thukhenna ka za khin hi.

Hebru 9:28

mi tampiteʼ mawhna a thuak dingin Khris zong khatvei bek a kipia hi. A nih veina hong kilatkik ciangin mawhna thu tawh kisai nasem ding hi nawn loin, lawptakin amah a ngak mite a hon khia ding ahi hi.

ROM (Romans) 11:26

Tua hi a, Lai Siangtho sungah a kigelh mah bangin Israel mite khempeuh in hotkhiatna ngah ding uh hi. Lai Siangtho in, “Zion panin Honpa hong pai dinga, Jakobʼ suanlekhakte sunga om gitlohna khempeuh maisak ding hi.

ROM (Romans) 5:19

Mi khat in thu a man loh manin mi tampi mimawh a suahsak mah bangin mi khat in thu a manna hangin mi tampi in Pasian tawh kipawl theihna a ngah ding uh ahi hi.

Luka 21:24

Mi pawl khat, namsau tawh kithat dinga, pawl khat, galmatin gam dangah kiciah pih ding hi. Tua ciangin Gentail miteʼ uk hun a bei matengin Jerusalem khuapi a siacipin om ding hi.

Jeremiah 7:30

“Bang hang hiam cih leh, Topa in kong cih in ah, Judah mite in hoih ka sak loh nate a hih khinzo uh hi. Ka min tawh a kilo ka biakinn a nitsak nadingun a kihhuai milimte a koih uh hi.

Daniel 11:31

A galkapte pawl khat in biakinnpi le biakinnpi huang a ninsak ding uh hi. Amaute in nisim biakpiaknate khawlsak ding uh a, a Lipkhaphuai na a suang ding uh hi.

Hosea 3:4

Hih pen kumpi ahi a, makai ahi zongin, biakpiakna le biakpiakna khuampite ahi zongin, siampi puanpi le milim pasian-te nei loin hun saupi sung Israel mite om ding a cihna ahi hi.

Gamlak-vakna 7:62

shekel sawm a gik kham pakan khat, paknamtui a dim tawh;

Isaiah 28:15

“Eite in sihna tawh thuciamna khat i bawl khin a, Leinuai tawh thukimna khat i nei zo hi. A tuumcip ding tuiciin hong tun ciangin eite hong ban lo ding hi; bang hang hiam cih leh zuau thu i bel a, zuauna ah i bu hi,” na ci uh hi.

Daniel 7:25

“Amah in a Lianpen Pasian langpangin thu gen dinga, Pasianʼ mite a bawlsia ding hi. Amah in amauteʼ biakna tawh kipawl thukhamte le pawi bawlna hunte kheelsak ding hanciam dinga, ama khut sungah kum thum le alang sung Pasianʼ mite a om ding uh hi.