Daniel 9:24 - Tedim Bible Revision 2017

²⁴ “Na mite le khuapi siangtho, a mawhna le a gamtat khialhnate a beina ding hun kum sawm sagih mun sagih sung a kiseh zo hi. Tua ciangin mawhna kimaisak dinga, a tawntung thutang thu a hong tung ding hi. Gen kholhna le maangmuhna thu a mantakin hong tangtung dinga, a Siangtho Pen Mun biakinnpi kisiansuah ding hi.

Tedim Bible

²⁴ “Na mite leh khuapi siangtho ading leh, mawhna leh gamtat khialhnate a bei nadingin nipi kal sawmsagih a kiseh zo hi. Tua ciangin mawhna kimaisak ding a, a tawntung thumanna a hong tung ding hi. Genkholhna leh mangmuhna thu man takin a hong tangtung ding a, a Siangthopen Mun biakinnpi a kisiansuah ding hi.

Daniel 9:24 Referans Kwoze

ROM (Romans) 5:10

Pasian tawh eite i kilangneih laitakin ama Tapaʼ sihna hangin amah tawh hong kilemsak ahihleh tu-in Pasian tawh kipawl khinta ihih manin Khris nuntakna in eite hong hon khia zo zaw kan ding hi lo ahi hiam?

Isaiah 61:1

Gimna a thuak mite tungah thuhoih a puak dingin Topa in kei hong teelin hong sawl ahih manin keima sungah Topa Pasian’ kha hong om hi. Lungsim kitamzante a damsak ding, salin a kimante tungah suahtakna thu a gen ding, a kikhum mite adingin thong kong a hong ding,

Gamlak-vakna 14:34

Na gam vaan sung uh ni phazah tawh kizui-in, ni sawm li, ni khat ciangin kum khat, note in na mawhna uh kum sawm li sung na thuak ding uh a, keima lungkim lohna na thei ding uh hi,’ ci hi.

Siampi Laibu 25:8

“Kum nipi sagih hun pen note adingin kum sawm li le kua ahih theih nadingin note in kum nipi sagih, kum sagih mun sagih vei na sim to ding uh hi.

Sawltak 3:22

Bang hang hiam cih leh Moses in, ‘Kei a hong sawl mah bangin note sung mah panin note ading kamsang khat Topa na Pasian un note kiangah hong sawl ding hi. Ama hong thugen khempeuh na mang ding uh hi.

Isaiah 56:1

Topa in hih bangin ci hi: “A sawt loin note ka hong hon khia dinga, hong khah khia ding ka hih manin thutang thumanin gamta un.

Isaiah 51:6

Dak to-in vantungte en unla, leitung zong en suk un. Bang hang hiam cih leh meikhu bangin vantungte mangthang hi. Puan bangin leitung paat khia dinga, ama tunga teengte pen thokang bangin si ding uh hi. Ahih hangin keima hotkhiatna kip tawntung dinga, keima khah khiatna bei ngei lo ding hi.

Late 2:6

“Ka mual siangtho Zion tungah ka kumpi ka tusak khin hi,” ci hi.

Isaiah 51:8

Bang hang hiam cih leh nget in puan a nektum bangin amaute bei mang dinga, lungno in samul puan a peh tum bangin amaute maimang ding uh hi. Ahih hangin keima khah khiatna om tawntung dinga, khang tawntungin ka hotkhiatna kip ding hi,” a ci hi.

Late 45:7

thuman deihin gitlohna na mudah hi. Tua ahih ciangin Pasian ahi, nangma Pasian in na khangualte tungah a kikhai to-in lungdamna sathau nang hong nilh zo a,

Mangmuhna 14:6

Tua ciangin leitungah a teeng mi namkim, pau namkim a zang mite tungah a tawntungin Lungdam nading Thu gen ding a nei vantungmi khat vankim lai ah a leeng ka mu hi.

Hebru 2:17

Tua ahih manin mihingteʼ mawhna a kimaisak theih nadingin Pasianʼ na a sepna ah mite adingin hehpihna le cihtakna tawh Siampi Lianpen a suah theih nadingin a sanggamte tawh a kibangin mihing lim a hong puak ding a kisam ahi hi.

Ezekiel 4:6

Hih bangin na gamtat khit ciangin na taklam delhphahin na kihei leuleu dinga, Judah miteʼ mawhna ni sawm li sung gim na thuak leuleu ding hi. Nangma thuak ni khat pen amauʼ thuak ding kum khat tang ahi hi.

Mangmuhna 3:7

“Filadelfia khua pawlpi vantungmi kiangah lai gelh inla, Davidʼ tawhtang kemin, ama hon sa kong kuamah in a khak zawh loh, ama khak sa kong kuamah in a hon zawh loh, a thuman a siangtho paʼ thugen in:

Hebru 9:26

Tua bangin va pai zelzel hileh leitung piancil a kipanin a va thuak zelzel ding ahi hi. Ahi zongin amah biakna-in a va kipiakna hangin a kimang paisuak a suah theih nadingin mawhmaisak nadingin hun bei kuan ciangin amah khatvei a va kipia hi.

1 KORIN MASA 1:30

Ahi zongin Pasian in Jesu Khris hangin note tungah nuntakna hong pia a, tua Jesu Khris pen eiteʼ pilna, Pasian tawh i kipawl theihna, Pasianʼ mi siangtho suakin, hotkhiatna i ngah theihna ahi hi.

Johan 3:34

Pasian in a sawl mipa tungah ama Kha a kicingin pia ahih manin a sawl mipa in Pasianʼ thugente mah a gen ahi hi.

2 KHANG TANGTHU NIHNATE 29:24

tua ciangin Israel khempeuh adingin pum khat suahna bawl nadingin siampite in go-in tuateʼ sisan tawh biakna tau tungah khialhna hanga biakna a bawl uh hi. Bang hang hiam cih leh Israel khempeuh adingin meihal biakna le khialhna hanga biakna a bawl ding uh kumpipa in thu pia hi.

1 JOHAN MASA 3:8

A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpaʼ mi ahi hi. Hih Dawimangpaʼ nasepna a beisak dingin Pasianʼ Tapa a hong pai hi.

2 PETER NIHNA 1:1

Jesu Khris nasem le sawltak ahi keimah Simon Peter in: Eiteʼ Pasian le Honpa ahi Jesu Khris a thumanna hangin koteʼ upna zah mahin upna manpha a nei mite tungah lai ka hong khak hi.

Hebru 10:14

Mawhna panin a sianthosak mite, khatvei bek biakpiakna a bawlna tawh siangtho paisuaksak hi.

Hebru 7:26

Tua bangin a siangtho, paubaanna a nei lo, vantungah a lian penin a kikoih Siampi Lianpen Jesu i neih a hoih mahmah ahi hi.

Kolose 2:14

Eite adingin a hoih lo, i mawhna a kiciaptehna khempeuh, hong phiatsak a, tuate khempeuh singlamteh tungah kilhcipin a beisak ta hi.

Kolose 1:20

Pasian in a Tapa zangin na khempeuh ama kiangah a kaihkik ding a seh sa ahi hi. Tua ahih manin singlamteh tungah a Tapa a sihna hangin amah tawh kilemkik theih nading hong omsak ahih manin, leitung, vantung a om khempeuh ama kiangah a hong tunkik ahi hi.

Sawltak 3:14

Amah mihoih mi siangtho hi napi-in, amah na nial zawsop uh a, mi that khat a khahkhiat nadingin Pilat kiangah na ngen uh hi.

Johan 1:41

A zing ciangin a u Simon zong pahin ama kiangah, “Messiah ka mu zo uh hi,” a ci hi. Tua pen Khris a cihnopna ahi hi.

Luka 1:35

Vantungmi in, “Nangma tungah Kha Siangtho hong tung dinga, nangma tungah Pasianʼ vangliatna hong om ding hi. Tua ahih manin a hong suak ding a siangtho naungek pen Pasianʼ Tapa kici ding hi.

Marka 1:24

“Nazareth khuami Jesu aw, kote tawh nang bang kisai ihi hiam? Kote a susia dingin hih lai ah hong om na hi hiam? Pasianʼ mi siangtho na hih lam kong thei hi,” ci-in a kiko hi.

Mattiu 11:13

Bang hang hiam cih leh Tuiphumpa Johan thuhilh a kipat hun ciang dong, kamsangte khempeuh le Moses Thukham khempeuh in hih vantung ki-ukna thu gen belin a nei uh hi.

Mattiu 1:21

Amah in tapa khat hong nei dinga, tua tapa in ama mite a mawhna uh panin hon khia ding ahih manin ama min dingin Jesu na phuak ding hi,” ci-in thu a gen hi.

Ezekiel 28:12

“Mihing ahi Ezekiel aw, Taia kumpipa in a thuak ding tawh kisai-in tamlawh inla, Topa Pasian ahi keima thugen, hih bangin gen in: “Nidang lai-in mi kicing etteh pha khat na hi a, pilna le hoihna tawh a kidim na hi hi.

Kah la 4:22

Jerusalem in a mawhna thaman a sang khinzo ta ahi hi. Ka thuak ding uh a nasia penpen teng ka thuak khinzo ta uh hi. Ahi zongin Edom aw, Topa in nang gim hong pia dinga, na mawhna khempeuh a hong pholak ding hi.

Siampi Laibu 8:15

Kilemna bawl nadingin Moses in a bawngtal go a, a si la-in a kiim a biakna tau kite a khutme tawh nuhin, biakna tau siangthosak a, biakna tau bulah a site sung khia-in a ap hi.

Filippi 3:9

Khris tawh kip takin kipawl khin ka hih manin Thukham zuihna tawh a kingah thei keima hanciamna tawh dik ngahna cihte ka nei nawn kei hi. Tu-in, Jesu Khris upna hangin Pasian in a hong piak diksakna ka ngah a, tua pen upna siksanin a hong kipia ahi hi.

Mattiu 4:5

Tua ciangin Dawimangpa in gamlak panin Jerusalem khua ah Jesu paipih a, biakinn khumzang a sang pen munah a kah toh pih khit ciangin,

Luka 21:22

Bang hang hiam cih leh Lai Siangtho sungah a kigelh mah bangin, ‘Gim Piak Ni,’ ahi hi.

Sawltak 4:26

Topa le ama Khris a do dingin leitung kumpite kithawi uh a, gam ukte kikaikhawm uh hi,’ ci hi.

Ezekiel 4:5

ni za thum le ni sawm kua sung na thuak ding hi. Bang hang hiam cih leh amauʼ gimthuak ding kum khat sung dingin ni khat, amauʼ thuak ding kum zah nangmah in a ni-in na thuak ding hi.

Zekhariah 4:14

Tua ciangin amah in, “Leitung khempeuhʼ Topaʼ na a sem dingin Pasian in teelin sathau a nilh mi nihte a cihnopna ahi hi,” hong ci hi.

Isaiah 42:4

Amah in leitungah thutang thu a phuh khit matengin lungsi lo, lungkia lo ding hi. Tuipi gei-a om gamte in ama thu ngak uh hi.