Daniel 9:22 - Tedim Bible Revision 2017

²² Amah in, “Daniel aw, hilhkholhna thu a theisak dingin a hong pai ka hi hi.

Tedim Bible

²² Amah in, “Daniel aw, hilhkholhna thu a theisak dingin ka hong pai zo hi.

Daniel 9:22 Referans Kwoze

Daniel 8:16

Ulai gun gal panin mihingʼ aw khat hong ging a, “Gabriel aw, a muh nate ama kiangah a khiatna hilh in,” a cihna ka za hi.

Zekhariah 1:9

Tua ciangin keimah in, “Sia aw, hih sakolte bang a cihnopna ahi hiam?” ci-in ka dong hi. Amah in hong dawng a, “Bang a cihnopna hiam cih kong lak ding hi.

Mangmuhna 4:1

Hih thu teng khit ciangin ka khuadak leh vantungah kong a kihong sa-in a om ka mu hi. Peengkul awging tawh a kibang, kei kiangah thu a hong gen sa awging mah in, “Hih lai ah hong pai to in. Tunung ciangin thupiang dingte kong lak ding hi,” hong ci hi.

Zekhariah 1:14

Vanglian Topa in ama tungah a gen sa thute khempeuh keimah in ka taangko sawn nadingin tua vantungmi in kei hong sawl a, “Ka khuapi siangtho Jerusalem, nakpi takin itin ka lunghimawh hi.

Daniel 7:16

Ka pam a ding mite khat kiangah pai-in hihte khempeuh a khiatna hong hilh in, ci-in ka thum hi. Tua ciangin amah in a khiatna a hong hilh hi.

Daniel 10:14

Mailam hunah na mipihteʼ tunga hong tung ding thu a hilh khol dingin a hong pai ka hi hi. Hih pen mailam a hong piang lai ding maangmuhna ahi hi,” a hong ci hi.

Amos 3:7

Topa Pasian in ama nasem kamsangte tungah ama geelna theisak masa lopi-in bangmah hih het lo hi.

Daniel 10:11

Amah in, “Daniel aw, Pasian in nang hong it hi. Ding inla kong thugente limtakin ciamteh in. Na kiangah thu a gen dingin kei hong kisawl zo hi,” a hong ci hi. Amah in hih thu teng a hong gen khit ciangin liing kankan kawmin ka ding hi.

Daniel 10:12

Tua ciangin amah in, “Daniel aw, lau kei in. Kiniamkhiat dingin na lungsim na khensat masak pen ni a kipan, tua thu na theihtheih nadingin Pasian in na thungetna a hong za zo hi. Na thungetna bang a hong pia dingin ka hong pai hi.