Daniel 9:21 - Tedim Bible Revision 2017

²¹ Thu ka nget laitakin ka maangmuh masak sunga ka muh mipa Gabriel, ka omna munah a hong leeng suk hi. Tua hun pen nitak lam biakpiak hun laitak ahi hi.

Tedim Bible

²¹ Tua ka nget lai takin, ka mangmuh masak sunga ka muh mipa Gabriel, ka omna munah a hong leengsuk hi. Tua hun in nitak lam biakna piakna hun laitak ahi hi.

Daniel 9:21 Referans Kwoze

Luka 1:19

vantungmi in dawng a, “Kei pen Pasianʼ na a sem Gabriel ka hi hi. Nang kiangah thu hong genin, hih lungdamna thu a ko dingin a hong sawl ka hi hi.

Daniel 8:16

Ulai gun gal panin mihingʼ aw khat hong ging a, “Gabriel aw, a muh nate ama kiangah a khiatna hilh in,” a cihna ka za hi.

Daniel 10:16

Tua ciangin pasal mel tawh a kibang mi khat thakhatin ka mai ah hong om a, ka muk a hong lawnsak hi. Tua ciangin thugen dingin ka kisa hi. Ka mai-a a ding pa kiangah, “Topa aw, ka maangmuhna in ka tha hong zawsak lua ahih manin ka ci-lin a pha thei kei hi.

1 KUMPI MASATE 18:36

Biakpiak hun ciangin kamsang Elijah a nai ah hong pai-in, “Abraham, Isaac le Israel Pasian, Topa aw, nang pen Israel sungah Pasian na hihna le kei pen nangma nasem ka hihna le hih nate khempeuh nangma thu tawh ka hihna thu tu ni-in kitheisak in.

Hebru 1:14

Vantung mite pen Pasianʼ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Sawltak 10:3

Khat vei nitak nai thum pawlin maang mu a, Pasianʼ vantungmi khat hong pai-in ama kiangah, “Kornelias aw,” ci-in a sapna teltakin a thei hi.

Daniel 10:18

Ahih hangin khatvei hong lenkik leuleu a, ka tha a hong khauhkik zaw deuh hi.

Daniel 8:18

Amah in thu a hong gen laitakin sibupin leilak ah ka tuk hi. Ahih hangin amah in hong dom to-in a hong dingsak hi.

Isaiah 6:2

Ama kiimah serafim van mite a ding uh hi. Tuate in kha guk ciat nei uh hi; nih tawh a mai liahin, nih tawh a khe tuamin, nih tawh a leeng uh hi.

Late 103:20

Ama thugen a ngai, ama thu bangin a sem no a thahat, no ama vantung mite aw, Topa phat un.

Paikhiatna 29:39

Tuuno khat zingsang lamin na pia dinga, a dang tuuno khat nitak lamin na pia ding hi.

Hebru 1:7

Ahi zongin vantung miteʼ thu a gen ciangin, “Pasian in a vantung mite huih bangin bawl a, a nasemte meikuang bangin bawl hi,” na ci hi.

Sawltak 12:7

Thakhatthu-in Peter gei ah Topaʼ vantungmi khat hong omin thong sung khempeuh khua a vak hi. Vantungmi in Peterʼ liangko lokin phong a, “Manlangin tho in,” a ci hi. Thakhatin Peterʼ khut panin a sikkhaute kitol khia hi.

Sawltak 10:9

A zing ciangin Joppa khua ah amaute a tun dektak laitakun, thungen dingin sun laitakin innkhum zang ah Peter a kah to hi.

Sawltak 3:1

Ni khat, thunget hun nitak nai thum laitakin biakinn ah Peter le Johan a pai uh hi.

Mattiu 27:46

Nitak nai thum hun pawl laitakin Jesu nakpi takin kiko a, “Ka Pasian, ka Pasian, bang hangin kei hong nusia na hi hiam?” a cihna ahi, “Eloi, Eloi, lama sabakthani,” a ci hi.

Daniel 10:10

Tua laitakin ka khut khatin hong phong to a, ka khut le ka khukin ka tho to a, liing kankan kawmin ka om hi.

Ezekiel 1:14

Tua ganhingte khuaphia mah bangin kin zalzal kawikawi uh hi.

Ezekiel 1:11

Tua ganhingte in a kha nih ciat uh zalin a zom a omteʼ kha mong dawn tawh kimatsak uh a, a om lai a kha nih tegel ciat uh khupin a pumpi uh a tuam uh hi.

Late 104:4

Na kamtai dingin huihte na bawl a, mei le meikuangte na nasemte na hisak hi.

Luka 1:26

Elizabeth a gai zawh kha guk a cin ciangin Pasian in Galilee gam Nazareth khua ah vantungmi Gabriel a paisak hi.

Mangmuhna 9:17

Ka mang sungah ka muh sakolte le a tungah a tuangte pen hih bang ahi hi: Sakol tung tuangte in mei bangin a san, sapfaia suangmanpha bangin a dum, kat bangin a eng, awmdal a bulh uh hi. A sakol lutangte pen humpinelkai lutang tawh kibang a, a kam uh panin meikuang, meikhu le kat a pusuak hi.

Late 141:2

Ka thungetna pen na mai ah paknamtui bangsak inla, ka khutte ka lap tohna pen nitak biakpiakna bangsak in.

Ezekiel 14:14

Noah, Daniel le Job, hih mihing thumte nangawn, amauteʼ lakah a om hileh, amauteʼ hoihna in amauʼ nuntakna ciat bek mah suahtak zo ding uh hi, Topa Pasian in ci hi.

1 KUMPI MASATE 18:29

Sunkim khit ciangin biakpiak hun dong mateng amaute awng suak uh a, ahih hangin awging om lo hi. Kuamah in dawng lo a, kuamah in don lo hi.