Daniel 9:2 - Tedim Bible Revision 2017

² Amah kumpi a suah a kum masa kumin keimah Daniel in, Topa in kamsang Jeremiah tungah Jerusalem kum sawm sagih sung kisia ding hi, ci-in a genna thu ngaihsunin biakna laibute ka sim hi.

Tedim Bible

² Amah kumpi a suah zawh a kum masa kumin keimah Daniel in, Topa in kamsang Jeremiah tunga Jerusalem kum sawmsagih sung kisia ding hi, ci-a a genna laibute simin, tua thute ka ngaihsun hi.

Daniel 9:2 Referans Kwoze

Jeremiah 29:10

“Topa in kong cih in ah: Babylon khua ah kum sawm sagih na om khit uh ciangin, note kong kankik dinga, kong kamciamna sa hong tangtungsakin hih munah kong lakik ding hi.

2 KHANG TANGTHU NIHNATE 36:21

Tua sungin Israel leitang in a sabbath-te a kicingin na tang hi. Kamsang Jeremiah tungtawnin Topaʼ thugen a tun nadingin kum sawm sagih a cin nadingin leitang a kinusiat sung khempeuh leitang in sabbath tawlngakna a nei ahi hi.

Mangmuhna 1:3

Hih laibu a sim mite mi hampha hi a, hih thu kigente ngai-in, hih laibu sungah a kigelh thu a zuite zong mi hampha mah ahi uh hi. Bang hang hiam cih leh hih thu kigente a tun ding hun hong naita hi.

Zekhariah 7:5

“Gam sung mi khempeuh le siampite tungah hih bangin gen in: Amaute in a beisa kum sawm sagih sung kha ngana le kha sagihna sungin an tangin a kahna uh, kei hong pahtawina uh hi lo hi.

Ezra 1:1

Persia kumpi Sairasʼ uk kum khatna kumin, Jeremiah tungtawnin Topaʼ thugen a tun theih nadingin, ama gam sung khempeuh ah taangkona khat bawlin lai-in zong a gelh nadingin Persia kumpi Sairasʼ lungsimah Topa in a suaksak hi. Amah in hih bangin a hih hi:

Micah 3:12

Tua ahih manin noteʼ hangin lo khawh bangin Zion kikho-in, Jerusalem, nin kipaihna phualpi hong suak dinga, biakinn omna mual, gamlak a suak ding hi.

Jeremiah 27:7

Ama gam a kisiat hun a tun mateng gam khempeuh in amah a kipan a tapa le a tupaʼ na a sepsak ding uh hi. Tua khit ciangin gam tampi le kumpi liante in amah salin a leh neihkik ding uh hi.

Jeremiah 25:18

Jerusalem le Judah gam a khuapite, a kumpite uh le a gam uliante uh ka dawnsak a, tu ni dongin gam simtham suakin, miteʼ simmawhna thuakin, a min uh hamsiat nadingin a kizang hi. Tua hai panin a dawn a dangte:

Jeremiah 7:34

Tua ciangin Judah gam khuapite le Jerusalem khua kongzing lakah gualnopna le lungdamna awte le zi nei thakte le mothakteʼ awte ka gingsak nawn kei ding hi; bang hang hiam cih leh tua mun kinusia ding hi.

Isaiah 64:10

Nangma khuapi siangthote gamlak suak khinta a, Zion zong gamlakpi suak a, Jerusalem khua gamkhing a suak hi.

1 TIMOTI MASA 4:13

Kei ka hong pai matengin mipi mai ah Lai Siangtho simna, a khiatna genna le hanthotnate ah tavuan na la in.

Sawltak 8:34

Tua ciangin mangpa in Filip kiangah, “Hih kamsang pa in amah a kicihna ahi hiam, tua ahih kei leh midang khatpeuh a cihna ahi hiam, hong gen dih in,” a ci hi.

Marka 13:14

“Ama om loh nading pi ah a lipkhaphuai zehphitna a hong om na muh uh ciangin (hih lai a simte in Jesuʼ cihnopna thei ta un!) Judea gam a om mite mual tungah tai un.

Mattiu 24:15

“Tua ciangin kamsang Daniel in, ‘A lipkhaphuai zehphitna,’ ci-in a gen pen a siangtho munah hong om ciangin (hih lai a simte in Jesuʼ cihnopna thei ta un),

Kah la 1:1

Khat vei lai-in mi a dimtakin a teenna Jerusalem khuapi bangzah takin gamdai ahi hiam? Leitung bup in a zahtak khuapi tu-in meigong tawh a kibang ta hi. Leitung a om khuapi khempeuhteʼ lak panin a thupi pen khuapi tu-in salin a kiman khinzo hi.

Jeremiah 26:6

hih Jerusalem biakinnpi Shiloh khua-a biakinn ka bawl bangin ka bawl dinga, hih khuapi pen leitung gam khempeuhteʼ kihamsiatna-in ka zangsak ding hi,’ na ci ding hi,” a ci hi.

Late 119:24

Na thuhilhnate ka deih hi. Tuate pen keimah thu hong lakte ahi hi.

Jeremiah 26:18

“Judah kumpipa Hezekiah in a uk laitakin Moresheth khuami Mikah in Judah mi khempeuhteʼ kiangah, ‘Lo dingin Zion mual a kikho ding hi. Jerusalem khua kisia zan dinga, biakinn mual, gamlak a suak ding hi, ci-in Vanglian Topa in gen hi,’ ci hi.

Jeremiah 1:1

Benjamin gam Anathoth khua-a siampi khat ahi Hilkiahʼ tapa Jeremiahʼ thugente hih bang ahi hi.

Daniel 9:3

An ngawlin, puanhampi silhin, vut lakah tu-in, Topaʼ kiangah deih takin thu ka ngen hi.

Zekhariah 1:12

Tua ciangin Topaʼ vantungmi in, “Vanglian Topa aw, Jerusalem khuapi le Judah gam khuapite tungah kum sawm sagih sung na heh khinta hi. Amaute hehpih loin bang tanvei om lai ding na hi hiam?” ci hi.

Ezekiel 29:11

Na gam sungteng, mihing in ahi a, ganhing in ahi zongin sik nawn lo ding hi. Kum sawm li sung bangmah om lo ding hi.