Daniel 9:19 - Tedim Bible Revision 2017

¹⁹ Topa aw, kong thungetna uh hong za inla, ka mawhna uh hong maisak in. Topa aw, hong ngai inla hong sem in! Mi khempeuh in Pasian na hih lam a hong theih nadingun hong zekai kei in. Hih khuapi le hih mite na neihsa ahi hi,” ka ci hi.

Tedim Bible

¹⁹ Topa aw, ka thungetna uh hong za in la, ka mawhna uh hong maisak in. Topa aw, hong ngai in la, na hong sem in! Na min na khualna tawh hong zekai kei in. Hih khuapi leh hih mite in nangma neihsa ahi hi,” ka ci hi.

Daniel 9:19 Referans Kwoze

Daniel 9:18

Pasian aw, kong thungetnate uh hong ngai inla hong za in. Hong en inla, koteʼ siatna le na min a pua khuapi a siatna hong mu in. Koteʼ gamtatna pha a suang hi loin nangma migitna suangin thu ka hong ngen uh hi.

Luka 11:8

Tua ahihleh keʼn kong cih in ah, a lawm ahihna hangin amah tho tuan loin bangmah a piak loh hangin, a nget teiteina hangin amah tho-in a kisapna teng a pia ding hi.

Amos 7:2

Kauphe in gam sung lopate a gaih khit ciangin, keimah in Topa tungah ka thum a, “Topa Pasian aw, na mihingteʼ mawhna maisak in. Amaute minam tawm hi a, zawngkhal uh ahih manin bangci-in thuak zo ding ahi uh hiam?” ka ci hi.

Efesa 1:12

Tua ahih manin Khris a muang masa eite in Pasian phatin a minthanna vang kilangsak ni.

Jeremiah 14:9

Bang hangin mi lungkia gawp bangin omin, a hon khia thei lo galkap pa bangin om na hi hiam? Ahih hangin Topa aw, koteʼ laizang ah nang na om a, nangma minin kote hong kisam hi. Kote hong nusia kei in,’ hong ci uh hi,” hong ci hi.

Jeremiah 14:7

Ka mite in kei tungah, ‘Topa aw, ka mawhna uh koteʼ lang khat ah hong pang ahi ta zongin nangma min hangin kote hong hehpih in. Kote in tam veipi nang kong nungngat uh a, nangma tungah ka hong khial khinzo uh hi.

Gamlak-vakna 14:19

A lian nangma itna kip tawh a kizui le Egypt panin tu hun dong hih mite na maisak sa tawh kizui-in hih miteʼ mawhna maisak in, kong thum hi,” a ci hi.

Efesa 1:6

Ama it Tapa hangin hih bangin letsong hong pia ahih manin a vanglian ama hong hehpihna hangin Pasian phat ni.

Ezekiel 39:25

Topa Pasian in kei kiangah, “Tu-in Jakob suanlekhak Israel mite ka hehpih dinga, amaute a cithei-in ka bawlkik ding hi. Keima min siangtho ka hu ta ding hi.

Ezekiel 36:22

“Tua ahih ciangin Topa Pasian keimah in Israel mite tungah ka gen ding thute hih bangin gen in: Israel mite aw, tu-a ka sep ding thu pen note kong khualna hang hi loin, minam dang khempeuhteʼ lakah na daisak kawikawi uh ka min siangtho ka khualna hang hizaw hi.

Ezekiel 20:22

Ahi zongin tua bangin hih leng, Egypt gam panin Israel mite ka paikhiatpih hong mu miteʼ lakah ka mindai ding ahih manin amaute ka susia kei hi.

Ezekiel 20:14

Ahi zongin Egypt gam panin amaute ka paikhiat pihna minam dangte in hong mu khin ahih manin tua bangin gamta leng, keima mindai nading mah hi zel ahih manin amaute bangmah ka cih kei hi.

Ezekiel 20:9

Ahi zongin Egypt gam panin no Israel mite kong paikhiatpih ding hi, ci-in amauʼ ompih miteʼ zakin gen khin ka hih manin, tua bangin gim thuaksak leng keima min a daisak suak ding, cih ngaihsutna hangin gim ka pia kei hi.

Jeremiah 25:29

Bang hang hiam cih leh en un, ka min tawh a kilo khuapi sungah suksiatna ka pan ding hi. Note in bangmah a thuak lo ding kisa na hi uh hiam? Gim thuak loin na om kei ding uh hi; bang hang hiam cih leh Vanglian Topa in kong cih in ah, leitung a teeng mite khempeuh a that dingin namsau khat ka sawl hi,’ ci in.

2 KHANG TANGTHU NIHNATE 6:39

na teenna vantung panin amauʼ thungetna le hong thumnate za inla, amauʼ vai huhin nang tungah hong khial na mite maisak in.

2 KHANG TANGTHU NIHNATE 6:21

Amaute in hih mun lam nga-in thu hong nget uh ciangin na nasem pa le na mi Israel-teʼ hong thumnate nangmah in ngai in. Na teenna mun vantung panin hong za takpi inla, na zak ciangin hong maisak in.

Gamlak-vakna 6:27

“Amaute in tua bangin Israel mite tungah keima min lo ding uh a, keimah in amaute thupha ka pia ding hi,” a ci hi.