Daniel 9:18 - Tedim Bible Revision 2017

¹⁸ Pasian aw, kong thungetnate uh hong ngai inla hong za in. Hong en inla, koteʼ siatna le na min a pua khuapi a siatna hong mu in. Koteʼ gamtatna pha a suang hi loin nangma migitna suangin thu ka hong ngen uh hi.

Tedim Bible

¹⁸ Pasian aw, ka thungetna uh na bil tawh hong ngai in la hong za in. Hong en in la, kote’ siatna leh na min pua khuapi’ siatna hong mu in. Kote’ gamtatna pha suang hi loin, nangma’ migitna suangin thu kong ngen uh hi.

Daniel 9:18 Referans Kwoze

Isaiah 37:17

Topa aw, na bil hong ngat inla hong za in. Topa aw, na mit hak inla hong mu in. Sennakherib in a nungta Pasian a zahkona, hong khak hih thute khempeuh za in.

Jeremiah 36:7

Topaʼ tungah amaute thumin a vekpi-un a hoih lohna uh panin a kihei thei kha ding uh hi. Bang hang hiam cih leh hih miteʼ tungah Topa in tunsak dingin a gen sa a hehna le a thangpaihna lian mahmah hi,” ka ci hi.

Jeremiah 25:29

Bang hang hiam cih leh en un, ka min tawh a kilo khuapi sungah suksiatna ka pan ding hi. Note in bangmah a thuak lo ding kisa na hi uh hiam? Gim thuak loin na om kei ding uh hi; bang hang hiam cih leh Vanglian Topa in kong cih in ah, leitung a teeng mite khempeuh a that dingin namsau khat ka sawl hi,’ ci in.

2 KUMPI NIHNATE 19:16

Topa aw, na bil hong ngat inla hong za in. Topa aw, na mitte hak inla hong mu in. Tua ciangin a nungta Pasian a zahko nadingin a hong khak Sennakheribʼ thute za in.

Ezekiel 36:32

Israel mite aw, hih thute khempeuh, noteʼ lungdam nadingin a bawl ding ka hih lohna thu na theih ding uh ka deih hi. Na gamtatna sate uh hangin maizumin na mindai ding uh ka deihna hizaw hi. Topa Pasian in hih thu kong gen khin hi.

Jeremiah 15:16

Na thute in kei hong kem a, an bangin ka ne hi. Na thute kei adingin kipahna le lungdamna ahi hi. Bang hang hiam cih leh nangma minin kei hong kilo hi, aw, Topa, Vanglian Pasian aw.

Jeremiah 14:7

Ka mite in kei tungah, ‘Topa aw, ka mawhna uh koteʼ lang khat ah hong pang ahi ta zongin nangma min hangin kote hong hehpih in. Kote in tam veipi nang kong nungngat uh a, nangma tungah ka hong khial khinzo uh hi.

1 KORIN MASA 1:2

Jesu Khris tawh kipawlna hangin Pasianʼ mi suakin, Pasianʼ mi siangtho cihna a ngah, Korin khua-a om Pasianʼ pawlpi mite le eiteʼ Topa bek hi loin, amauteʼ Topa zong ahi, i Topa Jesu Khris tungah thu a ngen, mun khempeuh ah a om mite tungah lai ka hong khak uh hi.

Jeremiah 37:20

Tu-in ka to kumpipa aw, ka thugen nong ngaih nadingin kong thum hi. Kumpi thuvanpi pa Jonathanʼ inn ah nong puakkik nawn loh nadingin na mai nuai ah kiniamkhiatna tawh kong thum hi. Bang hang hiam cih leh nong puakkik leh tua lai ah ka si taktak ding hi,” ka ci hi.

Jeremiah 14:9

Bang hangin mi lungkia gawp bangin omin, a hon khia thei lo galkap pa bangin om na hi hiam? Ahih hangin Topa aw, koteʼ laizang ah nang na om a, nangma minin kote hong kisam hi. Kote hong nusia kei in,’ hong ci uh hi,” hong ci hi.

Isaiah 64:6

Kote khempeuh mawhnei mi ka hi khin uh a, ka gamtat hoih khempeuh uh zong puan nin tawh kibang lai veve hi. Kote khempeuh singteh bangin ka vul uh a, ka mawhna hangun huih letkhiat nahthel keu ka bang uh hi.

1 KUMPI MASATE 8:29

‘Tua lai ah ka min om ding hi,’ na cihna mun hih biakinn lamah sun le zanin na mit hak inla, na nasem pa in hih mun lamah a thungetna hong za in.

Paikhiatna 3:7

Tua ciangin Topa in, “Egypt ah a om ka miteʼ gimna mu khinin, amaute a uk nasem ukteʼ hangin amauʼ kikona ka za khin hi. Amauʼ thuaknate ka thei a,

Isaiah 64:12

Topa aw, hih thute ah nangmah ki-ipcip niloh ding na hi hiam? Nang daitakin om dide-in nakpi takin kote hong gimsak ding na hi hiam?

Late 116:1

Topa ka it hi; bang hang hiam cih leh amah in ka aw hong za-in ka thumnate hong ngai hi.

Daniel 9:7

Topa, nang na hih leh na siangtho a, ahih hangin kote ka hih uh leh a zumhuai-in ka gamta uh hi. Judah gam le Jerusalem khua sunga teeng Israel mite khempeuh thuman lo uh ahih manin, a nai a gamla gam tuamtuam ah na thehthang zo hi.

Gamlak-vakna 6:27

“Amaute in tua bangin Israel mite tungah keima min lo ding uh a, keimah in amaute thupha ka pia ding hi,” a ci hi.

Late 25:6

Topa aw, tanglai pek a kipan a om sa ahih manin, na hehpihna le na itna kip hong phawkkik in.

Ezekiel 36:22

“Tua ahih ciangin Topa Pasian keimah in Israel mite tungah ka gen ding thute hih bangin gen in: Israel mite aw, tu-a ka sep ding thu pen note kong khualna hang hi loin, minam dang khempeuhteʼ lakah na daisak kawikawi uh ka min siangtho ka khualna hang hizaw hi.