Daniel 9:12 - Tedim Bible Revision 2017

¹² Na gen sa bangin kote tung le ko hong ukte tungah na hong bawl zo hi. Leitung a om khuapi dang khatpeuh sangin Jerusalem khuapi a nasia zaw-in gim na pia hi.

Tedim Bible

¹² Na gensa bangin kote tung leh ko hong ukte tungah a nasia gimna nong tungsak zo hi. Leitunga om khuapi dang khatpeuh na hih ngei loh pen Jerusalem tungah na hih hi.

Daniel 9:12 Referans Kwoze

Ezekiel 5:9

Ka deih loh hih nate khempeuh na gamtatna hangin cikmahin ka hih ngei nai loh, cikmah ciangin zong ka hih nawn loh ding thu tawh nang Jerusalem gim kong pia ding hi.

Kah la 1:12

A kiim a pam ah a pai mi khempeuh kiangah, “Hong en in, keiʼ thuak zahin gimna a thuak, Topa in a heh laitakin a hong thuaksak gimna a thuak kei longal, midang kuamah om lo hi,” ci-in a kiko hi.

Isaiah 44:26

a nasem paʼ thu kipsakin, a kamtaiteʼ thugente a sem pa, ‘Jerusalem khua ah mi teengin, Judah khuapite kilamkik dinga, a kisia khuate ka lamkik ding hi,’ a ci pa;

Kah la 2:17

Topa in a seh sa bangin a tawpkhakna ah a hong bawl hi. Sau veipi lai-in a hong hilhkholhna bangin hong hehpih nawn loin a hong susia hi. Galte gualzo a, ei hong guallelsak a, amaute a lungdamsak hi.

Kah la 2:13

Ka it Jerusalem khuapi aw, bangci ding ka hi hiam? Hong bangci hehnep ding ka hi hiam? Nang thuak bangin a thuak kuamah om lo hi. Na tuahsiatna tuipi cia pha a, a lamethuai bangmah om nawn lo hi.

JOB (Job) 12:17

Amah in mipilteʼ pilna susia-in, makaite pen mihai bangin gamtasak hi.

ROM (Romans) 15:8

Hih banga kong genna pen, Pasian thuman hi, ci-in a kilat nadingin pupite tungah Pasianʼ thuciamna a tungsak dingin, Jew mite hoih nading,

Luka 21:22

Bang hang hiam cih leh Lai Siangtho sungah a kigelh mah bangin, ‘Gim Piak Ni,’ ahi hi.

Marka 13:19

Bang hang hiam cih leh Pasian in leitung a piansak cil a kipanin tu hun dong, cikmahin tua bang haksatna a omngei lo, nidang ciangin zong a omngei nawn lo ding, tua hun laitakin hong tung ding hi.

Mattiu 24:21

Bang hang hiam cih leh leitung piancil a kipan tu hun dong, cikmahin tua bang haksatna a omngei lo, nidang ciangin zong a omngei nawn lo ding, tua hun laitakin hong tung ding hi.

Mattiu 5:18

Hoihtakin na phawk ding uh thu panin: Vanlelei a bei mateng, hih thukhamte a neu pen khat nangawnʼ deihna tangtung lopi-in mawk mai lo ding hi.

Zekhariah 1:8

Topaʼ vantungmi khat sakol san khat tungah a tuang ka mu hi. Kuam sunga a om mui singkungte lakah amah khawl a, ama nungah sakol dang a san, a gial, a kang om hi.

Zekhariah 1:6

Ahi zongin ka nasem ahi kamsangteʼ tungtawnin ka hilhkholhna le ka thupiaknate in note dongin hong su kha lo ding sa na hi uh hiam, ka ci hi. Tua ahih ciangin a tawpna ah amaute kisik uh a, hih dinga ka lungsimah ka geel sa bangin amauʼ gamtatna tawh kizui-in gim a pia ka hihna thu a phawk uh hi,’ ci in,” a ci hi.

Amos 3:2

Leitung minam khempeuh lakah note bek hong thei-in, note bek ka hong don hi. Tua ahih manin na khialhna khempeuh uh hangin note gim kong pia ding hi.

Joel 2:2

Tua ni pen a mial, a lungzinhuai, meii kai-in khuazinʼ ni ahi ding hi. Mual tung a meiipi kai bangin sim zawh lohin kauphe honpi hong leeng muaimuai hi. Cikmahin hih bang thu omngei nai lo a, cikmah ciangin zong omkik nawn lo ding hi.

Ezekiel 13:6

Amauteʼ maangmuhnate zuaupi hi a, a thugen kholhnate uh zong zuau thu ahi hi. Keimah in amaute sawl lo napi-in amaute in, ‘Topa in hih bangin ci hi,’ ci khem uh hi. Tua bang hi napi-in amauteʼ thugente ka tunsak ding a lamen lai uh hi.

Kah la 4:6

Jerusalemʼ mawhna Sodom khuapiʼ mawhna sangin lian zaw ahih manin, thakhatin Pasianʼ khut sung pan kisiatna a ngah uh hi.

Paunak 8:16

Leitung a om mi ukte khempeuh in keima huhna bek tawh uk zo uh a, mi lian mi thupite in keima huhna bek tawh vaihawm zo uh hi.

Late 148:11

No leitung kumpite le mihing khempeuh, leitung uliante le thukhente khempeuh!

Late 2:10

Tua ahih ciangin kumpite aw, tu-in pil ta un; leitung gam a ukte aw, tu-in thu phawk ta un.

1 KUMPI MASATE 3:9

Tua ahih ciangin keimah in a sia le a pha ka theihtheih nadingin na mite uk nading thu theihtelna lungsim na nasem pa hong pia in. Bang hang hiam cih leh hih a lian a tam na mite kua in uk zo ding ahi hiam?” a ci hi.

Jeremiah 30:7

Nu e! Tua ni lianpi hong tung dinga, nidang tawh teh theih ding hi lo hi. Jakob suanteʼ gim hun hi dinga, ahih hangin amaute suakta veve ding uh hi.

Jeremiah 32:23

Amau zong lutin a luah pah uh hi. Ahih hangin amaute in na thu hong mang loin, thukham hong zui lo uh a, hih dinga na thupiakte khat beek a hih kei uh hi. Tua ahih manin amaute tungah hih siatna khempeuh na tungsak hi.

Jeremiah 39:16

“Ethiopia mi Ebedmelek kiangah pai inla, ‘Vanglian Topa, Israel miteʼ Pasian in hong genin ah: En in, hih khuapi hoih nading hi lo, a siat nading ka gen sate ka tungsak dinga, tua ni a hong tun ciangin nangmah in zong na mu ding hi.

Jeremiah 44:23

Note in paknamtui halin, Topaʼ tungah mawh tham loin, Topaʼ thu mang loin ama thukhamte, a ngeinate le a hong thupiakte zui lo na hih manun tu ni mahmah in zong hih gimna note tungah hong tung ahi hi,” ka ci hi.

Daniel 12:1

Tua ciangin saihadial puan a silh vantungmi in, “Na mite a cing, a lian vantungmi Mikhael hong kilang ding hi. Tua ciangin leitungah mihing a pian zawh a kipan a nasia penpen gimna hun hong tung ding hi. Tua hun a hong tun ciangin Pasianʼ laibu sungah a min a kigelh na mite khempeuh kihon khia ding hi.

Zekhariah 7:12

Amaute in a lungsim uh suangtum bangin saksak uh a, Vanglian Topa in tanglai kamsangteʼ tungtawnin a gen thuhilhnate ngai nuam lo uh hi. Tua ahih manin Topa heh mahmah hi.

2 KUMPI NIHNATE 22:16

Topa in hih bangin ci hi: En un, hih lai mun le a tungah a teengte tungah Judah kumpipa in laibu sunga a sim siatna thute khempeuh ka tungsak ding hi.

Isaiah 43:28

Na uliante un ka biakinn mindaisak uh ahih manin Israel tungah siatna ka tungsak a, Jakob ka mindaisak hi,” a ci hi.