Daniel 8:9 - Tedim Bible Revision 2017

⁹ Tua ki lite lak pan khatʼ tungah ki neu dang khat hong po a, khanglam, nisuahna lam le Thuciamna Gam lamah a vangliatna a lak hi.

Tedim Bible

⁹ Tua ki lite lak pan khat tungah kineu dang khat hong kipan a, a vangliatna khang lam, ni suahna lam leh, Thuciamna Gam lamah a vangliatna a khang hi.

Daniel 8:9 Referans Kwoze

Daniel 11:16

Galdo zo ding om nawn lo uh ahih manin a galte uh a ututin a gamta ding uh hi. Thuciam Gamah zong lutin a khut sungah tua gam a om ding hi.

Daniel 7:8

Tua kite ka et laitakin tuateʼ lakah a dang ki neu khat hong po a, a om sa sung pan ki thumte a bot khia hi. Tua kiʼ tungah mihing mittang tawh a kibang mittang le kam om a, kiphatsakna kam tampi a pau hi.

Ezekiel 20:15

Tua ahih manin bawngnawi le khuaizu tui bangin a luanna, gam hoih pen ahi, amaute tungah ka piak sa gamah amaute ka paipih loh nading thu, gamlak ah ka kiciam hi.

Ezekiel 20:6

Egypt gam panin amaute paikhiat pihin, amaute adingin ka zon khiatsak, bawngnawi le khuaizu tui bangin a luanna gam ahi, gam sung khempeuh panin a hoih penna munah amaute ka tunpih ding ni teek mahin ka kiciam hi.

Late 48:2

Kumpi lianpaʼ khuapi, leilu lam a a om ama mual siangtho hoihin a sang mahmah Zion mual pen leitung khempeuhʼ lungdamna ahi hi.

Zekhariah 7:14

Tua ahih manin Topa in, “Huihpiʼ mutkhiat bangin amaute thehthang gawpin, a theih ngei nai lohna uh gam dangah amaute teeng ding uh hi. Amauʼ nusiat leitang hoih zong gamkhing suak dinga, a tungah kuamah om nawn loin daicip ding hi,” a ci hi.

Daniel 11:21

“Ama zomah Syria kumpi ding pen migilo, kumpi dingin a kilawm lo mi khat ahi ding hi. Ahih hangin amah pen thakhat thu-in zuausiamna tawh kumpi a hong suak vat ding hi.

Jeremiah 3:19

“‘Israel aw, ka tapa bangin nang hong bawlin, gam khempeuh lakah a hoih pen gam nopci mahmah khat nang hong pia ning, ci-in ka ngaihsun hi.

Late 105:24

Topa in ama mite pungsak mahmah a, a galte sangin amaute hatsak zaw hi.