Daniel 8:8 - Tedim Bible Revision 2017

⁸ Tua keeltal a thahatna hong khangto semsem a, ahih hangin a thahat pen laitakin a ki a kitan hi. Tua a ki pona munah a lamdang ki li hong po tokik a, mun tuamtuam a kawk hi.

Tedim Bible

⁸ Tua keeltal a thahatna hong khangto semsem a, ahih hangin a thahatpen lai takin a ki a kitan hi. Tua ki pona munah a lamdang ki li hong po to kik a, vantung kiu lite a kawk hi.

Daniel 8:8 Referans Kwoze

Daniel 7:2

Mun khempeuh panin huihpi hong nungin tuipi tung a seem gawp hi.

Mangmuhna 7:1

Tua khit ciangin leitung kiu li ah vantungmi li, kiu khat ah khat ciat dingin leitung, tuipi tung le singkung khat peuhpeuh a mut khak loh nadingin leitung huih lite lencipin a om uh ka mu hi.

Daniel 8:22

Ki po masa pen a kitan khit ciangin a nung a hong po ki lite pen tua gam panin kumpi gam li hong piang ding a cihnopna ahi hi. Ahih hangin tua gamte ahihleh a masa pen kumpi gam zahin a thahat kei ding uh hi.

Daniel 8:5

A bangci hi ding hiam, ci-in ngaihsun thei loin ka om laitakin nitumna lam panin keeltal khat a hong tai veva hi. Hat lua mahmah ahih manin a khe in lei a su kha kei hi. A mit tegel kikalah a tuampian ki lamdang khat a nei hi.

Daniel 5:20

Ahih hangin amah a lung khauhin kiphasak a, gilo lua ahih manin a kumpi tokhom panin kila khia a, a minthanna a taan hi.

2 KHANG TANGTHU NIHNATE 26:16

Ahih hangin amah a thahat ciangin a siat nadingin a kiphatsakna hong khang hi. Bang hang hiam cih leh Topa a Pasian tungah amah khial a, paknamtui biakna tau tungah paknamtui hal dingin Topaʼ biakinn sungah a lut hi.

Marka 13:27

Tua ciangin leitung mun khempeuh ah vantung mite sawl dinga, leimong khat pan mong khat kikalah a om a teel mite khempeuh a kaikhawmsak ding hi.

Mattiu 24:31

Nakpi takin peengkul hong ging dinga, leitung mun khempeuh ah a vantung mite hong paisakin, leimong khat pan mong khat dongin, a teel sa mite a kaikhawmsak ding hi.

Daniel 11:4

Ahih hangin a thahat pen laitakin a gam hong kitam dinga, khen li a kisuah ding hi. A suan a khakte in ama gam a uk kha kei ding uh hi. Midangte in uk ding uh a, ahi zongin amah zahin vang a nei zo kei ding uh hi.

Daniel 7:6

Ka et lai leh kamkei tawh a kibang sapi dang khat ka mu hi. A nungzang ah vasa kha tawh a kibang kha li a nei hi. Tua sapi in lutang li nei a, ukna aana ama tungah a kipia hi.

Daniel 4:31

Tua thute a kam sung pan a pusuah ma-in vantung panin aw khat hong ging a, “Kumpi Nebukhadnezzar aw, ka thugen na ngai in. Na kumpi gam hong kilak khiatsak zo hi.

Ezekiel 28:9

Nang a hong that ding a hong kuan ciangun, kei pasian bang hi ing, na ci lailai diam? Nang hong thatte na tuah ciangin mihing na hih lelna hong kilang ding hi.

Ezekiel 16:7

Singkung hoih bangin nang kong khangtosak hi. Nang cidamin nong khangto a, nungak nong suak hi. Na nawite zong hoihtak mahin hong bawk a, na mul zong hong po ta hi; ahi zongin guaktangin na om hi.

Jeremiah 5:27

Bawm sung dimin vasa a kikhum bangin khemna tawh a ngah uh vante tawh a inn uh a dim hi. Tua ahih manin amaute lianin hau mahmah uh a, thau-in a mai uh a zol hi.

Esther 9:4

Bang hang hiam cih leh kumpi inn sungah Mordekai ulianpi khat suak a, a vangliatna a khan semsem mah bangin gam khempeuh ah ama minthanna kizel hi.

Thu-hilhkikna 31:20

Bang hang hiam cih leh a pu a pate uh tungah piak dinga ka kiciamna, bawngnawi le khuaizu tui bangin a luanna gamah amaute tunpih khinin, amaute in ne-in khamin a thau khit uh ciangin, pasian dangte a bia dingin kihei-in kei hong simmawhin ka thuciamna siasak ding uh hi.

Jeremiah 49:36

Vantung mun li panin huihpi ka mut mangsak dinga, Elam gam panin ka hawl khiatte mun khempeuh ah kithehthangsakin a tun lohna uh gam khat beek ka omsak kei ding hi.

Daniel 8:7

Heh lua mahmah ahih manin tua tuutal lai gawp a, a ki tegel a suktansak hi. Tuutal in nang zo lo ahih manin lei kidenna a, a huh zo ding kuamah a om kei hi.