Daniel 8:27 - Tedim Bible Revision 2017

²⁷ Keimah Daniel, ni tawmvei sung tha zaw gawpin ka ci a na hi. Tua ciangin tho-in ka nasep ngei a semkik dingin kumpi inn ah ka pai hi. Ka maangmuhna thu thei zo lo ka hih manin cih nading mel thei loin daptakin ka om hi.

Tedim Bible

²⁷ Keimah Daniel in, ni tawmvei sung thazaw gawpin ka ci a na hi. Tua ciangin tho-in, ka nasep ngei semkik dingin kumpi innah ka pai hi. Ka mangmuhna thu thei zo lo ka hih manin cih nading meel thei loin dap takin ka om hi.

Daniel 8:27 Referans Kwoze

Daniel 7:28

Hih tangthu a beina hi ta hi. Hih thu ka ngaihsut ciangin keimah Daniel ka lau mahmah a, ka mel a daang gawp hi. Ahih hangin hih thu keima lungsim sung bekah ka koih hi.

Habakkuk 3:16

Hih thute khempeuh ka zak ciangin ka pumlinʼ a, lau lua-in ka muk liing sapsap hi. Ka guh ka taang hong zen a, guh nei lo bangin ka puk cip suk hi. Ko hong sim gawp mite Pasian in gim a piak ding hun daitakin ka ngak khikhe ding hi.

Daniel 10:16

Tua ciangin pasal mel tawh a kibang mi khat thakhatin ka mai ah hong om a, ka muk a hong lawnsak hi. Tua ciangin thugen dingin ka kisa hi. Ka mai-a a ding pa kiangah, “Topa aw, ka maangmuhna in ka tha hong zawsak lua ahih manin ka ci-lin a pha thei kei hi.

Daniel 10:8

Kei guak bek hong kinusia ahih manin tua a lamdang maangmuhna keimah guak bek mah in ka mu hi. Ka thaneih teng bei khin a, ka mel kikhel gawp ahih manin kei ka hih lam mel kuamah in a hong thei nawn kei uh hi.

Daniel 8:7

Heh lua mahmah ahih manin tua tuutal lai gawp a, a ki tegel a suktansak hi. Tuutal in nang zo lo ahih manin lei kidenna a, a huh zo ding kuamah a om kei hi.

Daniel 8:2

Ka maangmuhna ah thakhatin Elam gam sunga om Susa khuapi kulh sungah a omin ka kingaihsun a, Ulai gun gei ah ka ding hi.

Daniel 5:14

Nangma sungah Pasianʼ kha om ahih manin siamna nei-in, lungpilna le theihna na neih lam ka thei hi.

1 SAMUEL MASA 3:15

Samuel zong zingsang dong lum hi. Tua ciangin amah in Topaʼ inn kongkhakte hong hi. A maangmuhna Eliʼ kiangah a gen ding Samuel lau hi.

Daniel 4:19

Tua ciangin Belteshazzar zong a kici Daniel lungmang lua ahih manin tawmvei sung bangmah gen thei loin a om hi. Kumpipa in, Belteshazzar aw, mang le a khiatna huhau-in na lung mangsak zenzen kei in, a ci hi. Belteshazzar in, Kumpipa aw, nang mangmat le a khiatna pen na galte tungah tung zaw hen, a ci hi.

Daniel 8:17

Gabriel hong pai-in ka kiangah hong dinga, lau lua mahmah ka hih manin leitungah ka puk hi. Amah in, “Leitung mi aw, a khiatna thei in. Maangmuhna pen hun beina ding lahna ahi hi,” ci-in ka kiangah a hong gen hi.