Daniel 8:23 - Tedim Bible Revision 2017

²³ “Tua kumpi gamte a bei ding hun a nai ciangin gilo lua mahmah ding uh ahih manin gim a kipia ding hi. Tua ciangin ama thu bek thu a sa, mawhna pawlpawl tawh a kidim, zuauphuah hat kumpi khat a hong om ding hi.

Tedim Bible

²³ Tua kumpi gamte a bei ding a nunung zaw hun a nai ciangin, gilo lua mahmah ding uh ahih manin daan a kipia ding hi. Tua ciangin ama thu bek thu a sa, mawhna pawlpawl tawh kidim, hehmel a pua kumpi khat a hong om ding hi.

Daniel 8:23 Referans Kwoze

Mangmuhna 19:20

Tua ciangin a ganhing le tua ganhing omna ah nalamdang a bawl kamsang zuau pa kiman khawm hi. Ganhing ciaptehna a neite le ganhing lim a biate pen tua nalamdangte tawh a kikhem ahi hi. Ganhing le kamsang zuau pa, a nihun kat kikhulna meiphual pi sungah a hingtangun kilawn hi.

1 TIMOTI MASA 4:1

Nidang ciangin a upna panun mi pawl khat pialin, zuau thu gente le dawi thu a kigente a zuih nading uh Kha Siangtho in teltakin a gen hi.

Daniel 7:20

Tua ciangin a lu tungah ki sawm le, a nung ciangin ki khat hong po a, a om sa kite sung pan ki thum a kitanna thu ka thei nuam hi. Amah in mittang le kiphatsakna kamsia pauna ding kam a nei hi. A dangte sangin nakpi takin kihtakhuai zaw hi.

Daniel 7:11

Ka et laitakin tua ki neu in kiphatsakna kamsia a pau ka za hi. Ka et lailai leh tua sapi lian a lina kithat a, a pumpi meikuang sungah kikhulin a kisusia hi.

Daniel 7:8

Tua kite ka et laitakin tuateʼ lakah a dang ki neu khat hong po a, a om sa sung pan ki thumte a bot khia hi. Tua kiʼ tungah mihing mittang tawh a kibang mittang le kam om a, kiphatsakna kam tampi a pau hi.

Daniel 7:25

“Amah in a Lianpen Pasian langpangin thu gen dinga, Pasianʼ mite a bawlsia ding hi. Amah in amauteʼ biakna tawh kipawl thukhamte le pawi bawlna hunte kheelsak ding hanciam dinga, ama khut sungah kum thum le alang sung Pasianʼ mite a om ding uh hi.

Daniel 8:25

A lungsim daplan lua ahih manin zuauphuah siamna tawh a hih khempeuh a tangtun ding hi. Amah kiliansak lua-in theih kholh lohin mi tampi susia-in, a lian pen kumpiteʼ kumpipa nangawn a langpan ding hi. Ahih hangin mihing thahatna kizang loin amah a kisusia ding hi.

Ezekiel 38:16

khuapi huih in gam sung a nawk gawp bangin keima mi Israel-te na sim ding hi. A hun a tun ciangin, nangmah zangin na ka sepna tawh minamte lakah ka sianthona ka lah theih nadingin keima gam a sim dingin kong sawl ding hi.

Ezekiel 38:8

Minam tuamtuamte lak panin kikaikhawmkikin a gam uh a kitutkik zawh gallauna nei loin a om Israel miteʼ gam a sim dingin kum tampi khit ciangin kong sawl ding hi. Sau veipi sung kinusia-in gamkhing a suak ngei hi napi-in, tu-in a mite khempeuh lungmuang takin a omna Israel mual tung gamte a sim ding na hi hi.

Daniel 11:24

Amah in a pu a pateʼ hih ngei loh, gam hau, gam kilemte nangawn a sim ding hi. Tua ciangin gal sung a a lak vante le nate a nungzuite tawh a hawm ding uh hi. Amah in galdalna kulhpite khempeuh luh ding hanciam dinga, ahih hangin tawmvei sung bek hun a nei ding hi.

Daniel 11:21

“Ama zomah Syria kumpi ding pen migilo, kumpi dingin a kilawm lo mi khat ahi ding hi. Ahih hangin amah pen thakhat thu-in zuausiamna tawh kumpi a hong suak vat ding hi.

Daniel 10:14

Mailam hunah na mipihteʼ tunga hong tung ding thu a hilh khol dingin a hong pai ka hi hi. Hih pen mailam a hong piang lai ding maangmuhna ahi hi,” a hong ci hi.

Piancilna 15:16

Khang lina ciangin hih lai munah amaute hong paikik ding uh hi. Bang hang hiam cih leh Amor miteʼ mawhna kicing nai lo hi,” a ci hi.

1 THESALONIKA MASA 2:16

Gentail mite tungah hotkhiatna thu ka gen ding uh hong khaktan uh ahih manin amauʼ mawhna sate a behlap niloh a suak uh hi. Ahi zongin a tawpna ah Pasianʼ hehna amaute tungah a tung ta hi.

Mattiu 23:32

Tua ahih manin i pu i pateʼ maban zom to vet un.

Gamlak-vakna 24:24

Ahih hangin Kittim panin teembawte hong pai-in Asshur le Eber gimsak dinga, amah in zong siatna tuak ding hi,” a ci hi.

Paunak 1:6

paunakte le thugentehnate hoihtakin thei-in, mipilteʼ kampau le a thugente uh a theih nading ahi hi.

Daniel 8:22

Ki po masa pen a kitan khit ciangin a nung a hong po ki lite pen tua gam panin kumpi gam li hong piang ding a cihnopna ahi hi. Ahih hangin tua gamte ahihleh a masa pen kumpi gam zahin a thahat kei ding uh hi.

Daniel 8:24

Amah thahat mahmah dinga, ahih hangin ama thahatna ahi kei ding hi. Amah in a dipkuathuai siatna piangsak dinga, ahihna khempeuh ah a thahat mahmah ding hi. Amah in mi thahatte le Pasianʼ mite a susia ding hi.