Daniel 8:15 - Tedim Bible Revision 2017

¹⁵ Keimah Daniel in maangmuhna a khatna thei nuamin ka hanciam hi. Thakhat thu-in mihing mel tawh a kibang khat ka mai ah a hong ding hi.

Tedim Bible

¹⁵ Keimah Daniel in mangmuhna a khiatna thei nuamin ka hanciam hi. Thakhat thu-in mihing meel tawh a kibang khat ka mai-ah a hong ding hi.

Daniel 8:15 Referans Kwoze

Daniel 10:16

Tua ciangin pasal mel tawh a kibang mi khat thakhatin ka mai ah hong om a, ka muk a hong lawnsak hi. Tua ciangin thugen dingin ka kisa hi. Ka mai-a a ding pa kiangah, “Topa aw, ka maangmuhna in ka tha hong zawsak lua ahih manin ka ci-lin a pha thei kei hi.

Mangmuhna 1:13

Tua meivakte lakah, puantualpi khat silhin a awm-ah kham kibawl awmgak a gak, mi tawh a kibang khat ka mu hi.

Daniel 10:18

Ahih hangin khatvei hong lenkik leuleu a, ka tha a hong khauhkik zaw deuh hi.

Mangmuhna 13:18

Hih thu ah pilna kisam hi. Hih nambat pen 666 hi a, mihing khat min tangin a ding hi a, mi pil mi tei peuhpeuhte in hih ganhing nambat a cihnopna thei ding uh hi.

Marka 13:14

“Ama om loh nading pi ah a lipkhaphuai zehphitna a hong om na muh uh ciangin (hih lai a simte in Jesuʼ cihnopna thei ta un!) Judea gam a om mite mual tungah tai un.

Marka 4:12

Bang hang hiam cih leh, ‘Enen napi-un a muh nai loh nading, zaza napi-un a tel nai loh nading; amaute in mu-in tel le-uh Pasianʼ lamah kihei ding uh a, Pasian in amauteʼ mawhna maisak ding hi,’” ci-in a dawng hi.

Mattiu 24:30

Tua ciangin Mihing Tapaʼ lim vantungah hong kilang ding hi. Tua ciangin leitung minam khempeuh dahin kap ding uh a, vangliatna le minthanna tawh meii lakah Mihing Tapa a hong pai a mu ding uh hi.

Mattiu 24:15

“Tua ciangin kamsang Daniel in, ‘A lipkhaphuai zehphitna,’ ci-in a gen pen a siangtho munah hong om ciangin (hih lai a simte in Jesuʼ cihnopna thei ta un),

Mattiu 13:36

Tua ciangin mihonte lak panin Jesu pai khia-in inn sungah a lut hi. A nungzuite ama kiangah hong pai uh a, “Lo lai-a om Tahum Thu gentehna a khiatna hong gen in,” a cih uh ciangin

Daniel 12:8

A thugen za napi-in teltakin ka thei kei hi. Tua ahih ciangin, “Topa aw, bangci bangin beina hong piang ding ahi hiam,” ci-in ka dong hi.

Daniel 10:5

Ka nung lam ka et toh leh puan pak silhin kham kawnggak tawh a kawng a gak mi khat ka mu hi.

Daniel 7:28

Hih tangthu a beina hi ta hi. Hih thu ka ngaihsut ciangin keimah Daniel ka lau mahmah a, ka mel a daang gawp hi. Ahih hangin hih thu keima lungsim sung bekah ka koih hi.

Daniel 7:13

Zan ka maangmuh hun sungin ka khuadak leh mihing tawh a kibang mi khat meii tungah a hong pai ka mu hi. A nungta tawntung mipa kiangah pai-in, ama kiangah a kipia hi.

Isaiah 9:6

Bang hang hiam cih leh eite adingin naungek khat hong suak a, eiteʼ tungah tapa khat hong kipia hi. Amah pen eite hong ukpa hi dinga, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Joshua 5:14

Amah in, “Hi lo hi; Topaʼ galkapte a ukpa-in tu-in kong pai hi,” a ci hi. Joshua zong bok sukin bia-in ama kiangah, “Ka topa in a nasem pa bang hong sawl nuam ahi hiam?” a ci hi.

Daniel 8:1

Belshazzar kumpi a suah zawh a kum thumna kumin keimah Daniel in a nih veina maang ka mu hi.

Daniel 8:19

Amah in, “Pasianʼ hehna hangin thupiang dingte kong lak ding hi. Na maangmuh pen hun beina ding lahna ahi hi.

Zekhariah 1:9

Tua ciangin keimah in, “Sia aw, hih sakolte bang a cihnopna ahi hiam?” ci-in ka dong hi. Amah in hong dawng a, “Bang a cihnopna hiam cih kong lak ding hi.