Daniel 8:14 - Tedim Bible Revision 2017

¹⁴ Amah in, “Zingsang le nitak biakpiakna tul nih le za thum vei a cin khit ciangin biakinnpi kipuahkik ding hi,” a ci hi.

Tedim Bible

¹⁴ Amah in, “Zingsang leh nitak biakna piakna tulnih leh zathum vei a cin’ khit ciangin biakinnpi kipuahkik ding hi,” ci-in a dawng hi.

Daniel 8:14 Referans Kwoze

Daniel 12:7

Puan pak silhpa in a khut tegel vantung lamah laam to-in, Tawntung Pasianʼ min tawh thuciamna a bawl hi. Amah in, “Kum thum le alang hi ding hi. Pasianʼ mite a kibawlsiatna a bei ciangin hih thute khempeuh hong piang ding hi,” ci-in a gen ka za hi.

Daniel 7:25

“Amah in a Lianpen Pasian langpangin thu gen dinga, Pasianʼ mite a bawlsia ding hi. Amah in amauteʼ biakna tawh kipawl thukhamte le pawi bawlna hunte kheelsak ding hanciam dinga, ama khut sungah kum thum le alang sung Pasianʼ mite a om ding uh hi.

Daniel 12:11

Amaute in nisim biakpiakna a khawlsak, a Lipkhaphuai na a hong pian ciangin ni tul khat za nih sawm kua sung a sawt ding hi.

Isaiah 45:25

Israel suanlekhakte khempeuh, Topa’ hangin gualzo-in a kisial ding uh hi.

Mangmuhna 12:14

Ahi zongin tua gulpi in a sukkhak theih loh nadingin kum thum le alang sung gamlak ah a kikep nading munah a leentheih nadingin muvanlai gol mahmahteʼ kha tawh a kibang kha nih tua numei a kiguan hi.

Daniel 8:26

Hih zingsang le nitak biakpiakna maangmuhna thu a hong kihilh telna pen a man ahi hi. Tu-in hih maangmuhna thu a hong tun ding hun sawtpi hi lai ding ahih manin imcip phot in,” hong ci hi.

Isaiah 1:27

Topa thutang ahih manin Jerusalem khuapi hon khia dinga, a sungah a teeng a kisik mi khempeuh zong a hon khia ding hi.

Mangmuhna 13:5

Tua ganhing, kiphatsakna le kam khel nono a pau theih nading le kha sawm le nih sung aana a zat theih nadingin thu kipia hi.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpi takin aw hong ging a, “Leitung uk nading aana neihna pen i Topa Khris aʼ hong suak khin a, amah in a tawntungin uk paisuak ding hi,” hong ci hi.

Galati 3:8

Jew mite mah bangin Gentail mite in zong a upna uh hangin amah tawh a kipawl thei dingin Pasian in a bawl nading thu, Lai Siangtho in na ma-theih hi. Tua ahih manin Lai Siangtho in Abraham tungah Lungdamna Thuthak na ma hilh khol a, “Pasian in leitung mi khempeuh thupha a piak nadingin nangmah hong zang ding hi,” na ci hi.

Piancilna 1:5

Pasian in khuavak pen “Sun” ci a, khuamial pen “Zan” ci hi. Nitak hong bei-in, zingsang hong tunga, ni khat ni ahi hi.

Daniel 12:12

Ni tul khat za thum sawm thum le nga sung muanhuai takin a ngak zo kenkante in thupha a ngah ding uh hi.