Daniel 7:8 - Tedim Bible Revision 2017

⁸ Tua kite ka et laitakin tuateʼ lakah a dang ki neu khat hong po a, a om sa sung pan ki thumte a bot khia hi. Tua kiʼ tungah mihing mittang tawh a kibang mittang le kam om a, kiphatsakna kam tampi a pau hi.

Tedim Bible

⁸ Tua kite ka et lai takin a dang kineu khat hong po a, a omsa ki thumte a bot khia hi. Tua ki tungah mihing’ mittang tawh a kibang mittang leh kam om a, kiphatsakna kam tampi a pau hi.

Daniel 7:8 Referans Kwoze

Mangmuhna 13:1

Tua laitakin tuipi sung panin ganhing khat a hong pusuak ka mu hi. Tua ganhing in ki sawm le lutang sagih nei a, a ki sawmte tungah lukhu khat ciat om a, a lutang sagihte tungah min hoih lo khat ciat a kigelh hi.

Late 12:3

“I Leii tawh gualzo ding, i mukte eima neihsa; i to kua hiam?” a ci vial, kiphatsakna a piangsak leii, phat khemna muk khempeuh, Topa in at khia tahen.

Mangmuhna 9:7

Tua kaupheteʼ pianzia pen galsim dingin a kithawi sakolte tawh kibang uh hi. A lu tung uh ah kham lukhu tawh a kibang khu uh a, a maitang uh mihing maitang tawh a kibang hi.

2 THESALONIKA NIHNA 2:4

Tua A Gilopa in miteʼ biak pasian a kici khempeuh le na khempeuh nial gawp ding hi. Tuate khempeuh sangin a lian zaw-in a kingaihsut banah, Pasian ka hi hi, ci-in Pasianʼ biakinn sung mahmah ah pai-in va tu ding hi.

Daniel 11:36

“Syria kumpipa a ut bangbangin a gamta ding hi. Amah in, pasian-te sangin ka lian zaw a, a Lianpen Pasian sangin zong ka thupi zaw lai hi, ci-in a kisathei ding hi. Pasian in amah gim a piak mateng tua bangin a om ding hi.

Juda 1:16

Hih mite a tawntungin phunin khatlekhat mawhna kizong uh a, amau pumpi deihna bangun gamta-in kiphasak uh a, phattuamna a ngah theih nadingun midangte a phat uh hi.

2 PETER NIHNA 2:18

Amaute kiphasakin hai pau uh a, a khial gamtat mite sung panin a suakta khin liailiai zo mite, leitung pumpi deih bangin a gamtat nadingun a zol uh hi.

1 SAMUEL MASA 2:3

Tua bangin kiphatsakna tawh pau nawn kei inla, na kam sung pan kihihsakna ging khiasak kei in. Bang hang hiam cih leh Topa pen a thei Pasian hi a, amah in gamtatnate a tawi khai hi.

2 TIMOTI NIHNA 3:2

Tua hun ciangin mite in amau angsung ding bek ngaihsunin, huaihamin, kisialin, kihisakin, mi zahko-in, nu le pateʼ thu mang loin, lungdam theihna mel nei loin, biakna lungsim nei loin,

Daniel 7:19

Tua ciangin a dangte tawh a kibang lo a kihtakhuai sik-ha le sumngo khecin a nei sapi lina thu ka thei nuam hi. Amah in nene-in na khempeuh tuancil gawp hi.