Daniel 7:28 - Tedim Bible Revision 2017

²⁸ Hih tangthu a beina hi ta hi. Hih thu ka ngaihsut ciangin keimah Daniel ka lau mahmah a, ka mel a daang gawp hi. Ahih hangin hih thu keima lungsim sung bekah ka koih hi.

Tedim Bible

²⁸ Hih tangthu a beita hi. Hih thu ka ngaihsut ciangin kei, Daniel ka lau mahmah a, ka meel a daang gawp hi. Ahih hangin hih thu keima lungsim sung bekah ka koih hi.

Daniel 7:28 Referans Kwoze

Luka 2:51

Tua ahih ciangin a nu le a pa zui-in Nazareth khua ah ciahkik a, amauteʼ thu mangin tua lai ah hoihtakin a om hi. A nu in hih thu khempeuh a lungsim sungah ngaih sunsun hi.

Luka 2:19

Mary in ahihleh a lungsimah hih thute ciamtehin a ngaih sunsun hi.

Daniel 10:8

Kei guak bek hong kinusia ahih manin tua a lamdang maangmuhna keimah guak bek mah in ka mu hi. Ka thaneih teng bei khin a, ka mel kikhel gawp ahih manin kei ka hih lam mel kuamah in a hong thei nawn kei uh hi.

Daniel 8:27

Keimah Daniel, ni tawmvei sung tha zaw gawpin ka ci a na hi. Tua ciangin tho-in ka nasep ngei a semkik dingin kumpi inn ah ka pai hi. Ka maangmuhna thu thei zo lo ka hih manin cih nading mel thei loin daptakin ka om hi.

Daniel 7:15

Ka maangmuhnate in hong liing lawng sakin a hong patausak mahmah hi.

Daniel 4:19

Tua ciangin Belteshazzar zong a kici Daniel lungmang lua ahih manin tawmvei sung bangmah gen thei loin a om hi. Kumpipa in, Belteshazzar aw, mang le a khiatna huhau-in na lung mangsak zenzen kei in, a ci hi. Belteshazzar in, Kumpipa aw, nang mangmat le a khiatna pen na galte tungah tung zaw hen, a ci hi.

Luka 9:44

“Mihingteʼ khut sungah Mihing Tapa kipia ding ahihna thu mangngilh het kei un,” a ci hi.

Marka 9:15

Mihonte in Jesu a muh phetun lamdang sa-in ama kiangah va tai-in a hopih uh hi.

Daniel 12:13

Nang Daniel na hih leh a tawp dong muanhuai takin om in. Tua ciangin na si dinga, ahi zongin hun a bei ciangin thaman a sang dingin na hingkik ding hi,” a hong ci hi.

Daniel 12:9

Amah in, “Daniel aw, tu-in ciah in; bang hang hiam cih leh hih thute pen beina hun a tun mateng selcipin ipcip ding ahi hi.

Daniel 11:27

Tua kumpi tegel in sabuai khat tungah tu-in an a nekhawm ding uh hi. Ahih hangin a ngaihsutna uh a hoih zawsang om tuan lo ahih manin a kikhem tuak ding uh hi. A hun tung nai lo ahih manin a deih bang uh a ngah zo kei uh hi.

Daniel 8:19

Amah in, “Pasianʼ hehna hangin thupiang dingte kong lak ding hi. Na maangmuh pen hun beina ding lahna ahi hi.

Daniel 8:17

Gabriel hong pai-in ka kiangah hong dinga, lau lua mahmah ka hih manin leitungah ka puk hi. Amah in, “Leitung mi aw, a khiatna thei in. Maangmuhna pen hun beina ding lahna ahi hi,” ci-in ka kiangah a hong gen hi.

Daniel 5:6

Tua ciangin kumpipa lau lua mahmah a, a mai daang gawpin a khut a liing kauhkauh hi.

Piancilna 37:10

Ahih hangin amah in a pa le a sanggamteʼ kiangah a gen ciangin a pa in amah taii-in, “Nangma mat hih mang a bangci mang ahi hiam? Kei le na nu le na sanggamte, nangma mai leilak ah a kun dingin hong pai ding ka hi uh hiam?” a ci hi.

Piancilna 37:11

A sanggamte in amah haza uh a, ahih hangin a pa in hih thute a ciamteh hi.

Daniel 8:1

Belshazzar kumpi a suah zawh a kum thumna kumin keimah Daniel in a nih veina maang ka mu hi.

Daniel 10:16

Tua ciangin pasal mel tawh a kibang mi khat thakhatin ka mai ah hong om a, ka muk a hong lawnsak hi. Tua ciangin thugen dingin ka kisa hi. Ka mai-a a ding pa kiangah, “Topa aw, ka maangmuhna in ka tha hong zawsak lua ahih manin ka ci-lin a pha thei kei hi.

Daniel 4:16

Amah in mihing lungsim nei nawn loin, kum sagih sung ganhing lungsim a nei ding hi.