Daniel 7:25 - Tedim Bible Revision 2017

²⁵ “Amah in a Lianpen Pasian langpangin thu gen dinga, Pasianʼ mite a bawlsia ding hi. Amah in amauteʼ biakna tawh kipawl thukhamte le pawi bawlna hunte kheelsak ding hanciam dinga, ama khut sungah kum thum le alang sung Pasianʼ mite a om ding uh hi.

Tedim Bible

²⁵ Amah in Sangpen Pasian langpan’ in thu gen ding a, Pasian’ mite a bawlsia ding hi. Amah in amaute’ biakna tawh kipawl thukham leh pawi bawlna hunte kheel sak ding hanciam ding a, Pasian’ mite in ama khut sungah kumthum leh a lang a om ding uh hi.

Daniel 7:25 Referans Kwoze

Mangmuhna 12:14

Ahi zongin tua gulpi in a sukkhak theih loh nadingin kum thum le alang sung gamlak ah a kikep nading munah a leentheih nadingin muvanlai gol mahmahteʼ kha tawh a kibang kha nih tua numei a kiguan hi.

2 THESALONIKA NIHNA 2:4

Tua A Gilopa in miteʼ biak pasian a kici khempeuh le na khempeuh nial gawp ding hi. Tuate khempeuh sangin a lian zaw-in a kingaihsut banah, Pasian ka hi hi, ci-in Pasianʼ biakinn sung mahmah ah pai-in va tu ding hi.

Daniel 12:7

Puan pak silhpa in a khut tegel vantung lamah laam to-in, Tawntung Pasianʼ min tawh thuciamna a bawl hi. Amah in, “Kum thum le alang hi ding hi. Pasianʼ mite a kibawlsiatna a bei ciangin hih thute khempeuh hong piang ding hi,” ci-in a gen ka za hi.

Mangmuhna 12:6

A numei pen Pasian in ama adingin a bawl kholhsakna mun gamlak ah tai a, tua munah ni tul khat za nih sawm guk sung kikhoi ding hi.

Daniel 2:21

Amah in hun le khuahunte kheel a, kumpite koihin lah a la khia hi. Amah in mite tungah pilna le theihna a pia hi.

Mangmuhna 18:24

Nang Babylon khuapi, hih bangin gim hong kipiakna pen kamsangte le mi siangtho a kithatteʼ sisan le leitungah a kithat mi khempeuhʼ sisan nangma sungah a kimuhna hang ahi hi,” a ci hi.

Daniel 7:20

Tua ciangin a lu tungah ki sawm le, a nung ciangin ki khat hong po a, a om sa kite sung pan ki thum a kitanna thu ka thei nuam hi. Amah in mittang le kiphatsakna kamsia pauna ding kam a nei hi. A dangte sangin nakpi takin kihtakhuai zaw hi.

Isaiah 37:23

Nang in kua zahko-in kua a simmawh na hi hiam? Nang in kuaʼ tungah na aw sangsakin kiphasak na hi hiam? Israel-teʼ Siangtho Pa, keiʼ tungah a hong tua ci na hi hi.

Daniel 7:8

Tua kite ka et laitakin tuateʼ lakah a dang ki neu khat hong po a, a om sa sung pan ki thumte a bot khia hi. Tua kiʼ tungah mihing mittang tawh a kibang mittang le kam om a, kiphatsakna kam tampi a pau hi.

Mangmuhna 17:6

Tua ciangin mi siangthote le Jesu tungah a cihtak uh manin a kithat miteʼ sisan dawnin zukham a batna ka mu hi. Tua numei ka muh ciangin lamdang ka sa mahmah hi.

Mangmuhna 14:12

Pasianʼ thupiakna zui-in Jesu tungah a citak Pasianʼ mite adingin thuak zawhna kisam hi.

Daniel 11:28

Tua ciangin Syria kumpipa, a galvan lak teng tawh a gamah ciahkik dinga, Pasian miteʼ biakna suksiatsak ding a lungngai ding hi. A ut bang peuhin gamta dinga, tua ciangin a gam lamah a ciahkik ding hi.

Mangmuhna 16:6

Amaute in mi siangthote le kamsangteʼ sisan luangsak uh ahih manin tu-in amauteʼ dawn dingin sisan a pia na hi hi. Hih pen amauteʼ ngah dingin a kilawm ahi hi,” a cihna thu ka za hi.

Daniel 4:25

Mite sung panin hong kihawl khia dinga, gamsate tawh na teeng khawm ding hi. Bawngtal bangin lopa na ne dinga, a pua lamah lumin, kum sagih sung na tungah daitui a hong kia ding hi. Tua ciangin a Lian Pasian in mihingteʼ kumpi gam uk a, a teel mi peuhpeuh kumpi suaksak thei hi, na ci ding hi.

Daniel 4:32

Mite lak pan hong kihawl khia dinga, gamsate tawh na teeng khawm ding hi. Bawngtal bangin kum sagih sung lopa na ne ding hi. Tua ciangin, Pasian in mihingteʼ kumpi gam uk a, a teel mi peuhpeuh kumpi a suaksak thei hi, na ci ding hi,” a ci hi.

2 THESALONIKA NIHNA 2:3

Ahi zongin kuama khem sa-in ta kei un. Bang hang hiam cih leh nakpi takin Pasian langpanna lianpi le hell khuk sung a tung ding ahi A Gilopa hong kilat matengin tua Ni hong tung lo ding hi.

2 THESALONIKA NIHNA 2:8

A khamcip pa a kilakkhiat khit ciangin A Gilopa hong kilang dinga, Topa Jesu hong pai ciangin tua A Gilopa mut lum dinga, vanglian minthangin hong kilatna tawh a maimangsak ding hi.

Daniel 3:26

Tua ahih ciangin Nebukhadnezzar zong mei phualpi kong gei ah pai to a, “Shadrak! Meshak! Abednego! A lianpen Pasianʼ nasemte hong paikhia un,” ci-in a sam hi. Tua ciangin amaute zong thakhatin a hong paikhia pah uh hi.

Daniel 4:2

A Lianpen Pasian in kei tungah lim le nalamdang a hong lahna thute kong gen nuam hi.

Daniel 4:17

Hih pen a vil, a patau vantungmiʼ thukhenna ahi hi. Tua ahih ciangin mun khempeuh ah a om mi khempeuhte in, a Lian Pasian in miteʼ kumpi gamah vai a hawm hi, cih a thei ding uh hi. Amah in a teel peuhpeuh a neu pente nangawn kumpi a suaksak thei ding hi,’ a ci hi.

Daniel 7:18

Ahih hangin a Lianpen Pasianʼ mite in kumpi za ngah ding uh a, a tawntungin a nei paisuak ding uh hi,” hong ci hi.

Daniel 8:14

Amah in, “Zingsang le nitak biakpiakna tul nih le za thum vei a cin khit ciangin biakinnpi kipuahkik ding hi,” a ci hi.

Hosea 7:16

Amaute, keiʼ lam hong nga loin, Baal pasianʼ lam nga tawntung uh hi. A khak nading san a kha thei lo thalpeu tel tawh kibang uh hi. Amauʼ kiphatsak pauna hangun a uliante uh namsau-in si ding uh a, Egypt mite in amaute nuihsan lel ding uh hi.

Daniel 8:9

Tua ki lite lak pan khatʼ tungah ki neu dang khat hong po a, khanglam, nisuahna lam le Thuciamna Gam lamah a vangliatna a lak hi.

Daniel 8:11

Amah in vantung galkap kumpipa nangawn do-in, ama tunga kipia tawntung biakpiaknate nangawn khawlsakin, biakinnpi biaknate a beisak hi.

Daniel 9:27

Tua makai pa in mi tampite tawh kum sagih sung thuciamna kip bawl ding uh hi. Gan gawh biakna le biakpiakna, hih hun lang sung a khawlsak ding hi. Biakinn dawn sang pen munah a Lipkhaphuai na kikoih ding hi; ahi zongin Pasian in tua a koihpaʼ thuak dingin a geel sa thu a koihpa in a thuak hun ciang dong, a Lipkhaphuai na pen a koihna mun mahah om lai phot ding hi,” hong ci hi.