Daniel 7:18 - Tedim Bible Revision 2017

¹⁸ Ahih hangin a Lianpen Pasianʼ mite in kumpi za ngah ding uh a, a tawntungin a nei paisuak ding uh hi,” hong ci hi.

Tedim Bible

¹⁸ Ahih hangin Sangpen Pasian’ mite in kumpi za a ngah ding uh a, a tawntungin a nei tawntung ding uh hi,” a ci hi.

Daniel 7:18 Referans Kwoze

Daniel 7:27

“Hih leitung kumpi gam, vangliatna le liatna khempeuh a Lianpen Pasianʼ mite tungah a kipia ding hi. Amauʼ kumpi za cikmah hunin bei ngei lo dinga, leitung ukna za a nei khempeuhte in a thu uh mangin amauteʼ na a sem ding uh hi,” hong ci hi.

Mangmuhna 5:10

Pasianʼ na a sem dingin siampi za le kumpi za na pia a, amaute in leitung ukin a om ding uh hi,” a ci uh hi.

Mangmuhna 20:4

Tua ciangin tokhom tungah a tu mi pawl khat ka mu a, tua mite tungah thukhen nading aana a kipia ahi hi. Jesu thu a genna le Pasian thu hangin a kithat miteʼ kha zong ka mu hi. Tua mite in ganhing ahi a, a lim ahi zongin bia lo uh hi; a taltang uh ah ahi a, a khut tung uh ah ahi zongin ganhing ciaptehna nei lo uh hi. Amaute hong hingkik uh a, Khris tawh kum tul khat sung ukna aana a neikhawm uh hi.

Daniel 7:22

Tua ciangin a nungta tawntung mipa hong pai a, a Lianpen Pasianʼ mite ading a hoih thukhenna a hong gen hi. Pasianʼ mite in kumpi za a ngah nading uh hun a hong tung hi.

Late 45:16

Na pateʼ tang ding na tapate hong hi dinga, nangmah in leitung khempeuh ah amaute, ulian na suaksak ding hi.

Efesa 1:3

Khris tawh eite i kipawlna hangin vantung gam panin kha tawh kisai letsong namkim hong pia ahih manin eiteʼ Topa Jesu Khrisʼ Pa ahi Pasian tungah i lungdamna ko ciat ni.

Mangmuhna 3:21

Keimah zong gualzo-in ka Paʼ tokhom ah ka tut khawm uh mah bangin a gualzote khempeuh zong kei tawh ka tokhom tungah hong tut khawm theih nadingun thu ka pia ding hi.

Efesa 6:12

Eiteʼ do pen si le sa a nei leitung mite hi lo a, vantung huihlak a thuneite, aana neite, hih leitung khuamial gam a ukte le huih khua a om kha gilote ahi hi.

Luka 1:33

Jakob suanlekhakteʼ kumpi hi paisuak dinga, ama ukna bei hun cih omngei lo ding hi,” a ci hi.

1 KORIN MASA 6:2

Pasianʼ mite in leitung miteʼ thu a khensak zaw ding ahih lam thei lo na hi uh hiam? Note pen leitung miteʼ thu a khensak ding na hih uh ciangin tua bang thu neute khen thei lo lawmlawm na hi uh hiam?

Mangmuhna 22:5

Topa Pasian pen amauteʼ khuavak hi-in, a tawntungin amaute in uk paisuak ding uh ahih manin khuamial hun cih om nawn lo dinga, khua a vaksak ding meivak le nitaang cihte kisam lo ding uh hi.

Late 49:14

Tua bangin amaute Leinuai-a dingin kiseh hi. Sihna pen amau a cing pa hi ding hi. Han khuk sungah amaute tuak suk suak ding uh a, a mel uh sia dinga, Leinuai, amauʼ inn hi ding hi.

Isaiah 14:2

Israel mite in amaute manin amauʼ gamah ciahpih ding uh a, Topaʼ gam sungah amaute pen sila numei sila pasal dingin nei ding uh hi. Amaute a man ngei mite pen tu-in amaute in leh mat ding uh a, amaute a nengniam ngei mite tungah tu-in ukna nei ding uh hi.

Daniel 7:14

Amah in vangliatna, minthanna le kumpi za ngah ahih manin minamkimte, minam tuamtuamte, pau nam tuamtuamte khempeuh in ama na a sem ding uh ahi hi. Amah in a tawntungin uk dinga, a kumpi gam a bei ngei kei ding hi.

Daniel 7:17

“Hih sapi lite pen leitung panin a hong khang khia ding kumpi gam li ahi hi.

Daniel 7:25

“Amah in a Lianpen Pasian langpangin thu gen dinga, Pasianʼ mite a bawlsia ding hi. Amah in amauteʼ biakna tawh kipawl thukhamte le pawi bawlna hunte kheelsak ding hanciam dinga, ama khut sungah kum thum le alang sung Pasianʼ mite a om ding uh hi.

Obadiah 1:17

Ahih hangin Zion mualah pawl khat va tai ding uh a, tua mun pen a siangtho suak ding hi. Jakob innkuante in amauʼ gam mah luahkik ding uh hi.