Daniel 7:14 - Tedim Bible Revision 2017

¹⁴ Amah in vangliatna, minthanna le kumpi za ngah ahih manin minamkimte, minam tuamtuamte, pau nam tuamtuamte khempeuh in ama na a sem ding uh ahi hi. Amah in a tawntungin uk dinga, a kumpi gam a bei ngei kei ding hi.

Tedim Bible

¹⁴ Amah in vangliatna, minthan’na leh kumpi za ngah ahih manin, minam kimte, minam tuamtuamte, paunam tuamtuamte khempeuh in ama na a sem ding uh hi. Amah in a tawntungin uk ding a, a kumpi gam a bei ngeikei ding hi.

Daniel 7:14 Referans Kwoze

Mangmuhna 11:15

Tua ciangin a sagihna vantungmi in a peengkul hong tum a, vantungah nakpi takin aw hong ging a, “Leitung uk nading aana neihna pen i Topa Khris aʼ hong suak khin a, amah in a tawntungin uk paisuak ding hi,” hong ci hi.

Daniel 7:27

“Hih leitung kumpi gam, vangliatna le liatna khempeuh a Lianpen Pasianʼ mite tungah a kipia ding hi. Amauʼ kumpi za cikmah hunin bei ngei lo dinga, leitung ukna za a nei khempeuhte in a thu uh mangin amauteʼ na a sem ding uh hi,” hong ci hi.

Johan 3:35

Pa in Tapa it ahih manin ama khut sungah na khempeuh a pia hi.

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo dinga, tua gam in gamdang khempeuhte zo gawpin a kip tawntung ding hi.

Hebru 12:28

Tua ahih manin a kiliingsak zo lo Pasianʼ gam i ngah manin lungdamin, zahtakna le lamdangsakna tawh Pasianʼ lungkimna bangin amah bia ni.

Mangmuhna 17:14

Amaute in Tuuno a sim ding uh hi. Ahi zongin Tuuno pen kumpiteʼ Kumpi, topateʼ Topa ahih manin, amah le ama sap, a teel, citakin amah a zuite in tua kumpi sawmte a zo gawp ding uh hi,” hong ci hi.

Mattiu 28:18

Tua ciangin amaute mai ah Jesu hong pai a, “Leitungah ahi a, vantungah ahi zongin vangliatna khempeuh kei tungah hong kipia khinta hi.

Mattiu 11:27

“Ka Pa in kei tungah na khempeuh hong pia khin hi. Pa sim loh Tapa a thei kuamah om lo a, Tapa le Tapa in a theihsak nop mite sim loh, pa a thei kuamah om lo hi.

Isaiah 9:7

Tu hun a kipanin a tawntungin David kumpi tokhom tung le ama gam sungah thutang le thuman phutin, a lian semsem ama ukna le nopsakna in mong nei lo ding hi. Vanglian Topa’ deih luatna in hih thu hong tungsak ding hi.

Mangmuhna 3:21

Keimah zong gualzo-in ka Paʼ tokhom ah ka tut khawm uh mah bangin a gualzote khempeuh zong kei tawh ka tokhom tungah hong tut khawm theih nadingun thu ka pia ding hi.

Luka 1:33

Jakob suanlekhakteʼ kumpi hi paisuak dinga, ama ukna bei hun cih omngei lo ding hi,” a ci hi.

Micah 4:7

Amaute, a cimawhin gamlapi ah om uh a, ahi zongin keimah in amaute pansa kikin, minam vanglian khatin ka bawlkik ding hi. Tua hun a kipan a tawntungin Zion mual panin amaute ka uk paisuak ding hi.

Obadiah 1:21

A gualzo Jerusalem khua mite in Esauʼ gam simin uk ding uh a, tua gam pen Topaʼ gam ahi ding hi.

Daniel 3:4

Tua ciangin nakpi takin taangkona khat kibawl a, “Minam tuamtuamte le pau nam tuamtuamte khempeuh aw!

Daniel 2:35

Thakhatin sik, tungman, sumngo, ngun le khamte kitam nen gawp a, khuakhal lai-a ansi zap bangin a leeng mang hi. Huih in leen mang khin ahih manin themkha beek a kimu nawn kei hi. Ahih hangin tua suangtum hong khangkhang a, mual cia hong pha-in leitung khempeuh a dim hi.

Isaiah 60:12

Bang hang hiam cih leh nangma na hong sem lo minam le kumpi gam bei mang dinga, tua minamte kisia-mai mang ding hi.

Late 146:10

Zion aw, nangma Pasian Topa in khang tawntungin uk ding hi. Topa phat un.

Late 145:13

Nangma kumpi gam pen a kip tawntung kumpi gam hi a, nangma ukna khang tawntungin a kip hi. A thuciamna khempeuh ah Topa thutak mahmah a, a gamtatna khempeuh ah zong hehpihna a nei ahi hi.

Late 45:6

Na kumpi tokhom siangtho kip tawntung hi. Na kumpi ciangkhut thumanna ciangkhut hi a,

Late 8:6

Na khut tawh na bawl sate khempeuh tungah ukna thu ama tungah na pia a, na khempeuh na uksak hi.

Johan 12:34

Tua ciangin mihonte in, “Khris nungta tawntung ding hi, ci-in Thukham sungah kigen hi. Bang hangin Mihing Tapa kikhai to ding ci na hi hiam? Hih Mihing Tapa kua ahi hiam?” a cih uh ciangin

Luka 10:22

Tua ciangin Jesu in amaute kiangah, “Hih nate khempeuh ka Pa in kei tungah hong ap khinzo hi. Pasian sim loh, Tapa a thei kuamah om lo hi. Tapa le Tapa in a theihsak nop mite sim loh, Pa a thei kuamah om lo hi,” a ci hi.

Daniel 7:18

Ahih hangin a Lianpen Pasianʼ mite in kumpi za ngah ding uh a, a tawntungin a nei paisuak ding uh hi,” hong ci hi.

Daniel 6:26

Ka gam sunga om mi khempeuh in Danielʼ Pasian kihta-in a zahtak nadingun thu ka pia hi. “Bang hang hiam cih leh amah a nungta Pasian hi a, a tawntungin a uk ding hi. Ama gam kisia ngei lo dinga, a vangliatna a bei ngei kei ding hi.

Daniel 4:3

“Pasianʼ hong lah nalamdangte, bangzahin lian ahi hiam? A bawl nalamdangte, bangzahin vanglian ahi hiam? A tawntungin Pasian kumpi hi dinga, amah in a tawntungin a uk paisuak ding hi.

Late 72:17

Ama min kip tawntung henla, a minthanna kip paisuak hen. Ama hangin mite in thupha ngah henla, minam khempeuh in amah pen thupha ngah pa, ci ta uh hen.

Late 72:11

Kumpi khempeuh ama mai ah bok uh henla, minam khempeuh in ama na sem ta uh hen.

1 PETER MASA 3:22

Tu-in vantungah tua Khris pai khin a, Pasianʼ tak lamah omin, vantung mite le ukna aana a neite khempeuh tungah a ukin a om hi.

Mangmuhna 1:6

ama Pa Pasianʼ na a sem dingin siampi le kumpi za-ah a hong koih hi. Tua Jesu in minthanna le vangliatna nei tawntung tahen. Amen.

Isaiah 16:5

itna kip tawh kumpi tokhom khat kiphut dinga, thuman sep ding a manlang, thutang zongin thu a khen mipa pen Davidʼ buk sunga om tua tokhom tungah thuman tawh tu ding hi,” a ci uh hi.

Daniel 2:37

Kumpipa aw, kumpi khempeuh lak pan nang a lian pen na hi hi. Vantung Pasian in kumpi-in nang hong koih a, vangliatna, thahatna le zahtakna a hong pia hi.

Late 103:19

Topa in vantungah ama tokhom phut khin a, amah in mun khempeuh a uk hi.

Isaiah 9:6

Bang hang hiam cih leh eite adingin naungek khat hong suak a, eiteʼ tungah tapa khat hong kipia hi. Amah pen eite hong ukpa hi dinga, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.