Daniel 6:7 - Tedim Bible Revision 2017

⁷ Ngattakin zuih ding thukham khat kumpipa in na bawl ding, gam sung nasem ko vaihawmpite, gam ukpite, gam ukpi huhte le kumpipaʼ thudot mite khempeuh ka thukim uh hi. Tu zawh ni sawm thum sungin nang kumpipa kiang longal, pasian kiang ahi a, midang khat peuhpeuh kiangah ahi zongin thungen om thei lo ding hi, ci-in na kham ding hi. Hih na thupiakna a mang lo peuhmah humpinelkai kikhumna sungah kikhia ding hi.

Tedim Bible

⁷ Na gam sung nasem ko vaihawmpite, gam ukpite, gam ukpi huhte leh kumpipa thudot mite khempeuh in, Kumpipa in ngat taka zuih ding thukham khat na bawl ding ka thukim uh hi. Tu zawh ni sawmthum sungin nang kumpipa’ kiang longal, pasian kiang ahi a, midang khatpeuh kiang ahi zongin thungen om thei lo ding hi ci-in na kham ding hi. Hih na thupiakna a mang lo peuhmah humpinelkai koihna khuk sungah kikhia ding hi.

Daniel 6:7 Referans Kwoze

Late 59:3

Bang hang hiam cih leh amaute in kei hong pangsim uh a, a kihtakhuai mite keimah hong langpangin kikaikhawm uh hi. Topa aw, keima thupalsatna hang hi lo,

Daniel 3:27

Kumpi tapate, gam ukpite, gam ukpi huhte le kumpipaʼ thudotte khempeuh kikhawm uh a, mei in a kat loh mite a en uh hi. A sam uh zang khat beek mei in kaanghul lo a, a puan uh zong kaang loin meikhu gim zong a nam beek kei uh hi.

Daniel 3:6

A kun lo, a bia lo peuhmah thakhat thu-in mei phualpi sungah kikhul pah ding hi,” a ci hi.

Daniel 3:2

Kumpipa in a mi lian khempeuh, kumpi tapate, gam ukpite, gam ukpi huhte, mangpite, sumkem mangte, thukhen mangte, khuapi uk mangte le mi lian dangte khempeuh, kumpipaʼ milim bawl apna ah a paikim ciat dingin sapna thu a pia hi.

Late 62:4

Amah a za liatna panin suk niam ding bekbek amaute in a sawm uh hi. Amaute in thuman lo ah nuamsa mahmah uh hi. Amaute in a kampi uh tawh phat khem uh a, ahih hangin a sung tawng uh ah samsiat uh hi.

Johan 12:10

Lazarasʼ hangin Jew mi tampite in amauʼ makaite taisanin Jesu um uh ahih manin siampi liante in Lazaras zong thah a sawm uh hi.

Marka 15:1

A zingsang ciangin siampi liante in upate, Thukham hilh siate le ulian dang khempeuh tawh thu kikupna khat nei uh a, Jesu a hen khit uh ciangin paikhiat pihin Pilat tungah a ap uh hi.

Mattiu 26:4

kuama theih lohin Jesu simmatin a thah theih nading uh a vaihawm uh hi.

Mattiu 12:14

Ahi zongin Farisi mite paikhia uh a, Jesu a thah theih nading uh vai a hawm uh hi.

Late 10:9

humpinelkai in a kuahawm sung pan a buk bangin amah in buksimin, mizawngte a man dingin buk a, a ngenthang sungah mizawngte kai-in a man hi.

Nahum 2:12

Humpinelkai in sa manin a zi le a tate adingin a sa balnensak a, a kua sung khempeuh sa tawh kidimsak ngei hi.

Micah 6:5

Ka mite aw, Moab Kumpi Balak in note sukna ding a vaihawmna teng, Beorʼ tapa Balaam in ama nget bangin a sepna teng limtakin phawkkik un. Note hotkhiat nadingin ka sepna thu na theih nadingun Shittim le Gilgal kikal a thupiangte ngaihsunkik un,” a ci hi.

Daniel 3:11

Tua milim mai ah kun loin, a bia lo khempeuh mei phualpi sungah a kikhul ding ahi hi.

Late 94:20

Sih nading ngeina a bawl, a gilo gam ukte, nang tawh kipawl ding ahi hiam?

Late 2:2

Leitung kumpite le gam ukte in Topa le ama sathau nilh pa langpangin vaihawm uh a,

Late 83:5

Amaute in siat nading geelin kithukhat uh a, nangmah hong langpangin thuciamna a bawl uh hi.

Daniel 6:16

Tua ciangin kumpipa in humpinelkai kikhumna sungah Daniel a khiat dingun thu a pia hi. Amah in Daniel kiangah, “Thuman takin na biak tawntung na Pasian in hong hon khia tahen,” a ci hi. Tua ciangin humpinelkai kikhumna sungah Daniel a khia uh hi.

Late 59:5

Nang, Vanglian Topa Pasian, Israelʼ Pasian na hi hi. Minam khempeuh gim a pia dingin tho inla, khemna tawh siat gamtat ding a sawmte kuamah siit kei in.

Daniel 2:4

Amaute in Aram pau tawh, “Kumpipa aw, na khansau hen! Na mang hong gen leteh a khiatna zong kong gen ding uh hi,” a ci uh hi.

Daniel 6:22

Pasian in a vantungmi hong sawl a, ka liam loh nadingin humpi-nelkaiteʼ kam a humcipsak hi. Kumpipa aw, mawhna ka bawl loh lam leh, nang tungah zong khialhna ka bawl lohna amah in hong thei ahih manin tua bangin a hong bawl hi,” a ci hi.