Daniel 6:22 - Tedim Bible Revision 2017

²² Pasian in a vantungmi hong sawl a, ka liam loh nadingin humpi-nelkaiteʼ kam a humcipsak hi. Kumpipa aw, mawhna ka bawl loh lam leh, nang tungah zong khialhna ka bawl lohna amah in hong thei ahih manin tua bangin a hong bawl hi,” a ci hi.

Tedim Bible

²² Pasian in a vantungmi hong sawl a, ka liam loh nadingin humpinelkaite’ kam a humcip sak hi. Kumpipa aw, mawhna ka bawl loh lam leh, nang tunga zong khialhna ka bawl lohna amah in hong thei ahih manin tua bangin a hong bawl hi,” a ci hi.

Daniel 6:22 Referans Kwoze

2 TIMOTI NIHNA 4:17

Ahi zongin Topa in kei hong ompih a, Gentail mi khempeuh tungah Pasianʼ thu a kicingin ka gen theih nadingin thahatna a hong pia hi. Tua ahih manin sih nading thukhenna pan hong suaktasak hi.

Hebru 11:33

Hih mite khempeuh in zong a upna uh hang mah tawh kumpi gam tuamtuamte zo-in, thumanin a gamtat manun Pasianʼ thuciam a ngah uh hi. Upna hang mah tawh humpinelkai kamte hucip uh a,

Sawltak 12:11

Tua ciangin Peter in khua phawk a, “Maang a mu ka kisak leh a takpi na hi mawk! Topa in a vantungmi kei kiangah hong sawl a, Herod in hong gimsak nading le Jew mite in gimna hong thuaksak nading panin kei hong hon khia hi,” a ci hi.

Sawltak 24:16

Tua ahih manin Pasian mai le mite mai ah lungsim kisuanna a om het lo dingin a tawntungin ka gamta hi.

Late 84:11

Bang hang hiam cih leh Topa Pasian pen eite a hong hupa a minthang i kumpi hi a, maipha le pahtawina a hong pia pa ahi hi. Thumanin a gamta mite tungah Topa in na hoih bangmah siit lo hi.

Micah 7:7

Ahi zongin keʼn ka hih leh Topa mah ka en dinga, kei hong suaktasak Pasian ka ngak ding hi. Ka Pasian in ka thu hong ngai ding hi.

Daniel 3:28

Tua ciangin kumpipa in, “Shadrak, Meshak le Abednego-teʼ Pasian phat un. Amah in a vantung mite sawl a, amah a muang ama nasem hih mite a hon khia hi. Amaute in ka thupiakna mang loin, amauʼ Pasian longal pasian dangʼ mai ah kun nuam lo, bia nuam lo uh ahih manin mei phualpi sungah khul ding a ut zaw uh ahi hi,” a ci hi.

Late 31:14

Ahih hangin nang kong muang hi, Topa aw. Keima Pasian na hi hi.

1 SAMUEL MASA 17:37

Tua ciangin David in, “Humpinelkai khecin le vom khecin panin kei a hong hon khia Topa in hih Filistia-paʼ khut sung panin zong kei hong hon khia ding hi,” ci thuah lai hi. Tua ciangin Saul in David kiangah, “Pai in; Topa in nang hong ompih tahen!” a ci hi.

Gamlak-vakna 20:16

Topaʼ tungah ka kiko uh ciangin amah in ka aw uh hong za a, vantungmi khat hong sawlin, Egypt panin hong paikhiatpih a, tu-in nangma gam nawl Kadesh khuapi ah ka om uh hi.

Sawltak 27:23

Bang hang hiam cih leh kei tawh a kipawl ka biak Pasianʼ vantungmi, tu zanin ka kiangah hong pai a,

Daniel 6:23

Kumpipa lungdam mahmah a, humpinelkai kikhumna sung pan Daniel kaihkhiat dingin thu a pia hi. Tua ahih ciangin Daniel kai khiato uh a, liamna themcik zong a neih loh lam a mu uh hi. Bang hang hiam cih leh amah in Pasian muang hi.

Isaiah 63:9

Vantung miteʼ hotkhiat hi loin, Topa mahmah in amaute hon khia hi. A itna le a hehpihna tawh amaute hon khia a, amah in a beisa hun khempeuh ah amaute hoihtakin a kem hi.

Isaiah 3:10

Amaute tungah thu hoih ding hi, ci-in thuman mite kiangah hih thu gen un. Bang hang hiam cih leh amaute in amauʼ gamtat hoih thaman ngah ding uh hi.

Late 118:28

Nang pen keima Pasian na hi a, nangma tungah lungdamna kong ko ding hi. Nang pen keima Pasian na hi a, nangmah kong phat ding hi.

Late 38:21

Topa aw, kei hong nusia kei in. Ka Pasian aw, ka kiang pan gamla om keʼn!

Late 34:7

Amah a zahtakteʼ kiimah Topaʼ vantungmi in giahphual sat a, amaute a hon khia hi.

2 KHANG TANGTHU NIHNATE 32:21

Tua ciangin Topa in Assiria kumpipaʼ giahphual ah a thahat galhang khempeuh le galkap a ukte le uliante a susia vantungmi khat a sawl hi. Tua ahih ciangin ama gamah maizumna tawh a ciahkik hi. Ama pasianʼ inn sungah amah a tun ciangin ama tapate pawl khat in namsau tawh amah sat lum uh hi.

Daniel 6:20

Humpinelkai kikhumna a tun dektak laitakin aw liingkawmin, “Daniel, a nungta Pasianʼ nasem pa! Thuman takin na biak tawntung na Pasian in humpinelkai kam sung panin a hong hon khia thei hiam,” ci-in a kiko hi.

2 SAMUEL NIHNA 22:7

Ka lungkhamna ah Topa ka sam a, ka Pasian ka sam hi. A biakinn panin amah in ka aw hong za a, ka kikona awging ama bil a tung hi.

2 KORIN NIHNA 1:12

Koteʼ kisialh pih thu in: hih leitung a ka gamtatnate uh le a diakdiakin note tungah kong gamtatnate uh ah, mihingteʼ pilna a zang hi loin Pasian hehpihna vang tawh, Pasianʼ deihna bangin lungsim takpi tawh a gamta hi ung, ci-in ka kitheihna lungsim uh ahi hi.

Mattiu 27:46

Nitak nai thum hun pawl laitakin Jesu nakpi takin kiko a, “Ka Pasian, ka Pasian, bang hangin kei hong nusia na hi hiam?” a cihna ahi, “Eloi, Eloi, lama sabakthani,” a ci hi.

Late 26:6

Topa aw, mawh baan lohna ka lahna-in ka khutte ka sil a, biakna pia-in na biakna tau kiim ah ka pai hi.

1 SAMUEL MASA 26:18

Tua ciangin amah in, “Bang hangin ka topa in a nasem pa delh ahi hiam? Bang gamta khial ka hi hiam? Ka tungah bang mawhna om ahi hiam?

Piancilna 40:15

Bang hang hiam cih leh Hebru miteʼ gam panin kei hong kigu khia a, hih lai ah zong amaute in thong mial sungah kei hong koih nadingin bangmah ka gamta kei hi,” a ci hi.

Hebru 1:14

Vantung mite pen Pasianʼ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Jeremiah 37:18

Tua ciangin kei zong kumpi Zedekiahʼ kiangah, “Kei thong nong kiatsak nadingin nangʼ tungah ahi a, na nasemte tung le hih miteʼ tungah ahi zongin bang khialhna hong bawl ka hi hiam?

Daniel 6:4

Tua ahih ciangin vaihawmpi dangte le gam ukpite in Danielʼ nasepna en cikin a mawhna zon ding a hanciam uh hi. Ahih hangin Daniel pen a thuman le a citak khat ahih manin a mawhna le a simtatna a mu zo kei uh hi.

1 KUMPI MASATE 13:28

Tua ciangin amah pai a, lampi ah a luanghawm kipaai-in la leh humpinelkai a luanghawm gei ah a ding a mu hi. Humpinelkai in a luanghawm ne lo a, a la zong balnen lo hi.

Daniel 6:7

Ngattakin zuih ding thukham khat kumpipa in na bawl ding, gam sung nasem ko vaihawmpite, gam ukpite, gam ukpi huhte le kumpipaʼ thudot mite khempeuh ka thukim uh hi. Tu zawh ni sawm thum sungin nang kumpipa kiang longal, pasian kiang ahi a, midang khat peuhpeuh kiangah ahi zongin thungen om thei lo ding hi, ci-in na kham ding hi. Hih na thupiakna a mang lo peuhmah humpinelkai kikhumna sungah kikhia ding hi.