Daniel 6:2 - Tedim Bible Revision 2017

² Tua ahih ciangin amah in tua gam ukpite tungah a vaihawmpi ding le kumpi deih bang a sem dingin Daniel le a dang mi nih a teel hi.

Tedim Bible

² Tua ahih ciangin amah in tua gam ukpite tunga vaihawmpi ding leh kumpi deih bang a sem dingin Daniel leh adang mi nih a teel hi.

Daniel 6:2 Referans Kwoze

Daniel 5:29

Tua ciangin Belshazzar in Daniel pen kumpi puansan a silhsak dingin thu pia pah a, minphatna khamkhi a ngawng ah a oksak hi. A gam sungah a za lian thum nadingin a koih hi.

Daniel 5:16

Ahih hangin nangmah in thuthukpi le kuama theih zawh loh thute gen thei hi, ci-in kong za zo hi. Hih lai kigelh sim thei-in a khiatna nong gen theih leh kumpi puansan kong silhsak dinga, minphatna khamkhi na ngawng ah hong oksakin, kumpi gam sungah a za lian thumna-in ka hong koih ding hi,” a ci hi.

Esther 7:4

Bang hang hiam cih leh kei le ka mite suksiat ding, thah ding, beisak mang dingin hong kizuak hi. Kote, numei pasal a kibangin sal dingin hong kizuak hileh bangmah ka pau kei ding hi; tua bang lel tawh kumpipa nawngkaisak taak lo hi,” a ci hi.

Ezra 4:22

Hih thu tawh kisai-in na sep ding don loin om mawk kei in. Tua hikeileh kumpi tungah siatna le gimna hong khang ding hi,” a ci hi.

1 KORIN MASA 4:2

Nasem i cih mite pen a topa uh tungah citakin a thuman ding uh kisam hi.

Luka 16:2

A topa in zong amah sam a, ‘Na gamtatna ka zak a bangci thu ahi hiam? Keima neihsa a uk dingin hong koih thei nawn lo ding ka hih manin a beisa hun sungah ka neihsate na zeekna sazian a kimtakin hong pia in,’ a ci hi.

Mattiu 18:23

Bang hang hiam cih leh vantung ki-ukna zia pen a nasemte in sum bangzah a ba hiam, ci-in a sazian a en kumpipaʼ hihna zia tawh kibang hi.

Paunak 26:6

Mihai khat kamtai-in a zang pa pen ama khe mah a sattan tawm, siatna a zong pa ahi hi.

Paunak 3:16

Pilna in khan hong sausak a, hauhna le pahtawina zong hong pia thuah lai hi.

1 SAMUEL MASA 2:30

Tua ahih ciangin Israel-teʼ Pasian, Topa in thu hong genin: ‘Nangma innkuan le na behte keima mai ah sung tumin pusuak tawntung ding hi, ci-in thu ka ciam sa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi dinga, kei hong simmawhte ka simmawh ding hi.

Daniel 5:7

Amah in mitphial siamte, aisan siamte, aksi et siamte va sam pak un, ci-in a kiko hi. Tua mite a hong tun uh ciangin kumpipa in, “Hih lai kigelh a sim thei, a khiatna a hong gen thei peuhmah kumpi puanpi silhsakin, minphatna khamkhi a ngawng ah ka oksak dinga, kumpi gam sungah a za lian a thumna-in ka koih ding hi,” a ci hi.

Daniel 6:1

Darias in gam sung khempeuh a uk sawn dingin gam ukpi za le sawm nih dingin a ngaihsun hi.