Daniel 6:19 - Tedim Bible Revision 2017

¹⁹ Zingsang khuavak tung phetin kumpipa tho-in humpinelkai kikhumna ah a va pai pah hi.

Tedim Bible

¹⁹ Zingsang khuavak tung phetin kumpipa tho a, humpinelkai koihna khukah a va pai pah hi.

Daniel 6:19 Referans Kwoze

1 THESALONIKA MASA 3:5

Tua ahih manin ka thuak zawh nawn loh ciangin noteʼ upna zia a thei dingin Timoti ka hong sawl hi. Dawimangpaʼ ze-etna in note hong puksak kha-in, koteʼ nasepna a mawkna suak kha ding hi, ci-in ka lunghimawh uh hi.

2 KORIN NIHNA 2:13

Ahi zongin tua lai ah i sanggampa Titus na om lo ahih manin ka lungsim om thei nawn lo hi. Tua ahih manin tua lai-a om mite nusia-in Masedonia gamah ka paisuak hi.

Marka 16:2

Nipi ni zingsang tung nisuah phetin hanah a pai uh hi.

Mattiu 28:1

Sabbath ni khit, Nipi ni zingsang khua hong vak kuan ciangin Magdala khuami Mary le a dang Mary, daihawh dingin a va pai uh hi.

Daniel 6:18

Kumpipa a inn ah ciahkik a, tua zan tawntung an ngawlin gualnopna zong a bawl kei hi. Tua zanin a ihmu thei peuhmah kei hi.

Daniel 6:20

Humpinelkai kikhumna a tun dektak laitakin aw liingkawmin, “Daniel, a nungta Pasianʼ nasem pa! Thuman takin na biak tawntung na Pasian in humpinelkai kam sung panin a hong hon khia thei hiam,” ci-in a kiko hi.