Daniel 6:16 - Tedim Bible Revision 2017

¹⁶ Tua ciangin kumpipa in humpinelkai kikhumna sungah Daniel a khiat dingun thu a pia hi. Amah in Daniel kiangah, “Thuman takin na biak tawntung na Pasian in hong hon khia tahen,” a ci hi. Tua ciangin humpinelkai kikhumna sungah Daniel a khia uh hi.

Tedim Bible

¹⁶ Tua ciangin kumpipa in Daniel humpinelkai koihna khuk sunga khiat dingin thu a pia hi. Amah in Daniel kiangah, “Thuman taka na biak tawntung na Pasian in hong honkhia ta hen,” a ci hi. Tua ciangin humpinelkai koihna khuk sungah Daniel a khia uh hi.

Daniel 6:16 Referans Kwoze

JOB (Job) 5:19

Lungkhamna guk vei dong na tuahna ah amah in nang hong hon dinga, a sagih veina dingah siatna in nang hong su nawn lo ding hi.

Daniel 3:28

Tua ciangin kumpipa in, “Shadrak, Meshak le Abednego-teʼ Pasian phat un. Amah in a vantung mite sawl a, amah a muang ama nasem hih mite a hon khia hi. Amaute in ka thupiakna mang loin, amauʼ Pasian longal pasian dangʼ mai ah kun nuam lo, bia nuam lo uh ahih manin mei phualpi sungah khul ding a ut zaw uh ahi hi,” a ci hi.

Isaiah 43:2

Tuite na kantan ciangin nang kong ompih dinga, gunte na kantan ciangin tui in hong tuum lo ding hi. Mei kantanin na pai ciangin na kaang kei dinga, meikuangte in nang hong kaang tum lo ding hi.

2 SAMUEL NIHNA 3:39

Sathau kinilh kumpipa hi napi-in tu ni-in ka tha a nem hi. Zeruiahʼ ta hih mite kei adingin haksa lua hi. Gamtat sia pa a gitlohna bangin Topa in thuk tahen!” a ci hi.

Daniel 3:17

Mei phualpi sung panin a hong hon khia thei pasian a om leh ka biak Pasian uh hi dinga, na khut sung panin a hong hon khia ding hi.

Daniel 6:20

Humpinelkai kikhumna a tun dektak laitakin aw liingkawmin, “Daniel, a nungta Pasianʼ nasem pa! Thuman takin na biak tawntung na Pasian in humpinelkai kam sung panin a hong hon khia thei hiam,” ci-in a kiko hi.

Sawltak 25:11

Thukham palsatin sihna thuak nading thu khat peuhpeuh a gamta hi leng, suahtak nading thu ka gen het kei ding hi. Hih amauteʼ hong mawh zonnate a man lo ahihleh zong kuamah in amauteʼ khut sungah hong ap zo lo ding uh hi. Gam uk kumpipa tungah a zu ka khan hi,” ci-in a dawng hi.

Paunak 29:25

Midangte kihtakna in hong lunghimawhsak a, Topa muanna in hong lungmuangsak hi.

ROM (Romans) 13:3

Bang hang hiam cih leh gam uk mite pen a gamtat hoih miteʼ kihtak ding hi lo a, mi tatsiateʼ kihtak ding hi bek hi. Ukna thu a neite kihta loin na om nop uh leh a hoihin gamta un. Tua hileh amaute in note hong pakta-in hong phat ding uh hi.

Daniel 6:7

Ngattakin zuih ding thukham khat kumpipa in na bawl ding, gam sung nasem ko vaihawmpite, gam ukpite, gam ukpi huhte le kumpipaʼ thudot mite khempeuh ka thukim uh hi. Tu zawh ni sawm thum sungin nang kumpipa kiang longal, pasian kiang ahi a, midang khat peuhpeuh kiangah ahi zongin thungen om thei lo ding hi, ci-in na kham ding hi. Hih na thupiakna a mang lo peuhmah humpinelkai kikhumna sungah kikhia ding hi.

Daniel 3:15

Tua ahih ciangin tu-in peengkulte, tamngaite, laiza lasakna gingte, harp lasakna gingte, gawsem le tum theih dang a gingte na zak khit phet uh ciangin kunin milim na bia ding uh hi. Na biak kei uh leh thakhatin mei phualpi sungah hong kikhul ding ahih ciangin a hong hon khia zo ding pasian omin um na hi uh hiam?” a ci hi.

Jeremiah 38:5

Kumpipa Zedekiah in, “En un, noteʼ khut sungah amah om hi. Keimah in note kong kho thei kei hi,” a ci hi.

Jeremiah 26:14

Ahih hangin kei ka hih leh, en un, noteʼ khut sungah ka om hi. Note in hoih na sak uh bangin kei tungah hong bawl un.

Sawltak 25:9

Jew miteʼ pahtak ding ut ahih manin Festas in Paul kiangah, “Jerusalem khua ah va pai-in, keima mai mahah hih thute tawh kisai-in thusitna hong kinei leh na ut hiam?” ci-in a dot ciangin

Sawltak 24:27

Ahi zongin tua zawh kum nih hong bei ciangin Feliks sepna pen Porsias Festas in hong laih hi. Feliks in Jew miteʼ pahtak ding ut ahih manin thong sungah Paul a omsak suak hi.

2 KORIN NIHNA 1:10

Tua zahin a lauhuai sih nading panin hong hon khia khinzo a, zong hong hon khia lai ding hi. Mailam hunah zong hong hon khia kikkik ding hi, ci-in amah ka muang uh hi.

Isaiah 41:10

nang hong ompih ka hih manin lau kei in. Na Pasian ka hih manin lungkia kei in. Nang hong tha khauhsakin kong huh dinga, nang hong huhin ka hong hon khia ding hi.

Jeremiah 38:6

Tua ciangin amaute in kei hong man uh a, thong huang sunga om kumpipaʼ tapa Malkhiahʼ tuikhuk sungah khau tawh hong khia suk uh hi. Tuikhuk sungah tui om loin buan bek om a, buan sungah ka tum suk hi.

Jeremiah 39:17

Ahih hangin Topa in kong cih in ah, tua ni ciangin nang kong hon khia dinga, na kihtak miteʼ khut sungah hong kipia lo ding hi.