Daniel 6:10 - Tedim Bible Revision 2017

¹⁰ Tua bang thupiakna lai kihawm khia khinzo ta hi, ci-in Daniel in a theih ciangin a inn ah a ciah hi. A inn dawl tungnung ah Jerusalem lam a nga tawlet thum a om hi. Tua laitak ah tawlet hon sa-in a hih ngei bangin khukdinin ni khatin thum vei ta Pasian kiangah thu a ngen hi.

Tedim Bible

¹⁰ Daniel in tua bang thu piakna lai kihawm khia khin zo ta hi cih a theih ciangin a innah a ciah hi. A inn tungnung dei sungah Jerusalem lam a nga kongvang neu thum a om hi. Tua lai takah kongvang neu honsa-in ahih ngei bangin khukdin’ in, ni khatin thum vei ta Pasian kiangah thu a ngen hi.

Daniel 6:10 Referans Kwoze

Late 55:17

Nitak, zingsang le sunin ka gimna leh ka thumnate ama tungah ka gen a, amah in keima thumna aw, hong za ding hi.

Sawltak 5:29

Ahi zongin Peter le sawltak dangte in, “Miteʼ thu sangin Pasianʼ thu ka mang zaw ding uh hi.

Late 95:6

Hong pai un, amah bia-in kun ni. Eite hong Bawl Topaʼ mai ah khukdin ni.

Hebru 13:15

Tua ahih manin Jesu tungtawnin amah i biakna-in i kam tawh ama min pulakin Pasian phat tawntung ni.

Filippi 4:6

Thu khat peuhpeuh ah lunghimawh lua kei unla, na kisap bangbang uh, lungdamna tawh Pasian kiangah na ngen un.

Late 34:1

Topa ka phat tawntung dinga, amah phatna ka gengen ding hi.

Late 5:7

Kei ka hih leh a kicing na itna kip suangin na inn sungah ka tum dinga, nangmah zahtakna tawh kunin a siangtho na biakinn lam nga-in kong bia ding hi.

Sawltak 9:40

Peter in inn sung panin amaute khempeuh a pusuahsak khit ciangin khukdinin thu a ngen hi. Tua ciangin misi nu lamah kihei a, “Tabitha aw, tho in,” a cih ciangin a mit hong hak a, Peter a muh ciangin a tu to hi.

Jonah 2:4

Tua ciangin keimah in, ‘Na omna panin kei hong kihawl khia hi. Na biakinn siangtho hong koici etkik thei ding ka hi hiam?’ ka ci hi.

1 KUMPI MASATE 8:54

Tu-in Solomon in hih thungetna le thumnate khempeuh Topaʼ tungah a bawl khit ciangin, vantung lamah a khutte a zan sa-in a khukdinna mun Topaʼ biakna tau mai panin amah ding to hi.

1 KUMPI MASATE 8:44

“A galte uh a do dingin na mite kuan khia-in, bangbang lamah amaute sawl hi talecin, nangmah in na teel sa khuapi lam, Topaʼ tung le nangma min dingin ka lam sa biakinn lamah thu hong nget uh ciangin,

Efesa 3:14

Hih ama geelna teng ka ngaihsut ciangin, vantung a tung khin sa mite le leitungah a om lai mite khempeuhʼ pianna i Pa Pasianʼ mai ah ka khukdin a,

Sawltak 10:9

A zing ciangin Joppa khua ah amaute a tun dektak laitakun, thungen dingin sun laitakin innkhum zang ah Peter a kah to hi.

Daniel 6:13

Tua ciangin amaute in kumpipa kiangah, “Judah gam panin a hong pai Jew mi salte khat ahi Daniel in kumpipa hong zahtak lo a, na thupiakna a mang nuam kei hi. Nisimin thum vei ta thu a ngen tawntung hi,” a ci uh hi.

Hebru 4:16

Tua ahih manin a kisap hunin, eite a hong huh dingin hehpihna le dikna thupha i ngah theih nadingin, kimuanna lungsim tawh hehpihna tokhom va zuan ciat ni.

1 KUMPI MASATE 8:38

mi khatpeuh ahi a, na mi Israel-te khempeuh in ahi zongin amauʼ lungsim natna thei-in hih biakinn lamah a khutte hong zanin bangbang thungetna hitaleh bangbang thumna hitaleh hong bawl uh leh,

Mangmuhna 2:10

Na thuak ding uh haksatnate kihta kei un. Dawimangpa in note pawl khat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu kong pia ding hi.

Kolose 3:17

Na kampauna, na gamtatnate khempeuh uh ah, Topa Jesu hangin Pa Pasian tungah lungdam kohna-in Jesu min paulamin na hih ding uh hi.

Filippi 1:20

Ka si a, ka hing zongin, a diakdiakin tu a kipanin a tawntungin midangte in Khris phat theih nading lungsim hanna a neih theih nadingun ka lungsim le ka pumpi tawh keima tavuan ka lelh het loh nading pen ka deihdeih, ka lam etet bulpi ahi hi.

Sawltak 20:36

Paul in hih bangin kam a vaikhak khit ciangin a vekpi-un khukdin uh a, Paul in thu a ngen hi.

Nehemiah 6:11

Ahih hangin keimah in, “Kei bang mite tai ding ahi hiam? Kei bang mite a suahtak nadingin biakinn sungah bu ding ahi hiam? Ka pai peuhmah kei ding hi,” ka ci hi.

2 KHANG TANGTHU NIHNATE 6:38

amaute galmatin a kitutna, galmatin a omna uh leitang ah a ngaihsutna khempeuh uh le a lungsim khempeuh uh tawh amaute kisikkikin, na teel sa khuapi le nangma min dingin ka lam sa biakinn, nangmah in amauʼ pute pate tungah na piak amauʼ leitang lam nga-in thu hong nget uh leh,

Mangmuhna 2:13

Satan in a kumpi tokhom a phuhna munah a om na hih lamtak uh ka thei hi. Keima thu citakin teci a pang cinten Antipas, Satanʼ omna munah a kithah hun laitak nangawnin kei na hong upna uh na khahsuah kei uh hi.

Filippi 1:14

Tua banah keima thongkiatna hangin hih lai-a om Khristiante a tam zaw in Topa muanna-in nei uh a, lau het loin Pasianʼ thu gen ngamna-in nei zaw uh hi.

Sawltak 21:5

Amaute kiang panin ka ciahkhiat ding uh hun hong tun ciangin ka ding khia uh a, a zite a tate uh tawh a vekpi-un khua nawl ciang hong zui uh hi. Tuipi gei ka tun uh ciangin khukdinin thu ka ngen uh hi.

Sawltak 20:24

Ahi zongin Topa Jesu in kei sep dingin a hong piak, Pasian hehpihna hangin Lungdamna Thu, mite kiangah gen ding nasep ka tangtut zawh nakleh kei nuntakna ah bangbang hong piang taleh a thupi-in ka ngaihsun kei hi.

Sawltak 7:60

Tua ciangin amah kunin nakpi takin kiko a, “Topa aw, hih miteʼ mawhna na maisak in,” a cih khit ciangin a si ta hi.

Sawltak 5:20

“Biakinn ah pai unla, hih nuntak thakna thu mite kiangah va gen un,” ci-in a vaikhak hi.

Sawltak 4:29

Tua ahih ciangin Topa aw, amaute in kote hong tawnnate thei inla, nangma nasem kote in lungsim han mahmahna tawh nangma thu ka gen theih nadingun hong huh in.

Sawltak 3:1

Ni khat, thunget hun nitak nai thum laitakin biakinn ah Peter le Johan a pai uh hi.

Sawltak 2:15

Tu hun pen zingsang nai kua hi pan ahih manin, noteʼ ngaihsut bangin hih mite zukham hi lo uh hi.

Luka 22:41

Tua ciangin amaute kiang panin suanglot khat tan bang pai lai a, khukdinin thu ngen a,

Luka 14:26

“Kei kiangah a hong pai mite peuhmah in a nu le a pa, a zi le a ta, a sanggam numeite le a sanggam pasalte le ama pumpi mahmah a nial ngam kei leh keima nungzui suak thei lo ding hi.

Late 86:3

Nang pen ka Pasian na hi hi. Topa aw, sun tawntung hong kiko ka hih manin kei hong hehpih in.

Ezra 9:5

Tua hi a, nitak biakpiak hun ciangin khua phawkkikin ka puan kekpi mah silh kawmin khukdinin Topa Pasianʼ lamah ka khut zakin,

2 KHANG TANGTHU NIHNATE 6:13

Solomon in a dung pi sagih le alang, a vai pi sagih le alang, a sang pi li le alang a pha sumngo tau khat bawlin inntual ah a koih khin hi. Tua ciangin tua tungah amah ding hi. Tua ciangin Israel a kikhawmte khempeuhʼ muhin amah khukdinin van lamah a khut zan hi.

1 KUMPI MASATE 8:30

Amaute in hih mun lamah hong nget uh ciangin na mi Israel-teʼ hong thumna zong ngai in. Na teenna mun vantung panin hong za inla, ka mawhna uh hong maisak in.

Daniel 9:4

Topa ka Pasianʼ kiangah thu ngenin ka miteʼ mawhna ka pulak hi. Keimah in, “Topa Pasian aw, nang na lian a, ka hong zahtak uh hi. Nang na thuman a, na thuciamna le na thupiakna a mangte le a hong itte a tawntungin na it hi.

Marka 3:3

Jesu in khut zaw mipa kiangah, “Hih a mai lamah hong ding in,” a ci hi.