Daniel 5:9 - Tedim Bible Revision 2017

⁹ Tua tak ciangin kumpi Belshazzar lungkham mahmah in a mel daang semsem a, a mi liante in a cih nading mel a thei kei uh hi.

Tedim Bible

⁹ Tua ciangin Belshazzar kumpipa a lungkham mahmah a, a mel daang semsem a, a u liante in a cih nading meel a thei kei uh hi.

Daniel 5:9 Referans Kwoze

Daniel 5:6

Tua ciangin kumpipa lau lua mahmah a, a mai daang gawpin a khut a liing kauhkauh hi.

Daniel 2:1

Nebukhadnezzar kumpi a suah zawh a kum nihna kumin mang khat a man hi. A lungsim patau lua mahmah ahih manin a ihmu thei kei hi.

Jeremiah 6:24

Tua thu i za a, bangmah i cih thei kei hi. Lungkhamna in hong lencip a, nupi nausuak ding bangin na i sa hi.

Mangmuhna 6:15

Tua ciangin leitung kumpite le mi liante, galkap maangte, mihaute le mi vangliante, silate le sila ahi lote a kipanin a kuamah peuh, mual tunga leihawmte sungah bu uh a,

Mattiu 2:3

Kumpi Herod in hih thu a zak ciangin lamdang sa mahmah a, Jerusalem khuami khempeuh in zong lamdang a sa ciat uh hi.

Daniel 10:8

Kei guak bek hong kinusia ahih manin tua a lamdang maangmuhna keimah guak bek mah in ka mu hi. Ka thaneih teng bei khin a, ka mel kikhel gawp ahih manin kei ka hih lam mel kuamah in a hong thei nawn kei uh hi.

Jeremiah 30:6

Tu-in ngaihsun dih un. Pasalte nau a suak ngei uh hiam? Tua ahihleh bang hangin pasal khempeuh in numei nausuak dingte bangin a tai uh hum ahi uh hiam? Bang hangin a mai uh ah si teeng lo ahi hiam?

Late 48:6

Numei nausuak na a sa bangin amaute liing gawp uh hi.

Late 18:14

Amah in a thaltangte lawn a, a galte kithehthangsak hi. Khuaphialep phiasak a, a galte a susia hi.