Daniel 5:7 - Tedim Bible Revision 2017

⁷ Amah in mitphial siamte, aisan siamte, aksi et siamte va sam pak un, ci-in a kiko hi. Tua mite a hong tun uh ciangin kumpipa in, “Hih lai kigelh a sim thei, a khiatna a hong gen thei peuhmah kumpi puanpi silhsakin, minphatna khamkhi a ngawng ah ka oksak dinga, kumpi gam sungah a za lian a thumna-in ka koih ding hi,” a ci hi.

Tedim Bible

⁷ Amah in mitphial siamte, aisan siamte, aksi et siamte va sam pak un ci-in Babilon mipilte kiangah a gen hi. Tua mite a hong tun’ uh ciangin kumpipa in, “Hih laigelh a sim thei, a khiatna a hong gen thei peuhmah kumpi puanpi san silh sakin, minphatna khamkhi a ngawngah ka ok sak ding a, kumpi gam sungah a za lian thumna-in ka koih ding hi,” a ci hi.

Daniel 5:7 Referans Kwoze

Daniel 5:29

Tua ciangin Belshazzar in Daniel pen kumpi puansan a silhsak dingin thu pia pah a, minphatna khamkhi a ngawng ah a oksak hi. A gam sungah a za lian thum nadingin a koih hi.

Daniel 5:16

Ahih hangin nangmah in thuthukpi le kuama theih zawh loh thute gen thei hi, ci-in kong za zo hi. Hih lai kigelh sim thei-in a khiatna nong gen theih leh kumpi puansan kong silhsak dinga, minphatna khamkhi na ngawng ah hong oksakin, kumpi gam sungah a za lian thumna-in ka hong koih ding hi,” a ci hi.

Daniel 2:48

Tua ciangin kumpipa in Daniel letsong hoih tampi pia a, a za liansak a, Babylon gam teng uksakin, Babylon mipil thudotte a ukpipa dingin a koih hi.

Daniel 2:6

Ahi zongin ka mangmat le a khiatna nong gen theih uh leh, letsong le minphatna lianpi kong pia ding hi. Tua ahih ciangin tu-in ka mangmat bang hi a, a khiatna bang ahi hiam cih hong gen un,” a ci hi.

Daniel 2:2

Tua ahih ciangin bang mang man cih a hilh dingin mitphial siamte, mibum theite le khongkhai siamte a samsak hi.

Ezekiel 16:11

Kizepna a manphate nang kong pia a, tau hong butsakin khainiang kong oksak hi.

Isaiah 47:13

Nang tungah a hong kilak thu tampite hangin na gim hi. Vantungte a sehin khenin, aksite en a, khadet simin nang tunga thupiang ding a hong gen khol mite tu-in dingsak inla, nangmah kihonsak in.

Daniel 4:14

Amah nakpi-in kiko-in, ‘A singkung phuk inla, a hiang teng sattan in. A teh teng heuh siang inla, a gah teeng thehthang in. A nuai-a ganhing teng le a hiang tunga vasa teng hawl khia in.

Solomon la 1:10

Na biang tuakah a kai suk na samphekte ngaihbaang a, suangmanpha bangin na liangko tungah kinga hi.

Paunak 1:9

Tua thuhilhnate in na gamtat hong hoihsak dinga, kizepna lukhu le kizepna khi bangin hong etlawmsak ding hi.

Esther 3:1

Hih thute khit ciangin Kumpipa Ahasueras in Agag-te beh Hammedathaʼ tapa Haman a za khangsak a, amah tawh a sem khawm ulian dangte khempeuh sangin a lian zaw-in a bawl hi.

1 SAMUEL MASA 17:25

Israel mite khatlekhat kiho-in, “Hih hong paikhia mipa na mu ngei uh hiam? Israel-te a to dingin hong pai to takpi hi. Amah a that mipa tungah kumpipa in sum tampi pia-in, ama tanu zong pia dinga, a paʼ innkuante, Israel sungah aana nasep le siah khempeuh kipengsak ding hi,” a ci uh hi.

Gamlak-vakna 24:11

Tua ahih ciangin tu-in na omna munah tai in. ‘Nang kong min liansak ding hi,’ ka hong ci hi. Ahih hangin na min liat nading panin Topa in nang hong khaktan hi,” a ci hi.

Gamlak-vakna 22:17

bang hang hiam cih leh minphatna lianpi nang kong pia dinga, keiʼ tunga nong gen peuhpeuh ka hih ding hi. Hong pai inla, hih mite hong samsiatsak in,’ ci hi,” ci-in a gen uh hi.

Gamlak-vakna 22:7

Tua ahih ciangin Moab upate le Midian upate aisanna man ding tawh kuan khia-in Balaam kiangah pai uh a, Balakʼ thu ama kiangah sung uh hi.

Piancilna 41:8

Tua ahih ciangin zingsangin a lungkham hi. Amah in mi sawlin Egypt mitphial siamte khempeuh le a mipil khempeuh samsak hi. Faro in amauteʼ kiangah a mang gen a, ahih hangin Faroʼ tungah a khiatna a gen thei kuamah om lo hi.

Paikhiatna 7:11

Tua ciangin Faro in a mipilte le a aisan siamte a sam hi. Egypt mitphial siamte in zong amauʼ siamna tawh tua bang teek mahin a bawl thei uh hi.

Jeremiah 50:35

“Topa in kong cih in ah, Khaldea gam mite, Babylon khua ah a teengte, a kumpi uliante le a mipilte namsau tawh kithat tahen!

Daniel 1:4

Tua mite, kumpi inn sunga nasem siamte a suah theih nadingun a melhoih, pumpi tung poina a nei lo, a navak, hoihtakin pilna a kisinsak, na a thei baih, a lungsim navak ngentang ding ahi hi. Ashpenaz in amaute Babylon lai le a pau a hilh ding ahi hi.

Daniel 1:20

Kumpipa in bangbang thuhaksa nono a dot hangin, hih mi lite pen ama gam sung khempeuh a mitphial siamte le aisan theite khempeuh sangin a zah sawmin a siam zawk lam uh a mu hi.

Daniel 2:27

Daniel in, “Kumpipa aw, tua na theihnop thu a hong gen thei ding khongkhai thei, mitphial siam, aisan siam kuamah om lo hi.

Daniel 5:11

Na gam sungah Pasianʼ kha a nei mi khat a om hi. Na pa kumpi ahih laitakin, tua mipa in pasian-teʼ pilna tawh a kibang pilna, theihna le lungsim navakna a nei hi. Tua hi a, kumpi ahi na pa Nebukhadnezzar in tua pa pen aisan theite, mitphial siamte, khongkhai siamte le aksi et siamteʼ ukpi dingin a koih hi.

Daniel 5:15

Ka thudot mite le mitphial siamte, hih lai kigelh a sim ding le a khiatna a gen dingin a hong pai uh hi napi, a khiatna a thei zo kei uh hi.