Daniel 5:6 - Tedim Bible Revision 2017

⁶ Tua ciangin kumpipa lau lua mahmah a, a mai daang gawpin a khut a liing kauhkauh hi.

Tedim Bible

⁶ Tua ciangin kumpipa lau lua mahmah a, a mai daang gawpin a khut a liing kauhkauh hi.

Daniel 5:6 Referans Kwoze

Nahum 2:10

Nineveh khuapi kisusia a, kinusiacipin gamkhing suak hi. Launa lungsim tawh kidimin khukte liing kelkel a, mi khempeuh lunggimin a mai ah sisan teeng lo hi.

Daniel 7:28

Hih tangthu a beina hi ta hi. Hih thu ka ngaihsut ciangin keimah Daniel ka lau mahmah a, ka mel a daang gawp hi. Ahih hangin hih thu keima lungsim sung bekah ka koih hi.

Ezekiel 7:17

Mi khempeuhʼ khut zaw dakdakin, a khuk uh liing kelkel ding hi.

Daniel 4:5

Ahih hangin ka ihmut laitakin a lauhuai mang khat ka man a, a dipkuathuai maang ka mu hi.

Ezekiel 21:7

Tua bangin na omna thu mite in hong dot ciangin mailam a thupiang ding hangin a tua ci om na hihna thu gen in. Tua hun ciangin a lungsim uh launa tawh kidimin, launa hangin a khut uh liingcipin, a hanna lungsim uh bei-in, lau-in a khuk uh a liin kelkelna ding thu le, tua hun ding pen tu-in a hong tung ta ahihna thu gen in,” Topa Pasian in a hong ci hi.

Late 69:23

Khua a muh theih loh nadingun amauʼ mit mialsak inla, a kawngte uh zawcipsak in.

Daniel 4:19

Tua ciangin Belteshazzar zong a kici Daniel lungmang lua ahih manin tawmvei sung bangmah gen thei loin a om hi. Kumpipa in, Belteshazzar aw, mang le a khiatna huhau-in na lung mangsak zenzen kei in, a ci hi. Belteshazzar in, Kumpipa aw, nang mangmat le a khiatna pen na galte tungah tung zaw hen, a ci hi.

Hebru 12:12

Tua ahih ciangin a zaw nuangnuang na khutte uh le a no dakdak na khukte uh khauhsak un.

Daniel 3:19

Tua ciangin Kumpi Nebukhadnezzar pen Shadrak, Meshak le Abednego-te tungah heh mahmah ahih manin a mai a san pempam hi. A sat ngeina zah sangin a zah sagih vei a sa zaw mei phualpi a cih dingin a mite thu a pia hi.

Daniel 2:1

Nebukhadnezzar kumpi a suah zawh a kum nihna kumin mang khat a man hi. A lungsim patau lua mahmah ahih manin a ihmu thei kei hi.

Isaiah 35:3

A zaw khutte khauhsak unla, a no khukte kipsak un.

Isaiah 5:27

Tua a hong pai mite kuamah gim lo uh a, kuamah tuk lo uh hi. Kuamah lusu lo a, kuamah ihmu lo uh hi. Dialkaih khat zong kol lo a, khedap khau khat zong kitat lo hi.

Late 22:14

Tui buakkhiat bangin kei hong kibua khia a, ka guh ka taang khempeuh kilawi mangkhin hi. Ka lungtang khuainun bang a, ka awm sungah tui suak hi.

Daniel 5:5

Thakhat thu-in kumpi inn sung meivak a taan penna lam kawm tungah mihing khut khat hong kilangin lai a hong gelh hi. Tua khut in lai a gelh laitak kumpipa in a mu hi.

Jeremiah 50:43

Babylon kumpipa in tua thu za khinzo a, bangmah a cih thei kei hi. Lungkhamin lumcip a, nupi nausuak ding bangin na a sa hi.