Daniel 5:4 - Tedim Bible Revision 2017

⁴ Amaute in zu ne uh a, kham tawh, ngun tawh, sumngo tawh, sik tawh, sing tawh, suang tawh a kibawl pasian-te a phat uh hi.

Tedim Bible

⁴ Amaute in zu dawn uh a, kham tawh, ngun tawh, sumngo tawh, sik tawh, sing tawh, suang tawh kibawl pasiante a phat uh hi.

Daniel 5:4 Referans Kwoze

Daniel 5:23

Vantung Topaʼ langah na pang hi. A biakinnpi hai le kuangte la-in sabuai tungah nangmah tawh, na mi liante tawh a zineute le na zite uh tawh zu nekna-in na zang uh hi. Theihna a nei lo, a mu thei lo, khua a za thei lo ngun, kham, sumngo, sik, sing le suang tawh a kibawl pasian-teʼ min na phat uh hi. Na nuntakna le na hihna khempeuh a hong uk Pasian na zahtak kei hi.

Habakkuk 2:19

Sing khatpeuh a kibawl na khat kiangah, “Khanglo in,” ci-in, a pau thei lo suangtum kiangah, “Tho in,” ci na hih manun gimna na ngah ding uh hi. Hih bang milim in note hong hilh thei ding ahi hiam? Ngun le kham tawh limtakin a kizut hangin a sungah nuntakna om lo hi.

Sawltak 17:29

Eite pen Pasianʼ tate ihih manin, mihing khutsiamte in bawlin a zep ngunte, khamte, suang milimte tawh a kibang dingin Pasian i ngaihsun kei ding hi.

Isaiah 42:8

“Kei pen Topa ka hi a, Topa pen keima min ahi hi. Pasian dangʼ tungah keima-aʼ tawh a kibang minthanna ka pia kei a, a kisui milimte zong keimah hong kiphatnate pawl ka ngahsak kei hi.

Daniel 4:37

Tu-in keimah Nebukhadnezzar in Vantung Kumpipa phatin, zahtakin a min ka thangsak hi. Ama bawlna khempeuh a man hi. Amah a tawntungin thuman a, a kiphasakin a gamtate a neusak hi,” a ci hi.

Isaiah 42:17

A kisui milimte muangin, a kisung milimte kiangah, ‘Note, komauʼ pasian-te na hi uh hi,’ a ci mite kinolh dinga, maizum mahmah in ki-omsak ding hi.

Daniel 1:8

Daniel in kumpi inn sunga an le leenggahzu tawh a pumpi a thanghuaisak loh nadingin a lungsim a khensat hi. Amah in innsung maang lian pen Ashpenaz kiangah tua bang an a kipiak loh nadingin a ngen zaw hi.

Daniel 5:3

Thakhatin kham haite, kuangte hong paipih uh a, a vekpi-un tua haite tawh zu a ne uh hi.

Daniel 5:5

Thakhat thu-in kumpi inn sung meivak a taan penna lam kawm tungah mihing khut khat hong kilangin lai a hong gelh hi. Tua khut in lai a gelh laitak kumpipa in a mu hi.

Amos 6:7

Tua ahih ciangin note pen salin a pai masa pente na hi ding uh a, na nopsakna teng uh a bei ta ding ahi hi.

1 KUMPI MASATE 1:49

Tua ciangin Adonijahʼ leenglate khempeuh liing uh a, dingin amauʼ mun ciatah a ciah uh hi.