Daniel 5:23 - Tedim Bible Revision 2017

²³ Vantung Topaʼ langah na pang hi. A biakinnpi hai le kuangte la-in sabuai tungah nangmah tawh, na mi liante tawh a zineute le na zite uh tawh zu nekna-in na zang uh hi. Theihna a nei lo, a mu thei lo, khua a za thei lo ngun, kham, sumngo, sik, sing le suang tawh a kibawl pasian-teʼ min na phat uh hi. Na nuntakna le na hihna khempeuh a hong uk Pasian na zahtak kei hi.

Tedim Bible

²³ Vantung Topa langah na pang hi. A biakinnpi hai leh kuangte la-in sabuai tungah nangmah tawh, na u liante tawh, na zite leh na zi-neute uh tawh zu dawnna-in na zang uh hi. Theihna a neilo, a mu thei lo, khua a za thei lo, ngun, kham, sumngo, sik, sing leh suang tawh a kibawl pasiante’ min na phat uh hi. Na nuntakna leh na hihna khempeuh a hong uk Pasian na zahtak kei hi.

Daniel 5:23 Referans Kwoze

JOB (Job) 12:10

A piansak sateʼ nuntakna Pasian mah in a uk ahi hi. Mihing khempeuhteʼ nuntakna ama khut sungah om hi.

Daniel 4:37

Tu-in keimah Nebukhadnezzar in Vantung Kumpipa phatin, zahtakin a min ka thangsak hi. Ama bawlna khempeuh a man hi. Amah a tawntungin thuman a, a kiphasakin a gamtate a neusak hi,” a ci hi.

Jeremiah 10:23

Topa aw, mihingʼ om dan ama uk theih ahih lohna ka thei ta a, ama kalsuan nading ama geel theih hi lo hi.

Isaiah 37:23

Nang in kua zahko-in kua a simmawh na hi hiam? Nang in kuaʼ tungah na aw sangsakin kiphasak na hi hiam? Israel-teʼ Siangtho Pa, keiʼ tungah a hong tua ci na hi hi.

Isaiah 2:12

Bang hang hiam cih leh Vanglian Topa in a kiphasak le a kiliansak khempeuh, a kisangsak le a sangte khempeuh;

Jeremiah 50:29

“Babylon khua a sim dingin thalkap siam, thaltawi theite va sam un. Khuapi umcih unla, kuamah suaktasak kei un. Ama hihna tawh kituakin ama tungah hih un. Ama hih ngei bangmahin ama tungah bawl un. Bang hang hiam cih leh amah kisathei-in Topa ahi, Israel miteʼ Siangtho Pa a simmawh hi.

Paunak 20:24

Topa in miteʼ gamtatna zia ding uk hi. Koici gamtat ding cih mihing in bangci theih ding ahi hiam?

JOB (Job) 31:4

Pasian in ka gamtatna khempeuh thei a, ka kalsuanna khempeuh a hong mu hi.

Hebru 4:13

Pasianʼ mai ah seelcip theih ding bangmah om lo hi. Eite khempeuh i din nading paʼ mai ah a kipiangsak na khempeuh a kiliah a ki-im thei om loin kimu sinsen hi.

Isaiah 37:19

amauteʼ pasian-te pen meikhuk sungah paihsak khin hi. Bang hang hiam cih leh tuate pen pasian hi loin miteʼ khut tawh a kibawl sing le suangte ahi uh hi. Tua ahih ciangin tuate kisusia hi.

Late 139:3

Nangmah in ka sep laitak ahi a, ka khawl laitak ahi zongin na hong mu a, ka gamtatna khempeuh a vekpi-in na thei hi.

2 KUMPI NIHNATE 14:10

Nangmah in Edom na vat gawp khin a, na lungsim in nang hong liansak hi. Na minthanna tawh lungkim inla, inn ah om in; bang hangin nang tukin, Judah tawh nang na tuk nadingin buaina piangsak se ding na hi hiam?” a ci hi.

1 TIMOTI MASA 3:6

Khristian a suaktungte zong hi lo ding hi. Tua bang mi thakte kiphasak thei a, Dawimangpa mah bangin thukhenna a thuak mite hi kha thei ding hi.

1 KORIN MASA 8:4

Tua ahih manin biakna sa tawh kisai thu panin: Milim i cih pen bangmah a om lopi khat lim dingin a kibawl na hi a, Pasian khat bek a om ahihna thu i theih ciat ahi hi.

Sawltak 17:25

Amah pen mi khempeuh tungah nuntakna le na khempeuh a pia pa ahih manin mihingte in ama adingin na khat peuhpeuh a sepsak ding a kisam ahi kei hi.

Habakkuk 2:4

Tua a hong tung ding thu pen ‘A gilo mite suakta lo dinga, thuman mite ahihleh Pasian tungah a cihtak manun nungta ding hi,’” a hong ci hi.

Ezekiel 31:10

“Tua ahih ciangin Topa Pasian keimah in hih bangin ka ci hi. Tua sing in meiipi a bat dongin khangto a, ahi zongin a san semsemna tawh kizui-in kiphasak semsem hi.

Ezekiel 28:17

Na melhoihna na kisaktheih pih kha a, na minthanna in nang hong hai tatsak hi. Leilak ka hong denna a, kumpi dangte hilhkholhna in nang ka hong koih hi.

Ezekiel 28:5

Sum bawl na siamna tawh na hauhna na behlap a, na hauhna na kisaktheih pih hi.

Ezekiel 28:2

“Mihing ahi Ezekiel aw, Taia khuapi a ukpa kiangah Topa Pasian ahi keimah in ka gen nop thu, ama tungah hih bangin gen in: “Kisaktheihna lungsim lianpi nangmah in na nei a, kei, pasian khat ka hi hi, na ci hi. Nang pen pasian bangin pil na kisak hangin mihing na hi lel bek hi.

Isaiah 42:5

Vantungte piangsakin a zal, leitung phahin, a tung panin a hong paikhia nate a piangsak, leitungah a om mite tungah husanna pia-in, leitungah a paite khempeuh husanna a guan Topa Pasian in hih bangin ci hi:

Isaiah 33:10

Topa in minam dangte kiangah, “Tu-in ka gamtang dinga, ka vangliatna ka lak ding hi. Tu-in kei hong kipahtawi ta ding hi.

Late 146:4

A husanna a bei ciangin lei ah ciahkik uh a, tua ni mahmah in a ngaihsutnate uh bei ta hi.

Late 115:16

Vantung pen Topa aʼ hi a, ahih hangin leitung pen mihingte tungah hong pia khin hi.

Late 104:29

Na maitang na seel ciangin amaute khasia uh hi. Amauʼ husanna na lakkhiat ciangin amaute si-in amauʼ pianna leivui ah a ciahkik uh hi.

Thukhente 16:23

Tu-in Filistia uliante a pasian uh Dagon tungah biakna lianpi khat a pia ding le a gualnuam dingin kikhawm uh hi. Bang hang hiam cih leh amaute in, “I pasian in i khut sungah i galpa Samson hong pia zo hi,” a ci uh hi.

Piancilna 14:19

Amah in thupha pia a, “Vantung le leitung a bawl, Sangpen Pasian in Abram thupha pia hen!

Piancilna 2:7

Topa Pasian in leilak pan a leivui tawh mihing bawl a, a nak sungah nuntakna hu sang suk hi. Tua mi pen leitung nuntakna a nei mihing hong suak pah hi.

Mangmuhna 9:20

Hih gimna tawh a si lo midangte pen amauʼ gamtatna sa panin kikhelkik nuam lo uh hi. Dawi a biaknate uh, khua a mu thei lo, khua a za thei lo, lam a pai thei lo ngun, kham, sumngo, suang le sing a kibawl milim a biakte uh khawl tuan lo uh hi.

Isaiah 13:11

Leitung mite a tatsiatna hangun gim ka pia dinga, migilote a mawhna hangun gim ka thuaksak ding hi. Mi kihisakteʼ kiphatsakna beisiang sakin, a kisatheiteʼ kiliatsakna ka niamkhiat ding hi.

Isaiah 14:13

Nang in na lungsim sungah, ‘Vantungah ka kah to ding hi. A sangna mun, Pasianʼ aksiteʼ tung pekah ka kumpi tokhom ka koih dinga, leilu lam pek a kikhopna mual tungah ka tu ding hi.

Jeremiah 48:26

“Moab, zu khamsak un; bang hang hiam cih leh amah in Topa langpangin kiliansak hi. Tua ahih manin ama luak mahah amah bual dinga, mi khempeuh in awi-in a nuihsan ding uh hi.

1 SAMUEL MASA 17:26

David in ama kiang a ding mite kiangah, “Hih Filistia-pa thatin Israel-teʼ tung panin hih mindaina a beisak pa adingin bang kihih ding ahi hiam? A nungta Pasianʼ galkapte a to dingin hih dawibia Filistia-pa kua ahi hiam?” a ci hi.

1 SAMUEL MASA 17:36

Na nasem pa in humpinelkai le vomte that khin ngei hi. Amah in a nungta Pasianʼ galkapte ninsak ahih manin dawibia hih Filistia-pa pen tuate khat tawh kibang lel ding hi,” a ci hi.

Jeremiah 50:28

(Ngai dih un. Topa i Pasianʼ thuhkikna, ama biakinnpi hangin a phulakna thu Zion khua ah a taangko dingin Babylon gam panin ka mite suakta-in a tai uh hi.)

Daniel 8:11

Amah in vantung galkap kumpipa nangawn do-in, ama tunga kipia tawntung biakpiaknate nangawn khawlsakin, biakinnpi biaknate a beisak hi.

Daniel 11:12

A galhatna hang le galkap tampi a thahna hangin kisathei mahmah dinga, ahih hangin a gualzo tawntung kei ding hi.