Daniel 5:22 - Tedim Bible Revision 2017

²² “Ahih hangin a tapa ahi nangmah Belshazzar in hih thu khempeuh na theih hangin na kiniamkhiat tuan kei hi.

Tedim Bible

²² Ahih hangin a tapa ahi nang mah Belshazaar in hih thu khempeuh na theih hangin na kiniamkhiat tuan kei hi.

Daniel 5:22 Referans Kwoze

2 KHANG TANGTHU NIHNATE 33:23

A pa Manasseh a kiniamkhiat bangin Topaʼ mai ah amah kiniamkhiat lo a, hih Amon in mawhna tam piangsak semsem hi.

Paikhiatna 10:3

Tua ahih ciangin Faroʼ kiangah Moses le Aaron pai-in ama kiangah, “Hebru miteʼ Pasian, Topa in hih bangin ci hi: ‘Ka mai ah nang na kiniamkhiat nading bang tanvei nial ding na hi hiam? Amaute in keimah hong biak theih nadingin ka mite paisak in.

Jeim 4:17

A hoih a manin gamtat ding thei napi-in a gamta lote a mawh ahi hi.

2 KHANG TANGTHU NIHNATE 36:12

Topa a Pasianʼ muhna ah amah a sia gamta hi. Topaʼ kammal a gen sawn kamsang Jeremiah mai ah amah kiniamkhiat lo hi.

Jeim 4:6

Lai Siangtho in, “Pasian in a kihisakte nial a, a kiniamkhiatte a hehpih hi,” a cih mah bangin Pasianʼ hong hehpihna lian zaw hi.

Johan 13:17

Hih thu thei-in na zuih uh leh na lung uh nuam mahmah ding hi.

Luka 12:47

A topaʼ deihna thei napi-in a topaʼ deih bangin a gamta nuam lo nasem pa pen nakpi takin kisat ding hi.

Mattiu 21:32

Bang hang hiam cih leh note kiangah Tuiphumpa Johan hong pai-in thuman lampi hong lak napi-in na um kei uh a, ahi zongin siahdongte le numei paktatte in a um uh hi. Hih thu na theih khit uh ciang nangawnin na lungsim uh na kheel nuam tuan kei uh a, na um kei veve uh hi.

Daniel 5:18

A Lianpen Pasian in na pa Nebukhadnezzar kumpi lianin koih a, zahtakna le vangliatna a pia hi.

Isaiah 26:10

Migilote tungah nangmah na migit hangin a manin gamtat ding theithei tuan lo uh a, lungsim thutang miteʼ gam sungah amaute in khialhna bawl lai veve uh hi. Amaute in Topa’ minliatna hong phawk nuam lo uh hi.

Late 119:46

Kumpiteʼ mai ah nangma thute ka gen dinga, maizumna ka thuak kei ding hi.

Isaiah 13:11

Leitung mite a tatsiatna hangun gim ka pia dinga, migilote a mawhna hangun gim ka thuaksak ding hi. Mi kihisakteʼ kiphatsakna beisiang sakin, a kisatheiteʼ kiliatsakna ka niamkhiat ding hi.

Isaiah 14:13

Nang in na lungsim sungah, ‘Vantungah ka kah to ding hi. A sangna mun, Pasianʼ aksiteʼ tung pekah ka kumpi tokhom ka koih dinga, leilu lam pek a kikhopna mual tungah ka tu ding hi.