Daniel 5:20 - Tedim Bible Revision 2017

²⁰ Ahih hangin amah a lung khauhin kiphasak a, gilo lua ahih manin a kumpi tokhom panin kila khia a, a minthanna a taan hi.

Tedim Bible

²⁰ Ahih hangin amah a lungkhauhin kiphasak a, gilo lua ahih manin a kumpi tokhom panin kilakhia a, a minthan’na a taan hi.

Daniel 5:20 Referans Kwoze

Hebru 3:13

Lai Siangtho in, “Tu ni,” a cih pen eite tungah zong hong cihna hi lai ahih manin mawhnaʼ khem sa-in ta-in na lungsim uh na khauhsak khak loh nadingun khatlekhat kihanthawnin na kihuh zaw un.

Jeremiah 13:18

Topa in kei kiangah, “Kumpipa le a nu kiangah, ‘Na kumpi tokhomte tung panun hong tuak suk un. Bang hang hiam cih leh na kumpi lukhute uh na lu tung uh panin kia khinzo hi,’ va ci in.

2 KHANG TANGTHU NIHNATE 36:13

Pasian tawh amah a kiciamsak kumpi Nebukhadnezzar zong amah in lehdo hi. Israel Pasian, Topaʼ kiang zuankik nuam lo a, zong kisik nuam loin a lung khauhsak hi.

2 KUMPI NIHNATE 17:14

Ahih hangin amaute in a thu ngai lo uh a, Topa a Pasian uh a um lo a pu a pate uh mah bangin lungsim khauh uh hi.

Paikhiatna 9:17

Ka mite tungah nang kiliansak lai-in amaute na paisak kei hi.

Paunak 16:18

Kisaktheihna in siatna hong tuaksak a, kiphatsakna in pukna hong piangsak hi.

Luka 18:14

Keʼn kong cih in ah, hih mipa pen Pasian tawh a kilem sa-in a inn ah ciah a, a khat pa pen tua bangin ciah lo hi. Bang hang hiam cih leh a kiliansakte pen kiniamkhiat suk dinga, a kiniamkhiatte pen a lianin kibawl ding hi,” a ci hi.

Jeremiah 19:15

“Vanglian Topa, Israel miteʼ Pasian in a cih in ah: En un, hih khuapi le a kiim a khuaneute tungah ka gen sa siatna khempeuh ka tungsak ding hi. Bang hang hiam cih leh amaute in a lungsim uh khauhsak uh a, ka thute a ngai nuam kei uh hi, ci hi,” ka ci hi.

Paunak 16:5

Topa in a kihisak mite mudah a, amaute in gimna thuak hamtang uh hi.

Daniel 4:37

Tu-in keimah Nebukhadnezzar in Vantung Kumpipa phatin, zahtakin a min ka thangsak hi. Ama bawlna khempeuh a man hi. Amah a tawntungin thuman a, a kiphasakin a gamtate a neusak hi,” a ci hi.

Ezekiel 30:6

“Leilu lam a om Migdol khuapi panin leitaw lam Siene khuapi dong, Egypt gam a hute khempeuh gal sungah si mang ding uh a, Egyptʼ kiphatsakpih a galkap teng si mang ding hi, ci-in Topa Pasian in ka gen khin hi.

Jeremiah 48:18

Dibon khua-a teeng mite aw, na minthanna uh mun sang panin hong kum suk unla, leivui lakah hong tu un! Bang hang hiam cih leh Moab hong sim dingte hong pai ta a, na kulhte uh hong suksiatsak zo uh hi.

Isaiah 47:1

Nungak a bang Babylon aw, hong pai suk inla, leivui lakah tu in. Nungak a bang Khaldea aw, tokhom om lohna leilak ah hong tu suk in! Bang hang hiam cih leh nang pen a moi milmel, a ngeek dikdek, hong kici nawn lo ding hi.

1 SAMUEL MASA 6:6

Egypt-te le Faro in a lungsim uh a khauhsak bangin bang hangin na lungsim uh khauhsak ding na hi uh hiam? Amah in amaute a mawlpih khit ciangin amaute in Israel mite paisakin, tua ciangin Israel mite kihem khia uh hi lo ahi hiam?

Paikhiatna 18:11

Topa pen pasian dang khempeuh sangin a liatzawkna tu-in ka thei hi. Bang hang hiam cih leh mite tungah kiphatsakna tawh Egypt mite a gamtat laitakin amah in Egypt miteʼ khutnuai panin mite khah khia hi,” a ci hi.

Ezekiel 31:10

“Tua ahih ciangin Topa Pasian keimah in hih bangin ka ci hi. Tua sing in meiipi a bat dongin khangto a, ahi zongin a san semsemna tawh kizui-in kiphasak semsem hi.

Daniel 8:8

Tua keeltal a thahatna hong khangto semsem a, ahih hangin a thahat pen laitakin a ki a kitan hi. Tua a ki pona munah a lamdang ki li hong po tokik a, mun tuamtuam a kawk hi.

Daniel 11:36

“Syria kumpipa a ut bangbangin a gamta ding hi. Amah in, pasian-te sangin ka lian zaw a, a Lianpen Pasian sangin zong ka thupi zaw lai hi, ci-in a kisathei ding hi. Pasian in amah gim a piak mateng tua bangin a om ding hi.

Paikhiatna 9:7

Faro in a en dingin mi sawl a, Israel-teʼ ganhing khat zong na si lo hi. Ahih hangin Faroʼ lungsim khauh lai a, amah in mite paisak lo hi.

2 KHANG TANGTHU NIHNATE 32:25

Ahih hangin a lungsim kiphasak ahih manin ama tungah phattuamna a kibawl zahin Topaʼ tungah Hezekiah in lungdam ko nuam lo hi. Tua ahih manin amah le Judah le Jerusalem tungah Topaʼ hehna hong tung hi.

Daniel 4:26

Vantungmi in singbul le a zungte lei sungah nusiat dingin thu a pia hi. Tua pen, Pasian in leitung khempeuh uk hi, cih na theih ciangin kumpi na suakkik ding hi, a cihnopna ahi hi.

Daniel 4:28

Hih thu teng khempeuh kumpi Nebukhadnezzarʼ tungah hong tung hi.