Daniel 5:18 - Tedim Bible Revision 2017

¹⁸ A Lianpen Pasian in na pa Nebukhadnezzar kumpi lianin koih a, zahtakna le vangliatna a pia hi.

Tedim Bible

¹⁸ Sangpen Pasian in na pa Nebukhadnezzar kumpi lianin koih a, zahtakna leh vangliatna a pia hi.

Daniel 5:18 Referans Kwoze

Daniel 4:17

Hih pen a vil, a patau vantungmiʼ thukhenna ahi hi. Tua ahih ciangin mun khempeuh ah a om mi khempeuhte in, a Lian Pasian in miteʼ kumpi gamah vai a hawm hi, cih a thei ding uh hi. Amah in a teel peuhpeuh a neu pente nangawn kumpi a suaksak thei ding hi,’ a ci hi.

Sawltak 26:19

“Tua bang hi a, kumpi Agrippa aw, ka maangmuhna sunga vantung pan a hong pai paʼ thugen ka mang hi.

Sawltak 26:13

Tua hi a, kumpipa aw, Damaskas khua ka tun ma sun laitakin kei leh ka tonpih miteʼ kiimah sun sangin a taang zaw khuavak khat vantung panin hong taangzaih hi.

Sawltak 7:48

Ahi zongin kamsang pa in, ‘Topa in hih bangin ci hi: Vantung pen keima tokhom hi a, leitung zong ka khengakna mun ahi hi. Kei ading bang biakinn hong lamsak thei dinga, ka om nading koi lai mun hi thei ding ahi hiam? Hih nate khempeuh keima bawl sa hi lo ahi hiam, ci hi,’ ci-in a gen mah bangin mihingteʼ lam sa inn sungah a Lianpen Pasian a teeng hi lo hi.

Daniel 6:22

Pasian in a vantungmi hong sawl a, ka liam loh nadingin humpi-nelkaiteʼ kam a humcipsak hi. Kumpipa aw, mawhna ka bawl loh lam leh, nang tungah zong khialhna ka bawl lohna amah in hong thei ahih manin tua bangin a hong bawl hi,” a ci hi.

Daniel 4:32

Mite lak pan hong kihawl khia dinga, gamsate tawh na teeng khawm ding hi. Bawngtal bangin kum sagih sung lopa na ne ding hi. Tua ciangin, Pasian in mihingteʼ kumpi gam uk a, a teel mi peuhpeuh kumpi a suaksak thei hi, na ci ding hi,” a ci hi.

Daniel 4:2

A Lianpen Pasian in kei tungah lim le nalamdang a hong lahna thute kong gen nuam hi.

Kah la 3:38

Ama thupiakna bangin a sia ahi a, a pha ahi zongin a piang ahi hi.

Kah la 3:35

Mite in Pasian thusim loin, i hamphatnate hong paih khiatsakin,

Jeremiah 27:7

Ama gam a kisiat hun a tun mateng gam khempeuh in amah a kipan a tapa le a tupaʼ na a sepsak ding uh hi. Tua khit ciangin gam tampi le kumpi liante in amah salin a leh neihkik ding uh hi.

Late 47:2

Bang hang hiam cih leh Topa, a Sangpen pa, dipkuathuai a, leitung khempeuh a uk kumpi lian khat ahi hi.

Late 9:2

Nangma hangin nuamin ka diang dinga, na minphatna ka sa ding hi, Sangpen pa aw.

Late 7:17

Keʼn ahihleh, ama dikna om bangin Topaʼ tungah lungdamna ka lak dinga, a Sangpen Topaʼ minphatna la ka sak ding hi.

Thu-hilhkikna 32:8

Sangpen pa in minam dangte tungah amauʼ gamh pia a, mihingte a ten nading mun a seh ciangin vantungmi a phazah tawh a kizui-in miteʼ gamgi a phut hi.

2 KUMPI NIHNATE 25:28

Amah in migitna kam tawh amah hopih a, Babylon sunga amah tawh a om kumpi a mat dangte khempeuh sangin a sang zaw-in amah a pahtawi hi.

Jeremiah 25:9

en un, leilu lam a om minam khempeuhte le ka nasem pa ahi Babylon kumpipa Nebukhadnezzar ka vaikhak dinga, hih gam le a sunga a teeng mi khempeuh le hih kiim a om gam khempeuh a sim dingin ka va la ding hi. Keimah in amaute ka susia mangkhin dinga, amaute a tawntungin siacipin simmawhna ka thuaksak ding hi, ci-in Topa in kong gen hi.

Jeremiah 27:5

‘Keimah in a lian mahmah ka vangliatna tawh ka khut zanin, leitung le leitung a om mite le ganhingte ka bawl a, piak tuak ka sakte tungah ka pia hi.

Ezekiel 31:11

Tua ahih manin tua singkung ka deih nawn kei hi. Gamdang kumpi khatʼ khut sungah ka pia dinga, ama thuak dingin a kilawm bangin tua kumpipa in a bawl ding hi.

Daniel 4:34

Tua ciangin kumpipa in, “A kiseh sa hun a cin ciangin keimah Nebukhadnezzar in vantung lam ka en to a, khua ka phawkkik hi. A nungta tawntung a Lianpen Pasianʼ min phatin, zahtakna le minthanna ka pia hi. “Amah in a tawntungin uk dinga, ama gam kip tawntung ding hi.

Daniel 5:21

Mihingte lak panin amah kihawl khia a, ganhing lungsim a nei hi. Gam sakolte tawh teeng khawmin, bawngtal bangin lopa ne a, daitui dal ding nei loin a pua lamah a lum hi. A tawpkhakna ah a Lianpen Pasian in mihingteʼ kumpi gamte uk a, a teel peuhpeuh kumpi suak hi, ci-in a phawk thei hi.

Daniel 4:19

Tua ciangin Belteshazzar zong a kici Daniel lungmang lua ahih manin tawmvei sung bangmah gen thei loin a om hi. Kumpipa in, Belteshazzar aw, mang le a khiatna huhau-in na lung mangsak zenzen kei in, a ci hi. Belteshazzar in, Kumpipa aw, nang mangmat le a khiatna pen na galte tungah tung zaw hen, a ci hi.