Daniel 5:17 - Tedim Bible Revision 2017

¹⁷ Daniel in kumpipa kiangah, “Letsong pen kei hong pia kei inla, midang khatpeuh pia zaw in. Ahi zongin tua lai kigelh hong simsakin a khiatna kumpipa kong hilh ding hi.

Tedim Bible

¹⁷ Daniel in kumpipa kiangah, “Letsong pen kei hong pia kei in la, midang khatpeuh pia zaw in. Ahi zongin tua lai kigelh kong simsak ding a, a khiatna kumpipa kong hilh ding hi.

Daniel 5:17 Referans Kwoze

2 KUMPI NIHNATE 5:16

Ahih hangin amah in, “A na ka sep Topa a nungta ahih mah bangin, bangmah kong sang kei ding hi,” a ci hi. Tua ciangin amah in a lak nading kunh teitei a, ahih hangin amah in nial veve hi.

Piancilna 14:23

Nangmah in, ‘Abram ka hausak hi,’ ci kha ding na hih manin mimkhau ahi a, khedap khau ahi a, nangma aʼ ahi na khat peuhpeuh ahi zongin ka la kei ding hi.

Sawltak 8:20

Ahi zongin Peter in, “Pasianʼ piakkhong na pen sum tawh lei theih dingin ngaihsun na hih manin na sum teng tawh si khawm in.

Daniel 5:29

Tua ciangin Belshazzar in Daniel pen kumpi puansan a silhsak dingin thu pia pah a, minphatna khamkhi a ngawng ah a oksak hi. A gam sungah a za lian thum nadingin a koih hi.

Daniel 2:6

Ahi zongin ka mangmat le a khiatna nong gen theih uh leh, letsong le minphatna lianpi kong pia ding hi. Tua ahih ciangin tu-in ka mangmat bang hi a, a khiatna bang ahi hiam cih hong gen un,” a ci hi.

Late 119:46

Kumpiteʼ mai ah nangma thute ka gen dinga, maizumna ka thuak kei ding hi.

2 KUMPI NIHNATE 5:26

Ahih hangin Elisha in ama kiangah, “Nangmah a dawn dingin a leeng tung panin mipa a kihei laitakin nang tawh ka kha om khawm hi lo ahi hiam? Sum le puante, oliv huante le leenggui lote, tuute le bawngtalte, nasem numeite le nasem pasalte san ding hun ahi hiam?

2 KUMPI NIHNATE 3:13

Tua ciangin Elisha in Israel kumpipa kiangah, “Nang tawh bang kisai ka hi hiam? Na nuʼ kamsangte le na paʼ kamsangteʼ kiangah pai in,” a ci hi. Ahih hangin Israel kumpipa in ama kiangah, “Hi lo hi; Moabʼ khut sungah hong piak dingin ko kumpi thumte a hong sam pa pen Topa ahi hi,” a ci hi.