Daniel 5:11 - Tedim Bible Revision 2017

¹¹ Na gam sungah Pasianʼ kha a nei mi khat a om hi. Na pa kumpi ahih laitakin, tua mipa in pasian-teʼ pilna tawh a kibang pilna, theihna le lungsim navakna a nei hi. Tua hi a, kumpi ahi na pa Nebukhadnezzar in tua pa pen aisan theite, mitphial siamte, khongkhai siamte le aksi et siamteʼ ukpi dingin a koih hi.

Tedim Bible

¹¹ Na gam sungah a siangtho pasiante’ kha a nei mi khat a om hi. Na pa kumpi ahih lai takin, tua mipa in pasiante’ pilna tawh a kibang pilna, theihna leh lungsim navakna a nei hi. Tua hi a, na pa Nebukhadnezzar kumpipa in tua pa aisan theite, mitphial siamte, khongkhai siamte leh aksi et siamte’ ukpi dingin a koih hi.

Daniel 5:11 Referans Kwoze

Daniel 4:18

“Belteshazzar aw, keimah Nebukhadnezzar Kumpipa in ka mangmat pen hih bang ahi hi. Tu-in a khiatna hong gen in. Ka thudot mite khat beek a khiatna a hong gen thei a om kei uh hi. Ahi zongin nangʼ sungah Pasianʼ kha om ahih manin na hong gen thei ding hi,” a ci hi.

Daniel 5:14

Nangma sungah Pasianʼ kha om ahih manin siamna nei-in, lungpilna le theihna na neih lam ka thei hi.

Mangmuhna 3:9

Jew mi hi lo napi-in Jew mi hi ung, ci-in zuau a gen Satanʼ pawlte, noteʼ mai ah hong paisakin na khephung uh ah ka boksak dinga, note ka hong itna thu amaute ka theisak ding hi.

Sawltak 12:22

Mite in a thugen a zak uh ciangin, “Hih thugen pen mihing hi loin pasian ahi hi,” ci-in a awng uh hi.

Daniel 2:11

Kumpipaʼ thudotna pen haksa lua mahmah ahih manin, mihing ahi lo pasian-te longal a gen thei ding kuamah om lo hi,” a ci uh hi.

2 SAMUEL NIHNA 14:17

Na nasem nu in, ‘Ka to kumpipaʼ kammal in nopsakna hong pia ding hi,’ ci-in ngaihsun hi; bang hang hiam cih leh ka to kumpipa pen a pha le a sia a khen thei dingin Pasianʼ vantungmi tawh kibang hi. Topa na Pasian in nang hong ompih tahen!” a ci hi.

Sawltak 16:16

Ni khat, thungetna mun a zuan dingin ka pai laitakun mailam thu a gen thei dawivei nasem numei khat in kote hong dawntuah hi. Tua numei in mailam thu a genna tawh a tote adingin sum tampi a ngahsak hi.

Sawltak 14:11

Mihonte in Paulʼ nasepna a muh uh ciangin amauʼ Likaonia pau tawh, “Mihing mel pua-in pasian-te i kiangah hong pai hi,” ci-in a kiko uh hi.

Piancilna 41:38

Faro in a nasemte kiangah, “Ama sungah Pasian Kha a omna, hih bang midang mu ding ihi hiam?” a ci hi.

Ezekiel 28:3

Daniel sangin pil na kisa zaw a, theih loh a nei loin na kingaihsun kha hi.

Daniel 1:4

Tua mite, kumpi inn sunga nasem siamte a suah theih nadingun a melhoih, pumpi tung poina a nei lo, a navak, hoihtakin pilna a kisinsak, na a thei baih, a lungsim navak ngentang ding ahi hi. Ashpenaz in amaute Babylon lai le a pau a hilh ding ahi hi.

Daniel 2:22

Amah in thuthukpite le thusimte a lak khia hi. Amah in khuamial sunga kiseelte thei a, khuavak in amah a umcih hi.

Daniel 5:7

Amah in mitphial siamte, aisan siamte, aksi et siamte va sam pak un, ci-in a kiko hi. Tua mite a hong tun uh ciangin kumpipa in, “Hih lai kigelh a sim thei, a khiatna a hong gen thei peuhmah kumpi puanpi silhsakin, minphatna khamkhi a ngawng ah ka oksak dinga, kumpi gam sungah a za lian a thumna-in ka koih ding hi,” a ci hi.

Ezekiel 28:4

Na pilna le na siamna tawh ngun le kham tampi na nei hi.

Daniel 4:5

Ahih hangin ka ihmut laitakin a lauhuai mang khat ka man a, a dipkuathuai maang ka mu hi.

Daniel 4:6

Ka mangmat a khiatna a hong hilh dingin Babylon gam kumpi thudotte khempeuh a hong pai nadingun thu ka pia hi.