Daniel 4:5 - Tedim Bible Revision 2017

⁵ Ahih hangin ka ihmut laitakin a lauhuai mang khat ka man a, a dipkuathuai maang ka mu hi.

Tedim Bible

⁵ Ahih hangin ka ihmut lai takin a lauhuai mang khat ka man a, a dipkuat huai mang ka mu hi.

Daniel 4:5 Referans Kwoze

Daniel 2:1

Nebukhadnezzar kumpi a suah zawh a kum nihna kumin mang khat a man hi. A lungsim patau lua mahmah ahih manin a ihmu thei kei hi.

Daniel 7:28

Hih tangthu a beina hi ta hi. Hih thu ka ngaihsut ciangin keimah Daniel ka lau mahmah a, ka mel a daang gawp hi. Ahih hangin hih thu keima lungsim sung bekah ka koih hi.

Daniel 5:10

Kumpipa le a mi liante gamlum ngeingai-in a om laitakun, pawi inn sungah kumpinu hong lut a, “Kumpipa aw, sau veipi nungta in. Bang hangin lungkham lua-in na mai daangsak zenzen na hi hiam?

Piancilna 41:1

Tua zawh kum nih bit khit ciangin Faro in mang man a, amah Nail gun gei ah ding hi.

Daniel 2:3

Amaute hong pai-in kumpipa mai ah a din uh ciangin kumpipa in, “Mang khat ka man a, tua ka mang pen bang hiam cih thei nuam ka hih manin ka lungsim a patau mahmah hi,” a ci hi.

Daniel 4:10

“Ka ihmut laitakin maangmuhna khat ka nei a, leitung laizang ah a po singkung sang mahmah khat ka mu hi.

Daniel 4:13

“Ka maangmuhna ngaihsunin ka om laitakin ka khuadak leh a vil, a patau vantungmi khat vantung pan a hong tuak suk ka mu hi.

Daniel 4:19

Tua ciangin Belteshazzar zong a kici Daniel lungmang lua ahih manin tawmvei sung bangmah gen thei loin a om hi. Kumpipa in, Belteshazzar aw, mang le a khiatna huhau-in na lung mangsak zenzen kei in, a ci hi. Belteshazzar in, Kumpipa aw, nang mangmat le a khiatna pen na galte tungah tung zaw hen, a ci hi.

Daniel 7:1

Belshazzar, Babylon kumpi a suah zawh a kum masa kumin keimah Daniel in mang khat ka man a, zanin maang ka mu hi. Ka mangmat lai-in ka gelh a, tua zan a ka maangmuhnate ka ciaptehna hih bang ahi hi:

Daniel 1:7

Innsung maang lian pen pa in amaute min thak phuah a, Danielʼ min dingin Belteshazzar, Hananiahʼ min dingin Shadrak, Mishaelʼ min dingin Meshak, Azariahʼ min dingin Abednego a phuak hi.

Daniel 4:15

Ahih hangin a bul le lei sung a a zungte nusia in. Sik le sumngo kual tawh vial inla, gamlak lopate tawh nusia khawm in. Hih mipa tungah daitui kai henla, ganhingte le lopate tawh om khawm hen.

Daniel 5:11

Na gam sungah Pasianʼ kha a nei mi khat a om hi. Na pa kumpi ahih laitakin, tua mipa in pasian-teʼ pilna tawh a kibang pilna, theihna le lungsim navakna a nei hi. Tua hi a, kumpi ahi na pa Nebukhadnezzar in tua pa pen aisan theite, mitphial siamte, khongkhai siamte le aksi et siamteʼ ukpi dingin a koih hi.