Daniel 4:4 - Tedim Bible Revision 2017

⁴ “Keimah Nebukhadnezzar lungnuam takin kumpi inn ah ka teeng a, nuamsa mahmah in ka om hi.

Tedim Bible

⁴ “Keimah Nebukhadnezzar in dai takin kumpi innah ka teeng a, nuamsa mahmahin ka om hi.

Daniel 4:4 Referans Kwoze

Zefaniah 1:12

“Tua laitakin Jerusalem khua sung meivak tawh ka zong dinga, thuphawk loin, a ngeina bangun omcip a, ‘Topa in a pha hitaleh a sia hitaleh bangmah bawl ngei lo hi,’ a ci mite, gim ka pia ding hi.

Ezekiel 29:3

Topa Pasian in hih bangin gen hi, ci-in Egypt kumpipa kiangah gen in: “Gun sungah a om Awle lianpi ahi, nang Egypt kumpipa aw, kei pen nangma lang ka hi hi. Nail Gunpi, nangma aʼ in na gen a, nangma bawl sa-in na ngaihsun hi.

Ezekiel 28:17

Na melhoihna na kisaktheih pih kha a, na minthanna in nang hong hai tatsak hi. Leilak ka hong denna a, kumpi dangte hilhkholhna in nang ka hong koih hi.

Jeremiah 48:11

Moab gam a neu lai a kipanin nuam takin a om den ahi hi. Gam dangah kipaikhiat pih ngei lo a, thawl khat pan thawl khat ah a kitei kawikawi leenggahzu tawh kibang lo hi. A limna kilamdang ngei lo a, a gimnam zong kikheel ngei lo hi.

Isaiah 56:12

Amaute in, “Hong pai un, leenggahzu nene ni; khamtheih zu dawndawn ni. Zing ciangin zong tu ni sangin nuam zaw lai ding hi,” a ci uh hi.

Daniel 4:19

Tua ciangin Belteshazzar zong a kici Daniel lungmang lua ahih manin tawmvei sung bangmah gen thei loin a om hi. Kumpipa in, Belteshazzar aw, mang le a khiatna huhau-in na lung mangsak zenzen kei in, a ci hi. Belteshazzar in, Kumpipa aw, nang mangmat le a khiatna pen na galte tungah tung zaw hen, a ci hi.

Daniel 2:11

Kumpipaʼ thudotna pen haksa lua mahmah ahih manin, mihing ahi lo pasian-te longal a gen thei ding kuamah om lo hi,” a ci uh hi.

Daniel 5:8

Kumpipaʼ thudot mite hong tung uh a, ahih hangin tua lai a sim thei le kumpipa tungah a khiatna a gen thei kuamah a om kei uh hi.