Daniel 4:36 - Tedim Bible Revision 2017

³⁶ “Ka khuatheihna a hong tunkik ciangin ka kumpi za, ka minthanna le ka gam minthannate a hong kipiakik hi. Ka mi liante le ka thudot mite in hong muak uh a, nidang sangin a lian zaw minthanna le ka kumpi za a hong kipiakik hi.

Tedim Bible

³⁶ Ka khua theihna a hong tun’ kik ciangin ka kumpi-za ka minthan’na leh, ka gam minthan’nate a hong kipia kik hi. Ka u liante leh ka thudot mite in hong muak uh a, nidang sanga lianzaw minthan’na leh ka kumpi za a hong kipia kik hi.

Daniel 4:36 Referans Kwoze

Daniel 4:34

Tua ciangin kumpipa in, “A kiseh sa hun a cin ciangin keimah Nebukhadnezzar in vantung lam ka en to a, khua ka phawkkik hi. A nungta tawntung a Lianpen Pasianʼ min phatin, zahtakna le minthanna ka pia hi. “Amah in a tawntungin uk dinga, ama gam kip tawntung ding hi.

Paunak 22:4

Kiniamkhiat-a Topa zahtakna thaman in hauhna, minthanna, le khansauna ahi hi.

Mattiu 6:33

Thudang khempeuh sangin Pasianʼ ukna le ama deihna na zuih theih nading uh thupi ngaihsut masa zaw un. Tua hileh hih na kisapna dangte khempeuh uh zong hong pia thuah veve ding hi.

Daniel 4:32

Mite lak pan hong kihawl khia dinga, gamsate tawh na teeng khawm ding hi. Bawngtal bangin kum sagih sung lopa na ne ding hi. Tua ciangin, Pasian in mihingteʼ kumpi gam uk a, a teel mi peuhpeuh kumpi a suaksak thei hi, na ci ding hi,” a ci hi.

2 KORIN NIHNA 4:17

Tu hun laitakin tomno sung lungkhamna ka thuakte uh in ka thuakna uh sangin nakpi takin a lian zaw tawntung minthanna sung hong tunpih ding hi.

JOB (Job) 13:12

Na thugente uh vut khu bang hi lel a, na siksante uh leivui bang hi lel hi.

1 SAMUEL MASA 2:30

Tua ahih ciangin Israel-teʼ Pasian, Topa in thu hong genin: ‘Nangma innkuan le na behte keima mai ah sung tumin pusuak tawntung ding hi, ci-in thu ka ciam sa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi dinga, kei hong simmawhte ka simmawh ding hi.

Daniel 2:31

“Kumpipa aw, na mangin a tee daldal milim lian mahmah khat na mu a, kihtakhuai mahmah in na mai ah a ding hi.

Daniel 4:22

Kumpipa aw, nang pen tua singkung na hi hi. Nang na lian a, na thahat hi. Nakpi takin khangin lian mahmah na hih manin vantung dong na ban to a, leitung khempeuh ah na vangliatna kizel hi.