Daniel 4:34 - Tedim Bible Revision 2017

³⁴ Tua ciangin kumpipa in, “A kiseh sa hun a cin ciangin keimah Nebukhadnezzar in vantung lam ka en to a, khua ka phawkkik hi. A nungta tawntung a Lianpen Pasianʼ min phatin, zahtakna le minthanna ka pia hi. “Amah in a tawntungin uk dinga, ama gam kip tawntung ding hi.

Tedim Bible

³⁴ A kisehsa hun a cin’ ciangin keimah Nebukhadnezzar in vantung lam ka ento a, ka khua theihna a hong tungkik hi. A nungta tawntung Sangpen Pasian’ min phatin, zahtakna leh minthan’na hih bangin ka pia hi: “Amah in a tawntungin uk ding a, a gam in a kip tawntung ding hi.

Daniel 4:34 Referans Kwoze

Mangmuhna 4:10

nungta tawntungin tokhom tungah a tupa mai ah tua upa sawm nih le lite zong bokin amah bia uh a, tua tokhom mai ah a lukhute uh lawnin, la sa uh a,

Daniel 12:7

Puan pak silhpa in a khut tegel vantung lamah laam to-in, Tawntung Pasianʼ min tawh thuciamna a bawl hi. Amah in, “Kum thum le alang hi ding hi. Pasianʼ mite a kibawlsiatna a bei ciangin hih thute khempeuh hong piang ding hi,” ci-in a gen ka za hi.

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo dinga, tua gam in gamdang khempeuhte zo gawpin a kip tawntung ding hi.

Jeremiah 10:10

Ahih hangin Topa pen Pasian man hi a, amah pen a nungta Pasian le tawntung kumpipa ahi hi. A heh ciangin lei kiliing a, gamte in a hehna nang zo lo hi.

Late 145:13

Nangma kumpi gam pen a kip tawntung kumpi gam hi a, nangma ukna khang tawntungin a kip hi. A thuciamna khempeuh ah Topa thutak mahmah a, a gamtatna khempeuh ah zong hehpihna a nei ahi hi.

Daniel 6:26

Ka gam sunga om mi khempeuh in Danielʼ Pasian kihta-in a zahtak nadingun thu ka pia hi. “Bang hang hiam cih leh amah a nungta Pasian hi a, a tawntungin a uk ding hi. Ama gam kisia ngei lo dinga, a vangliatna a bei ngei kei ding hi.

Daniel 4:32

Mite lak pan hong kihawl khia dinga, gamsate tawh na teeng khawm ding hi. Bawngtal bangin kum sagih sung lopa na ne ding hi. Tua ciangin, Pasian in mihingteʼ kumpi gam uk a, a teel mi peuhpeuh kumpi a suaksak thei hi, na ci ding hi,” a ci hi.

Luka 1:33

Jakob suanlekhakteʼ kumpi hi paisuak dinga, ama ukna bei hun cih omngei lo ding hi,” a ci hi.

Daniel 5:21

Mihingte lak panin amah kihawl khia a, ganhing lungsim a nei hi. Gam sakolte tawh teeng khawmin, bawngtal bangin lopa ne a, daitui dal ding nei loin a pua lamah a lum hi. A tawpkhakna ah a Lianpen Pasian in mihingteʼ kumpi gamte uk a, a teel peuhpeuh kumpi suak hi, ci-in a phawk thei hi.

Daniel 4:26

Vantungmi in singbul le a zungte lei sungah nusiat dingin thu a pia hi. Tua pen, Pasian in leitung khempeuh uk hi, cih na theih ciangin kumpi na suakkik ding hi, a cihnopna ahi hi.

1 TIMOTI MASA 6:16

Tua i Pasian bek mah a si thei lo hi a, khuavak pha mahmah sungah om ahih manin kuamah in a kiang neh thei lo hi. Kuamah in amah mu ngei lo a, zong mu thei lo hi. A tawntungin amah kipahtawi henla, vanglian tawntung tahen. Amen.

Micah 4:7

Amaute, a cimawhin gamlapi ah om uh a, ahi zongin keimah in amaute pansa kikin, minam vanglian khatin ka bawlkik ding hi. Tua hun a kipan a tawntungin Zion mual panin amaute ka uk paisuak ding hi.

Daniel 4:3

“Pasianʼ hong lah nalamdangte, bangzahin lian ahi hiam? A bawl nalamdangte, bangzahin vanglian ahi hiam? A tawntungin Pasian kumpi hi dinga, amah in a tawntungin a uk paisuak ding hi.

Kah la 3:38

Ama thupiakna bangin a sia ahi a, a pha ahi zongin a piang ahi hi.

Isaiah 24:15

Nisuahna lam a om mite in Topa phat ding uh hi. Tuipi dunga teeng mite in Topa, Israel-teʼ Pasian phat ding uh hi.

Late 146:10

Zion aw, nangma Pasian Topa in khang tawntungin uk ding hi. Topa phat un.

Late 123:1

Vantungah a om pa aw, nangmah kong en to hi.

Late 121:1

Keimah in mual tung lam ka en to hi. Keimah huhna koi lai pan hong pai ding ahi hiam?

Late 107:31

Ama itna kip le mihing tate tungah a lamdang a sepnate hangin amaute in Topa tungah lungdamna ko ta uh hen.

Late 102:24

Keimah in, “Khang tawntungin a kip ka Pasian aw, hong khansihsak kei in,” ka ci hi.

Late 92:1

Sangpen pa aw, Topa tungah lungdamna lah ding, nangma minphatna la sak dingin kilawm a, zang sawm khausai lasakna le harp lasakna, laiza lasaknate tumin, zingsangin nangma itna kip, zanin na thumanna genkhiat dingin a kilawm ahi hi.

Late 10:16

Topa, a tawntungin kumpi hi a, ama leitang panin minam dangte bei mang ding hi.

Mangmuhna 11:15

Tua ciangin a sagihna vantungmi in a peengkul hong tum a, vantungah nakpi takin aw hong ging a, “Leitung uk nading aana neihna pen i Topa Khris aʼ hong suak khin a, amah in a tawntungin uk paisuak ding hi,” hong ci hi.

1 TIMOTI MASA 1:17

Amah bek Pasian ahi, a kimu thei lo, a si ngei lo, tawntung Kumpipa in minthanna le pahtawina ngah tawntung tahen. Amen.

Johan 5:26

Pa in nuntakna a piak theih mah bangin Tapa in zong a piak theih nadingin Pa in a bawl hi.

Luka 18:13

Ahi zongin siahdongpa pen a gamla simah dinga, vantung lamah zong dak ngam loin a dip humin kuncip a, ‘Pasian aw, kei mimawh mi khial pa hong hehpih in,’ ci-in a ngen hi.

Daniel 7:14

Amah in vangliatna, minthanna le kumpi za ngah ahih manin minamkimte, minam tuamtuamte, pau nam tuamtuamte khempeuh in ama na a sem ding uh ahi hi. Amah in a tawntungin uk dinga, a kumpi gam a bei ngei kei ding hi.

Late 107:22

Lungdam koh piaknate pia-in ama nasepnate lungdam la tawh amaute gensak un.

Late 107:15

Ama itna kip le mihing tate tungah a lamdang a nasepnate hangin amaute in Topa tungah lungdamna ko ta uh hen.

Late 107:8

Ama itna kip le mihing tate tungah a lamdang ama sepnate hangin amaute in Topaʼ tungah lungdamna ko ta uh hen.

Late 50:14

Lungdam biakpiakna Pasian tungah pia unla, Sangpen pa tungah na thuciamnate uh bawl un.

Late 9:2

Nangma hangin nuamin ka diang dinga, na minphatna ka sa ding hi, Sangpen pa aw.

Late 7:17

Keʼn ahihleh, ama dikna om bangin Topaʼ tungah lungdamna ka lak dinga, a Sangpen Topaʼ minphatna la ka sak ding hi.

JOB (Job) 1:21

Tua ciangin amah in, “Ka nu sung panin guaktangin ka suak a, guaktang mahin ka ciahkik ding hi. Topa in hong pia a, Topa mah in hong lakik hi. Topaʼ min kiphat tahen,” a ci hi.

Mangmuhna 10:6

a nungta tawntung, vantung le a sunga om khempeuh, leitung le a sunga om khempeuh le tuipi le a sunga om khempeuh a bawl Pasianʼ min tawh kiciam a, “Tu-in zekai nawn het lo ding hi.

Mangmuhna 4:9

Tua ganhingte in a nungta tawntung, tokhom tungah a tupa tungah a lungdamna uh ko-in pahtawi-in a phat simun

Daniel 4:2

A Lianpen Pasian in kei tungah lim le nalamdang a hong lahna thute kong gen nuam hi.

Daniel 4:36

“Ka khuatheihna a hong tunkik ciangin ka kumpi za, ka minthanna le ka gam minthannate a hong kipiakik hi. Ka mi liante le ka thudot mite in hong muak uh a, nidang sangin a lian zaw minthanna le ka kumpi za a hong kipiakik hi.

Daniel 5:18

A Lianpen Pasian in na pa Nebukhadnezzar kumpi lianin koih a, zahtakna le vangliatna a pia hi.

Daniel 7:27

“Hih leitung kumpi gam, vangliatna le liatna khempeuh a Lianpen Pasianʼ mite tungah a kipia ding hi. Amauʼ kumpi za cikmah hunin bei ngei lo dinga, leitung ukna za a nei khempeuhte in a thu uh mangin amauteʼ na a sem ding uh hi,” hong ci hi.

Jonah 1:14

Tua ahih ciangin Topaʼ kiangah amaute kiko-in, “Topa aw, hih mipa ka sihsak manun kote hong sisak kei inla, mi that hi, ci-in hong ngawh kei ta in, ci-in kong thum uh hi; bang hang hiam cih leh Topa aw, nangmah in pha na sak banga na bawl ahi hi,” ci-in thu a ngen uh hi.

Thu-hilhkikna 32:4

“Eiteʼ belh Topa, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

2 SAMUEL NIHNA 22:31

“Hih Pasian a thu kicing a, Topaʼ kamciamna a manna kilang hi. Amah a beelte khempeuh adingin kidalna lum ahi hi.

1 KHANG TANGTHU MASATE 29:10

Tua ahih ciangin a kikhawmte khempeuhʼ omna ah David in Topa phat hi. David in, “Nang, Topa, ka pu uh Israel Pasian aw, a tawntungin thupha ngah ta in.

1 KHANG TANGTHU MASATE 29:13

Tu-in nangma tungah ka nuam uh hi, koteʼ Pasian aw, a minthang na min ka phat uh hi.

Late 66:7

Ama thahatna tawh a uk ngitnget pa, ama mit tawh minamte a encik ngitnget pa, mi lehdote in langpan kei uh hen.

Late 111:7

Ama nasepnate khempeuh ah amah thumanin citak a, a thupiaknate muantaak mahmah hi.

Isaiah 2:11

Miteʼ kiliatsakna pen kiniamkoih dinga, mihingteʼ kiphatsakna pen kiniamkhiat ding hi. Tua ni ciangin Topa bek a lianin kikoih ding hi.

Isaiah 13:11

Leitung mite a tatsiatna hangun gim ka pia dinga, migilote a mawhna hangun gim ka thuaksak ding hi. Mi kihisakteʼ kiphatsakna beisiang sakin, a kisatheiteʼ kiliatsakna ka niamkhiat ding hi.

Daniel 9:14

Topa Pasian aw, nangmah in kote gim a pia dingin nong kithawi a, na hong pia takpi hi. Bang hang hiam cih leh na hihna khempeuh a thuman hi a, kote in na thu ka hong mang kei uh hi.