Daniel 4:31 - Tedim Bible Revision 2017

³¹ Tua thute a kam sung pan a pusuah ma-in vantung panin aw khat hong ging a, “Kumpi Nebukhadnezzar aw, ka thugen na ngai in. Na kumpi gam hong kilak khiatsak zo hi.

Tedim Bible

³¹ Tua thute a kamsung pan a pusuah ma-in vantung panin aw khat hong ging a, “Nebukhadnezzar kumpipa aw, ka thu gen na ngai in. Na kumpigam a hong kilakkhiat sak zo hi.

Daniel 4:31 Referans Kwoze

Mangmuhna 16:7

Tua ciangin biakna tau panin aw khat hong ging a, “A Vanglian Topa Pasian aw, na thukhennate thumanin thutang hi,” a cihna ka za hi.

Luka 12:20

Ahi zongin Pasian in ama kiangah, ‘Mihai pa aw, tu zan mahmah in na si ding hi. Hih na neihsa teng kuaʼn zang nawn ding ahi hiam?’ ci hi,” a ci hi.

Mattiu 3:17

Tua sung mahin vantung panin aw khat hong ging a, “Hih pen ka it mahmah ka Tapa hi a, ama tungah ka lungkim mahmah hi,” a hong ci hi.

1 THESALONIKA MASA 5:3

Mite in, “Thu khempeuh a hoih laitak hi a, bangmah patauh nading om lo hi,” a cih laitakin thakhat thu-in amaute tungah siatna hong tung vat ding hi. Nausuah natna bangin gimna thuak ding uh a, kuamah suakta lo ding uh hi.

Johan 12:28

Pa aw, nangma min thangsak ta in,” a ci hi. Tua ciangin vantung panin aw khat hong ging a, “Ka thangsak zo a, khatvei ka thangsakkik ding hi,” a ci hi.

Daniel 5:28

Parsin pen kikhen cihna hi a, na gam kikhen khamin Media le Persia-te a kipia zo hi, a cihna ahi hi,” a ci hi.

Daniel 4:34

Tua ciangin kumpipa in, “A kiseh sa hun a cin ciangin keimah Nebukhadnezzar in vantung lam ka en to a, khua ka phawkkik hi. A nungta tawntung a Lianpen Pasianʼ min phatin, zahtakna le minthanna ka pia hi. “Amah in a tawntungin uk dinga, ama gam kip tawntung ding hi.

Daniel 4:24

Kumpipa aw, a khiatna pen hih bang ahi hi. A Lian Pasian in nang tungah a hong tung ding a thukhennasa a hong lak ahi hi.

JOB (Job) 20:23

Amah in a duhduh ne mai hen! Pasian in hehna tawh amah gim pia ngawn ding hi.

1 SAMUEL MASA 15:23

Bang hang hiam cih leh lehdona pen ai san mawhna bangmah hi a, lungkhauhna pen mawhna le milim biakna mah a bang ahi hi. Nangmah in Topaʼ thu nial khin na hih manin, amah in zong kumpi hihna pan nang hong nolh khin hi,” a ci hi.

1 SAMUEL MASA 13:14

Ahih hangin tu-in na ukna kizom suak lo dinga, Topa in ama lungsim bangin mi khat zong khin hi. Topa in nang hong thupiak zui lo na hih manin ama mite tungah ulian dingin Topa in amah seh khin hi,” a ci hi.

Paunak 29:23

A kiphasakte in niamkhiatna thuak dinga, a kiniamkhiatte in pahtawina ngah ding hi.

Isaiah 14:27

Vanglian Topa in ngim khin ahih manin kua in phiat zo ding ahi hiam? Ama khut kizan khin ahih manin kua in kaitonkik zo ding ahi hiam?

Daniel 4:26

Vantungmi in singbul le a zungte lei sungah nusiat dingin thu a pia hi. Tua pen, Pasian in leitung khempeuh uk hi, cih na theih ciangin kumpi na suakkik ding hi, a cihnopna ahi hi.

Daniel 4:30

Babylon khua bangzah takin lian ahi hiam? Kumpi khuapi ding le, ka vangliatna ka thahatna a kilat nadingin ka lam ahi hi, a ci hi.

Daniel 4:32

Mite lak pan hong kihawl khia dinga, gamsate tawh na teeng khawm ding hi. Bawngtal bangin kum sagih sung lopa na ne ding hi. Tua ciangin, Pasian in mihingteʼ kumpi gam uk a, a teel mi peuhpeuh kumpi a suaksak thei hi, na ci ding hi,” a ci hi.

Daniel 5:20

Ahih hangin amah a lung khauhin kiphasak a, gilo lua ahih manin a kumpi tokhom panin kila khia a, a minthanna a taan hi.

Piancilna 14:18

Tua ciangin Jerusalem kumpipa Melkhizedek in an le leenggahzu hong pusuah hi. Amah pen Sangpen Pasianʼ siampi zong ahi hi.

Late 145:13

Nangma kumpi gam pen a kip tawntung kumpi gam hi a, nangma ukna khang tawntungin a kip hi. A thuciamna khempeuh ah Topa thutak mahmah a, a gamtatna khempeuh ah zong hehpihna a nei ahi hi.

Daniel 6:27

Amah pen a hon khia pa le a suaktasak pa hi a, vantung le leitungah lim le nalamdangte a bawl hi. Humpi-nelkaiteʼ thahatna panin Daniel a suaktasak hi,” a ci hi.

Daniel 12:7

Puan pak silhpa in a khut tegel vantung lamah laam to-in, Tawntung Pasianʼ min tawh thuciamna a bawl hi. Amah in, “Kum thum le alang hi ding hi. Pasianʼ mite a kibawlsiatna a bei ciangin hih thute khempeuh hong piang ding hi,” ci-in a gen ka za hi.