Daniel 4:27 - Tedim Bible Revision 2017

²⁷ Tua ahih ciangin kumpipa aw, kong thuhilhna hong mang in. Mawhna bawl nawn kei inla, diktakin gamta in. Mizawngte hehpih leteh, tua in a sia-a na gamtatna sate hong puahsak dinga, na nuamsa toto ding hi, a ci hi.

Tedim Bible

²⁷ Tua ahih ciangin kumpipa aw, kong thuhilhna hong mang in. Mawhna bawl nawn kei in la, dik takin gamta in. Mizawngte hehpih leteh, tua in a sia a na gamtatna sate hong puahsak dinga na nuamsa toto ding hi,” a ci hi.

Daniel 4:27 Referans Kwoze

Jonah 3:9

Eite i sih loh nadingin Pasian kisikin a hehna damsak lo ding hi, kua in ci thei na hi uh hiam?” a cisak hi.

Sawltak 8:22

Tua ahih manin na ngaihsut hoih lohna panin kisikkik inla, hih bang na ngaihsutna thu ah na mawhna hong maisak theih nadingin Topa kiangah thu ngen in.

Luka 11:41

Ahi zongin na hai leh na kuang sung uh ah a omte pen itna tawh mizawngte tungah pia le-uhcin, note adingin na khempeuh hong siang ding hi.

Efesa 4:28

Guta ngeite in gu nawn loin, ama nuntak nading thuman takin thalawhin, mizawngte zong a huh theih lai nadingin thatang tawh nasep ding kipan ta uh hen.

Galati 5:13

Sanggamte aw, note na hih uh leh a suakta mi ahi dingin Pasian in a hong sap ahi hi. Ahi zongin tua suahtakna pen na pumpi uh ut bangbangin gamtat theih nadingin paulam zonna-in nei kei unla, itna tawh khatlekhat kikhualna-in zang zaw un.

Paunak 16:6

Thumanna le cihtakna mawhmai ngahna hi a, Topa zahtakna siatna tawh kipelhna ahi hi.

1 PETER MASA 4:8

Itna in mawhna tampi khuhcip thei ahih manin lungsim takpi tawh khatlekhat ki-it ding thupi ngaihsut pha pen un.

Mattiu 3:8

Na kisikkikna uh a kilangsak ding gamtatna gamta unla,

Ezekiel 18:7

Kuamah khem lo a, kuama na zong sut lo hi. Sum leitawi a lapa in khapna van a apte zong piakik hi. Gilkialte an vakin, puan nei lote puan guan hi.

Paunak 28:13

A khialhna a im mite a daupai lo dinga, a mawhna pulakin a kikheel mite in hehpihna ngah ding uh hi.

1 KUMPI MASATE 21:29

“Keima mai ah bangzahin Ahab a kiniamkhiatna na mu hiam? Keima mai ah amah kiniamkhiat ahih manin ama hun sungin siatna ka tungsak kei ding hi. Ahih hangin a tapaʼ hun sungin ama innkuan tungah siatna ka tungsak ding hi,” a ci hi.

Sawltak 26:20

Mite a mawhna uh panin kisikin Pasian kiang a zuat nading uh le a kisikna uh a kilatsak nadingun a gamtat ding uh a masa-in Damaskas khua ah thu hilhin, a zomin Jerusalem khua ah, tua ciangin Jew mite omna gam khempeuh le Gentail mite lakah thu ka hilh hi.

Late 119:46

Kumpiteʼ mai ah nangma thute ka gen dinga, maizumna ka thuak kei ding hi.

Galati 5:22

Ahi zongin Kha Siangthoʼ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

Galati 5:6

Bang hang hiam cih leh Jesu Khris tawh i kipawl ciangin vun atna le vun at lohna a thupi tuan om lo a, Khris i upna hangin midangte i itna a thupi hi bek hi.

2 KORIN NIHNA 5:11

Pasian zahtak nading thu ka lungsim uh ah om tawntung ahih manin mite ka zol zawh nadingun ka hanciam uh hi. Pasian in koteʼ lungsim teltakin hong thei a, note in zong na lungsim uh ah kei hong thei dingin ka hong um hi.

Sawltak 24:25

Ahi zongin Paul in thu gengenin, a hoihin a gamtat nading, pumpi ki-uk zawh nading le hong tung ding Thukhenna Hunte a gen tohtoh ciangin, Feliks hong lau a, “Va paikik phot in. Hun ka ngah ciangin kong samkik ding hi,” ci-in a gen hi.

Joel 2:14

Topa, eiteʼ Pasian in a lungsim hong kheelin an hauhsakna tawh thupha hong pia kha ding hi. Tua hileh ama tungah an le leenggahzu tawh biakna i pia thei ding hi.

Thu-hilhkikna 24:13

ni a tum ciangin, a puanza silhin nang thupha hong piak theih nadingin tua hong na khap ama kiangah na piakik ding uh hi. Tua pen Topa noteʼ Pasianʼ mai ah note adingin thumanna hi ding hi.

Jeremiah 29:7

Note salin kong koihna khuapiʼ phattuam nading bawl unla, tua khuapi adingin Topaʼ tungah thu ngetsak un. Bang hang hiam cih leh tua khuapi in phattuamna ngah leh no zong phattuamna a ngah mah na hi uh hi.

Jeremiah 38:20

Kei zong, “Amauteʼ kiangah nang hong kipia lo ding hi. Tu-a kong gen bangin Topaʼ thu mang in. Tua hileh nang adingin hoih dinga, na nuntakna hong kimap ding hi.

Piancilna 11:4

Tua ciangin amaute in, “Hong pai un, leitung buppi ah eite i kithehthang gawp loh nadingin ei adingin khuapi khat bawlin, a dawn in vantung a ban ding tausang khat lamin, eiteʼ minthan nading khat bawl ni,” ci uh hi.

Thu-hilhkikna 8:17

Na lungsim uh ah, ‘Ka vangliatna uh le ka thahatna un hih hauhna hong ngahsak hi,’ ci kha ding na hih manun kingaihsun un.

Thu-hilhkikna 32:27

Amauʼ langte in ngaihsun khialin, amaute in, “Eite i gualzo hi. Topa in hihte khempeuh bawl lo hi,” hong ci kha ding uh ahih manin galteʼ hong phin ding ka lau hi,’ a ci hi.

Paunak 11:2

Mi kiphasakte in min siatna ngah pak ding ahih manin a hoihbekin om ding hoih zaw tham hi.

Isaiah 10:13

Bang hang hiam cih leh amah in, “Keimah in thu theihtelna nei ka hih manin keima thahatna le keima pilna tawh ka hih khin hi. Mihingteʼ gamgite la khia-in amauʼ sumte ka sut khin a, keimah in bawngtal bangin a gam mite ka su gawp hi.

Isaiah 47:8

Tua ahih ciangin tu-in, a nuam bek a ut, lungmuang takin a tu hithiat, na lungsimah, “Keimah hiʼng, kei sim loh midang om kei; meigongin omngei kei ning, ta-khuai cih zong sin kei ning,” a ci khuapi aw, hih thu za in:

Isaiah 47:10

Na gitlohna ah nang na lungmuang a, “Kuamah in kei hong mu kei hi,” na ci hi. Na pilna le na theihnate in lam hong pialsak a, na lungsim sungah, “Keimah hiʼng, kei sim loh midang om kei,” na ci hi.

Ezekiel 29:3

Topa Pasian in hih bangin gen hi, ci-in Egypt kumpipa kiangah gen in: “Gun sungah a om Awle lianpi ahi, nang Egypt kumpipa aw, kei pen nangma lang ka hi hi. Nail Gunpi, nangma aʼ in na gen a, nangma bawl sa-in na ngaihsun hi.

Ezekiel 29:9

Egypt gam khempeuh a kinusia gam simtham suak dinga, tua ciangin Topa ka hihna thu na hong thei ding hi. Nangmah in Nail Gunpi pen keima aʼ hi a, keima bawl sa hi, ci na hih manin,

Amos 6:13

Lodebar khua bang lel na lak zawhna uh ah na lungdam uh a, “Eima thahatna tawh Karnaim khua i la zo hi,” na ci uh hi.

Habakkuk 1:11

Tua ciangin huihnung bangin paisuak uh a, amauʼ hatna bek a suang uh hi,” a ci hi.

Zefaniah 2:15

A vangliatna a kisaktheih pih, lungmuang takin a om khuapi, tu-a bangin piang ding hi. Leitungah amauʼ khuapi a lian penin ngaihsun uh hi. Tua hi napi-in gamlak suakin, gamsateʼ omna suakta hi. A mu mi khempeuh in lamdang sa-in kigaih ding uh hi.