Daniel 4:26 - Tedim Bible Revision 2017

²⁶ Vantungmi in singbul le a zungte lei sungah nusiat dingin thu a pia hi. Tua pen, Pasian in leitung khempeuh uk hi, cih na theih ciangin kumpi na suakkik ding hi, a cihnopna ahi hi.

Tedim Bible

²⁶ Vantungmi in singbul leh a zungte lei sungah nusia dingin thu a pia hi. Tua in, Pasian in leitung khempeuh uk hi, cih na theih ciangin kumpi na suakkik ding hi a cih nopna ahi hi.

Daniel 4:26 Referans Kwoze

Daniel 4:15

Ahih hangin a bul le lei sung a a zungte nusia in. Sik le sumngo kual tawh vial inla, gamlak lopate tawh nusia khawm in. Hih mipa tungah daitui kai henla, ganhingte le lopate tawh om khawm hen.

Luka 15:21

A tapa in, ‘Pa aw, Pasian tung le nangma tungah ka khial khin hi. Na tapa cih dingin zong ka kilawm nawn kei hi,’ a ci hi.

Luka 15:18

Kei kithawi-in ka pa kiangah ka ciah dinga, “Pa aw, Pasian tung le nangma tungah ka khial khin hi.

Mattiu 21:20

Nungzuite in a muh uh ciangin lamdang sa uh ahih manin, “Bang hangin theikung tua ci sih pah ahi hiam?” a cih uh ciangin

Mattiu 5:34

Ahi zongin keʼn note kiangah kong genin ah: Hih ding khat peuhpeuh na neih uh ciangin kiciamna na zang vet kei un. Kiciamna-in vantung na zang kei un - Pasianʼ tokhom hi veve hi.

Daniel 4:23

Kumpipa in na et laitakin, vantungmi khat vantung panin hong pai suk a, “A singkung phuk inla susia in; ahih hangin lei sungah a bul le a zungte nusia in. A bulah sik le sumngo kual vial inla, gamlak lopate tawh nusia khawm in. A tungah daitui kia henla, kum sagih sung ganhingte tawh om khawm tahen,” a ci hi.

Daniel 2:37

Kumpipa aw, kumpi khempeuh lak pan nang a lian pen na hi hi. Vantung Pasian in kumpi-in nang hong koih a, vangliatna, thahatna le zahtakna a hong pia hi.

Daniel 2:18

Amah in, vantung Pasian in eite hong hehpihin, tua thuthukpi gen khia thei-in, Babylon gam sunga mipil dangte tawh thahna i thuak khawm loh nadingin thu i ngen ding hi, ci-in a gen hi.

Daniel 2:19

Tua ciangin tua zan sungin maangmuhna tawh tua thuthukpi Danielʼ tungah kihilh a, amah in vantung Pasianʼ min a phat hi.

Daniel 4:31

Tua thute a kam sung pan a pusuah ma-in vantung panin aw khat hong ging a, “Kumpi Nebukhadnezzar aw, ka thugen na ngai in. Na kumpi gam hong kilak khiatsak zo hi.

Daniel 4:37

Tu-in keimah Nebukhadnezzar in Vantung Kumpipa phatin, zahtakin a min ka thangsak hi. Ama bawlna khempeuh a man hi. Amah a tawntungin thuman a, a kiphasakin a gamtate a neusak hi,” a ci hi.

Daniel 5:20

Ahih hangin amah a lung khauhin kiphasak a, gilo lua ahih manin a kumpi tokhom panin kila khia a, a minthanna a taan hi.

Daniel 5:21

Mihingte lak panin amah kihawl khia a, ganhing lungsim a nei hi. Gam sakolte tawh teeng khawmin, bawngtal bangin lopa ne a, daitui dal ding nei loin a pua lamah a lum hi. A tawpkhakna ah a Lianpen Pasian in mihingteʼ kumpi gamte uk a, a teel peuhpeuh kumpi suak hi, ci-in a phawk thei hi.