Daniel 4:22 - Tedim Bible Revision 2017

²² Kumpipa aw, nang pen tua singkung na hi hi. Nang na lian a, na thahat hi. Nakpi takin khangin lian mahmah na hih manin vantung dong na ban to a, leitung khempeuh ah na vangliatna kizel hi.

Tedim Bible

²² Kumpipa aw, nangmah in tua singkung na hi hi. Nang na lian a, na thahat hi. Nakpi takin khanga lian mahmah na hih manin vantung dong na banto a, na vangliatna in leitung khempeuh ah a kizel hi.

Daniel 4:22 Referans Kwoze

2 SAMUEL NIHNA 12:7

Tua ciangin Nathan in David kiangah, “Nang pen tua mipa na hi hi. Israel Pasian, Topa in hih bangin ci hi: ‘Israel-te tungah kumpi-in nang sathau hong nilhin Saulʼ khut sung panin nang kong hon khia hi.

Mangmuhna 18:5

Ama mawhna in van ban a, a gamtat hoih lohnate Pasian in phawk gige hi.

Late 108:4

Bang hang hiam cih leh na itna kip in vantung ban a, na thumanna in meiipite ban to hi.

Late 36:5

Topa aw, na itna kip in vantung ban a, na cihtakna in vanpi dong ban to hi.

2 KHANG TANGTHU NIHNATE 28:9

Ahih hangin Oded min nei Topaʼ kamsang khat tua lai ah om hi. Samaria ah hong tung galkapte a dawn dingin amah pai khia-in amaute kiangah, “En un, Judah tungah na pu na pate uh Pasian Topa heh ahih manin noteʼ khut sungah amaute hong pia a, ahih hangin note in heh mahmahna tawh amaute na that uh a, tua in vantung dong ban hi.

Piancilna 28:12

Amah in mang man a, leitungah kahlei khat kiphutin, a kahlei dawn in van ban hi. Pasianʼ vantung mite tua kahlei tungah kah to-in a kum suk a mu hi.

Piancilna 11:4

Tua ciangin amaute in, “Hong pai un, leitung buppi ah eite i kithehthang gawp loh nadingin ei adingin khuapi khat bawlin, a dawn in vantung a ban ding tausang khat lamin, eiteʼ minthan nading khat bawl ni,” ci uh hi.

Ezekiel 17:3

Topa Pasian in hih bangin ci hi, ci-in gen in: Muvanlai a gol mahmah, a khate zong golin a kizal deda khat om hi. Tua muvanlai in khaveng hoih mahmah nei hi. Lebanon Mual tungah va leengin taamtak kung khat a dawn va kuaitan a,

Daniel 4:11

Tua singkung pen khangkhangin gol semsem a, vantung dong ban to ahih ciangin leitung mi khempeuh in a mu thei uh hi.

Daniel 4:21

A tehte hoih mahmah a, leitung bup a vak zo ding gah a gah hi. Gamsate, a nuai ah tawlnga uh a, vasate in a hiang kawmah bu a bawl uh hi.

Daniel 4:36

“Ka khuatheihna a hong tunkik ciangin ka kumpi za, ka minthanna le ka gam minthannate a hong kipiakik hi. Ka mi liante le ka thudot mite in hong muak uh a, nidang sangin a lian zaw minthanna le ka kumpi za a hong kipiakik hi.

Jeremiah 27:5

‘Keimah in a lian mahmah ka vangliatna tawh ka khut zanin, leitung le leitung a om mite le ganhingte ka bawl a, piak tuak ka sakte tungah ka pia hi.

Daniel 2:21

Amah in hun le khuahunte kheel a, kumpite koihin lah a la khia hi. Amah in mite tungah pilna le theihna a pia hi.

Daniel 4:29

Tua zawh kha sawm le nih khit ciangin kumpipa zong Babylon khua kumpi inn khumzang huan sungah vak a,