Daniel 4:18 - Tedim Bible Revision 2017

¹⁸ “Belteshazzar aw, keimah Nebukhadnezzar Kumpipa in ka mangmat pen hih bang ahi hi. Tu-in a khiatna hong gen in. Ka thudot mite khat beek a khiatna a hong gen thei a om kei uh hi. Ahi zongin nangʼ sungah Pasianʼ kha om ahih manin na hong gen thei ding hi,” a ci hi.

Tedim Bible

¹⁸ Keimah Nebukhadnezzar Kumpipa in, Belteshazzar aw, ka mangmat pen hi bang ahi hi. Tu’n a khiatna hong gen in. Ka thudot mite khat beek a khiatna a hong gen thei a om kei uh hi. Ahi zongin nang sungah a siangtho pasiante’ kha om ahih manin na hong gen thei ding hi,’ ka ci hi,” a ci hi.

Daniel 4:18 Referans Kwoze

Daniel 5:15

Ka thudot mite le mitphial siamte, hih lai kigelh a sim ding le a khiatna a gen dingin a hong pai uh hi napi, a khiatna a thei zo kei uh hi.

Piancilna 41:8

Tua ahih ciangin zingsangin a lungkham hi. Amah in mi sawlin Egypt mitphial siamte khempeuh le a mipil khempeuh samsak hi. Faro in amauteʼ kiangah a mang gen a, ahih hangin Faroʼ tungah a khiatna a gen thei kuamah om lo hi.

Daniel 5:8

Kumpipaʼ thudot mite hong tung uh a, ahih hangin tua lai a sim thei le kumpipa tungah a khiatna a gen thei kuamah a om kei uh hi.

Piancilna 41:15

Faro in Josef kiangah, “Mang khat ka man a, a khiatna a gen thei kuamah om lo hi. Nang in mang na zak ciangin a khiatna gen thei, ci-in hong kigenna ka za hi,” a ci hi.

Amos 3:7

Topa Pasian in ama nasem kamsangte tungah ama geelna theisak masa lopi-in bangmah hih het lo hi.

Daniel 2:7

Amaute in, “Kumpipa aw, na mang hong gen phot leteh a khiatna kong gen thei pan ding uh hi,” ci-in a dawngkik uh hi.

Isaiah 19:3

Egypt miteʼ lungsim hawmsuak dinga, amauʼ geelnate ka siasak ding hi. Amaute in milimte, vankah theite le aisan theite tungah thu dong ding uh hi.

Piancilna 40:12

Tua ciangin Josef in ama kiangah, “A khiatna hih bang ahi hi. Hiang thumte, ni thum ahi hi.

Daniel 1:20

Kumpipa in bangbang thuhaksa nono a dot hangin, hih mi lite pen ama gam sung khempeuh a mitphial siamte le aisan theite khempeuh sangin a zah sawmin a siam zawk lam uh a mu hi.

Daniel 2:38

Amah in miʼ teenna leitung teng, ganhing teng le vasate a uk dingin nang a hong koih hi. Tua kham lutang pen nangmah na hi hi.