Daniel 3:30 - Tedim Bible Revision 2017

³⁰ Tua ciangin kumpipa in Shadrak, Meshak le Abednego-te Babylon gam khen liante ah a gol zaw ukna za a pia hi.

Tedim Bible

³⁰ Tua ciangin kumpipa in Shadrak, Meshak leh Abednego-te Babilon gam khawk tungah a golzaw ukna za a pia hi.

Daniel 3:30 Referans Kwoze

Daniel 2:49

Kumpipa in Danielʼ ngetna mah bangin Shadrak, Meshak le Abednego-te Babylon gam khen tuamtuamte a uk dingin koih a, Daniel pen kumpi inn sungah a omsak hi.

1 SAMUEL MASA 2:30

Tua ahih ciangin Israel-teʼ Pasian, Topa in thu hong genin: ‘Nangma innkuan le na behte keima mai ah sung tumin pusuak tawntung ding hi, ci-in thu ka ciam sa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi dinga, kei hong simmawhte ka simmawh ding hi.

ROM (Romans) 8:31

Hih teng bang ahih khit ciangin bang gen ding om nawn ahi hiam? Pasian in eite hong kop pih peuh leh kua in eite hong zo zo ding ahi hiam?

Johan 12:26

Ka nasemte keima omna ah a om theih nadingin ka na a sem nuam peuhmah in kei hong zui ding uh a, ka Pa in ka na a sem mite a pahtawi ding hi,” a ci hi.

Daniel 3:12

Babylon gam a khen liante a uk dingin na koih Shadrak, Meshak le Abednego a kici Jew mi pawl khat a om uh hi. Amaute in kumpipaʼ thupiakna a mang kei uh hi. Amaute in na pasian bia nuam loin, na milim koih mai ah a kun nuam kei uh hi,” a ci uh hi.

Late 91:14

Itna tawh hong bel ahih manin amah ka hon khia dinga, ka min hong thei ahih manin mun sangna ah amah ka koih ding hi.

Late 1:3

Amah pen luitui luang gei-a a kisuan, ama gah hunin gah a, a teh a vul ngei lo, singkung tawh kibang hi. Ama hihna khempeuh ah a maa pai mahmah hi.

Daniel 1:7

Innsung maang lian pen pa in amaute min thak phuah a, Danielʼ min dingin Belteshazzar, Hananiahʼ min dingin Shadrak, Mishaelʼ min dingin Meshak, Azariahʼ min dingin Abednego a phuak hi.

Daniel 3:1

Kumpi Nebukhadnezzar in a tun pi sawm kua a sang, a vailam pi kua a gol kham milim golpi khat bawlsak a, Babylon gam sung Dura zanglei ah a koih hi.