Daniel 3:28 - Tedim Bible Revision 2017

²⁸ Tua ciangin kumpipa in, “Shadrak, Meshak le Abednego-teʼ Pasian phat un. Amah in a vantung mite sawl a, amah a muang ama nasem hih mite a hon khia hi. Amaute in ka thupiakna mang loin, amauʼ Pasian longal pasian dangʼ mai ah kun nuam lo, bia nuam lo uh ahih manin mei phualpi sungah khul ding a ut zaw uh ahi hi,” a ci hi.

Tedim Bible

²⁸ Tua ciangin kumpipa in “Shadrak,’ Meshak,’ Abednego’ Pasian phat un. Amah in a vantungmite sawl a, amah a muang ama nasem hih mite a honkhia hi. Amaute in ka thupiakna mang loin, amau’ Pasian longal pasian dang mai-ah kunin bia nuam lo uh ahih manin mei phualpi sunga khul ding a ut zaw uh hi,” a ci hi.

Daniel 3:28 Referans Kwoze

Paikhiatna 20:5

Tuateʼ mai ah na kun kei ding uh a, tuate na bia kei ding uh hi. Bang hang hiam cih leh keimah noteʼ Topa Pasian, a aam Pasian ka hi a, kei hong mudahteʼ tungah pateʼ mawhna tateʼ tungah khang thum khang lina dongin thuk-in,

Mangmuhna 12:11

I sanggamte in Tuuno sisan le thuman a genna uh tawh amah na zo uh a, a nuntakna nangawn uh na pia ngam uh hi.

ROM (Romans) 12:1

Tua ahih ciangin sanggamte aw, Pasian in eite tam veipi tak hong hehpih ahih manin ama lungkim nading le ama nasep nadingin nomau mahmah a hingtangin Pasian tungah na kipiak nadingun kong thum hi. Tua banga kipiakna pen Pasian biakna man taktak ahi hi.

Late 147:11

Amah a zahtak mite le ama itna kip a muangte tungah Topa a lungkim hi.

Sawltak 5:19

Ahi zongin tua zanin Topaʼ vantungmi khat in thong kongkhakte hong a, sawltakte a paikhiatpih khit ciangin amaute kiangah,

Daniel 3:25

“Tua ahihleh bang hangin meikuang sungah mihing li a kawi paipai mu ka hi hiam? Amaute lah kihencip lo a, liam zong liam tuak beek lo uh hi. A lina pen pa hoh pasian-te khat tawh a kibang hi,” ci-in a dong hi.

Mattiu 4:10

Jesu in, “Satan aw, tai khia in. Lai Siangtho in, ‘Na Topa Pasian bek bia inla, ama na bek sem in,’ ci hi lo ahi hiam?” ci-in a dawng hi.

Daniel 2:47

Kumpipa in, “Hih thuthukpi hong gen thei na hih manin na Pasian pen thuthuk a lak, pasian khempeuh sung pan a lian pen, kumpiteʼ tunga Topa ahi hi,” a ci hi.

Late 62:8

Mite aw, amah muang tawntung unla, na lungkhamna teng uh ama tungah gen un. Pasian, eiteʼ bukna ahi hi.

Filippi 1:20

Ka si a, ka hing zongin, a diakdiakin tu a kipanin a tawntungin midangte in Khris phat theih nading lungsim hanna a neih theih nadingun ka lungsim le ka pumpi tawh keima tavuan ka lelh het loh nading pen ka deihdeih, ka lam etet bulpi ahi hi.

Isaiah 37:36

Tua ciangin Topa’ vantungmi kuan khia-in Assiria miteʼ giahphual ah mihing tul za le tul sawm giat le tul nga a that hi. Zingsangin mite a thawh ciangin hihte khempeuh misi luang bekbek na hi hi.

2 KHANG TANGTHU NIHNATE 32:21

Tua ciangin Topa in Assiria kumpipaʼ giahphual ah a thahat galhang khempeuh le galkap a ukte le uliante a susia vantungmi khat a sawl hi. Tua ahih ciangin ama gamah maizumna tawh a ciahkik hi. Ama pasianʼ inn sungah amah a tun ciangin ama tapate pawl khat in namsau tawh amah sat lum uh hi.

2 KHANG TANGTHU NIHNATE 20:20

Tua ciangin zingsangin amaute tho baihin Tekoa gamlak ah a paikhia uh hi. Amaute a paikhiat laitakin Jehoshafat dingin, “Judah gam le Jerusalem-a a teengte aw, ka thugen za un! Topa na Pasian uh um un; tua hileh note na kip ding uh hi. Ama kamsangte um un; tua hileh na maavang ding uh hi,” a ci hi.

1 PETER MASA 1:21

Sihna panin amah hingkiksakin minthanna a pia Pasian, ama hangin muang thei na hih uh manin, na up na muan na lamet uh Pasian ahi hi.

Hebru 11:37

Suang tawh a kidenglum, sing-at tawh a kiphelkham, namsau tawh a kisatlum a om hi. Tuu vun peuh, keel vun peuh silh zo bekin, cimawhin zawng uh a, gimna le bawlsiatna a thuak uh hi.

Hebru 1:14

Vantung mite pen Pasianʼ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Sawltak 4:19

Ahi zongin Peter le Johan in, “Noteʼ thu man zawk ding le Pasianʼ thu man zawk ding, Pasianʼ muhna panin koi pen man zaw ding cih thu nomau mah in zong ngaihsun ciat un.

Daniel 6:26

Ka gam sunga om mi khempeuh in Danielʼ Pasian kihta-in a zahtak nadingun thu ka pia hi. “Bang hang hiam cih leh amah a nungta Pasian hi a, a tawntungin a uk ding hi. Ama gam kisia ngei lo dinga, a vangliatna a bei ngei kei ding hi.

Daniel 4:34

Tua ciangin kumpipa in, “A kiseh sa hun a cin ciangin keimah Nebukhadnezzar in vantung lam ka en to a, khua ka phawkkik hi. A nungta tawntung a Lianpen Pasianʼ min phatin, zahtakna le minthanna ka pia hi. “Amah in a tawntungin uk dinga, ama gam kip tawntung ding hi.

Late 34:22

Topa in ama nasemte hon khia a, amah a beel mi khat beek gim kipia lo ding hi.

Late 33:21

Ama min siangtho eite in muang ihih manin ama sungah i lungdam hi.

Late 33:18

Amah a zahtakte, a itna kip lametna a neite, sihna panin hon khia-in, kialpi hun sungin amaute a hin kep theih nadingin Topa in amaute en tawntung hi.

Ezra 6:11

Tua tham loin, mi khatpeuh in hih thupiakna a siatsak leh ama inn panin a innkam khat kidawh khiatsakin tua tungah amah kihen cipin kisat gawp dinga, tua banah a inn zong a kisuksiatna ding thu kong pia thuah lai hi.

Ezra 1:3

Note lakah ama mi peuhmah a Pasian in ompih henla, Judah gam sung Jerusalem khua ah pai to henla, Israel Pasian, Topaʼ biakinn lamkik hen. Amah pen Jerusalem ah a om Pasian ahi hi.

1 KHANG TANGTHU MASATE 5:20

Amaute a sim nadingin huhna a ngah uh ciangin Hagri mite le amau tawh a kipawl khempeuhte amauteʼ khut sungah kipia hi; bang hang hiam cih leh gal kidona sungah amaute in Pasianʼ tungah ko uh a, amaute in Pasian muang uh ahih manin amah in amauteʼ thumna a pia hi.

Piancilna 9:26

Topa ka Pasian in Shem thupha pia henla, Kanaan, ama sila hisak hen.

Late 103:20

Ama thugen a ngai, ama thu bangin a sem no a thahat, no ama vantung mite aw, Topa phat un.

1 KORIN MASA 13:3

Ka neih khempeuh midangte tungah pia-in, Pasianʼ nasepna hangin kihal tum na ka thuak ahi zongin itna ka neih kei leh ka phattuamna bangmah om lo hi.

Isaiah 12:2

En in, Pasian pen kei a hong hon khia pa ahi hi. Amah ka muang dinga, ka lau kei ding hi. Bang hang hiam cih leh Topa Pasian in thahatna le vangliatna hong pia a, amah pen kei a hong hon khia pa ahi hi,” a cih hun uh hong tung ding hi.

Isaiah 50:10

Topa kihta a, a nasem paʼ thu a mangte khempeuh khuamial sungah na pai hangun Topa muang unla, Pasian suanin nei un.

Daniel 6:16

Tua ciangin kumpipa in humpinelkai kikhumna sungah Daniel a khiat dingun thu a pia hi. Amah in Daniel kiangah, “Thuman takin na biak tawntung na Pasian in hong hon khia tahen,” a ci hi. Tua ciangin humpinelkai kikhumna sungah Daniel a khia uh hi.