Daniel 3:25 - Tedim Bible Revision 2017

²⁵ “Tua ahihleh bang hangin meikuang sungah mihing li a kawi paipai mu ka hi hiam? Amaute lah kihencip lo a, liam zong liam tuak beek lo uh hi. A lina pen pa hoh pasian-te khat tawh a kibang hi,” ci-in a dong hi.

Tedim Bible

²⁵ “Tua ahih leh bang hanga meikuang sungah mihing li a kawi paipai mu ka hi hiam? Amaute lah kihen cip lo a, liam zong liam tuak beek lo uh hi — a lina penpa hoh pasian khat tawh a kibang hi,” ci-in a dawng hi.

Daniel 3:25 Referans Kwoze

Isaiah 43:2

Tuite na kantan ciangin nang kong ompih dinga, gunte na kantan ciangin tui in hong tuum lo ding hi. Mei kantanin na pai ciangin na kaang kei dinga, meikuangte in nang hong kaang tum lo ding hi.

Sawltak 28:5

Ahi zongin Paul in meikhuk sungah tua gul sing khia a, bangmah a ci kei hi.

Marka 16:18

Gul a lawn hangun bangmah ci lo ding uh a, gu tui a dawn hangun zong bangmah ci lo ding uh hi. Cinate tungah a khut uh nga ding uh a, cinate dam ding uh hi,” a ci hi.)

JOB (Job) 1:6

Ni khat ni-in Topaʼ omna ah vantung mite hong pai uh a, tuate lakah Satan zong hong kihel hi.

Daniel 3:28

Tua ciangin kumpipa in, “Shadrak, Meshak le Abednego-teʼ Pasian phat un. Amah in a vantung mite sawl a, amah a muang ama nasem hih mite a hon khia hi. Amaute in ka thupiakna mang loin, amauʼ Pasian longal pasian dangʼ mai ah kun nuam lo, bia nuam lo uh ahih manin mei phualpi sungah khul ding a ut zaw uh ahi hi,” a ci hi.

Late 34:7

Amah a zahtakteʼ kiimah Topaʼ vantungmi in giahphual sat a, amaute a hon khia hi.

1 PETER MASA 3:13

Note in a hoih gamtat ding utin hanciam le-uhcin kua in hong bawlsia ding ahi hiam?

Daniel 3:18

Kumpipa aw, a hong hotkhiat kei zenzen leh zong, na pasian lah ka bia tuan kei ding uh a, na kham milim mai ah zong ka kun kei ding uh hi, ci-in thei ta in,” a ci uh hi.

JOB (Job) 38:7

Tua ni-in zingsang aksite in la sa khawm uh a, Pasianʼ tapate lungdamin a kiko uh hi.

ROM (Romans) 1:4

Kha Siangtho thu lamsang ah ci lehang misite lak panin vangliatna tawh a thawhsakkikna hangin Pasianʼ Tapa ahihna thu Pasian in a kilangsak hi.

Luka 1:35

Vantungmi in, “Nangma tungah Kha Siangtho hong tung dinga, nangma tungah Pasianʼ vangliatna hong om ding hi. Tua ahih manin a hong suak ding a siangtho naungek pen Pasianʼ Tapa kici ding hi.

Paunak 30:4

Vantungah kua kah to a, leitungah kua hong kum sukkik ahi hiam? Kua in a khut sungah huihte lomcip a, puan tawh tuite tuncip ahi hiam? Kua in leitung bulpite phut kip ahi hiam? Tua bang mi na theih ngei leh a tapaʼ min bang ahi hiam?

Jeremiah 1:8

Amaute kihta kei in; bang hang hiam cih leh nangmah a hong hu dingin ka hong ompih hi, Topa in kong ci hi,” hong ci hi.

Jeremiah 1:19

Amaute in nangʼ lang khat ah hong do ding uh hi. Ahih hangin a hong zo kei ding uh hi; bang hang hiam cih leh Topa in kong cih in ah, nangmah a hong hu dingin ka hong ompih ding hi,” a hong ci hi.

Jeremiah 15:21

Migiloteʼ khut sung panin nang kong suaktasak dinga, mi lauhuaiteʼ khut sung panin nang kong hon khia ding hi,” a hong ci hi.

Daniel 3:24

Tua ciangin Nebukhadnezzar in lamdang sa mahmah in a ding vat hi. Amah in a thudotte kiangah, “Mihing thum hencip sa-in mei phualpi sungah khul hi lo ihi hiam?” ci-in a dong hi. Amaute in, “Hi mah hi, Kumpipa aw,” ci-in a dawngkik uh hi.

Daniel 6:23

Kumpipa lungdam mahmah a, humpinelkai kikhumna sung pan Daniel kaihkhiat dingin thu a pia hi. Tua ahih ciangin Daniel kai khiato uh a, liamna themcik zong a neih loh lam a mu uh hi. Bang hang hiam cih leh amah in Pasian muang hi.

JOB (Job) 5:19

Lungkhamna guk vei dong na tuahna ah amah in nang hong hon dinga, a sagih veina dingah siatna in nang hong su nawn lo ding hi.