Daniel 3:2 - Tedim Bible Revision 2017

² Kumpipa in a mi lian khempeuh, kumpi tapate, gam ukpite, gam ukpi huhte, mangpite, sumkem mangte, thukhen mangte, khuapi uk mangte le mi lian dangte khempeuh, kumpipaʼ milim bawl apna ah a paikim ciat dingin sapna thu a pia hi.

Tedim Bible

² Kumpipa in a milian khempeuh, kumpi tapate, gam ukpite, gam ukpi huhte, mangpite, sumkem mangte, thukhen mangte, khuapi uk mangte leh milian dangte khempeuh, Kumpipa’ milim bawl apna-a paikim tek dingin sapna thu a pia hi.

Daniel 3:2 Referans Kwoze

Daniel 3:27

Kumpi tapate, gam ukpite, gam ukpi huhte le kumpipaʼ thudotte khempeuh kikhawm uh a, mei in a kat loh mite a en uh hi. A sam uh zang khat beek mei in kaanghul lo a, a puan uh zong kaang loin meikhu gim zong a nam beek kei uh hi.

Paunak 29:12

Kumpipa in zuau thu saangin na sem leh a nuai-a ulian khempeuh zong zuau genin ni tum ding uh hi.

1 KUMPI MASATE 12:32

Tua ciangin Jeroboam in Judah a om pawi tawh a kibangin a kha giatna a ni sawm le nga ni-in pawi khat bawl a, biakna tau tungah biaknate a pia hi. Tua mah bangin amah in Bethel ah bawlin ama bawl sa bawng no milimte tungah biakna a pia hi. Tua ciangin amah in ama bawl sa mual tunga biakna siampite Bethel ah a koih hi.

Thukhente 16:23

Tu-in Filistia uliante a pasian uh Dagon tungah biakna lianpi khat a pia ding le a gualnuam dingin kikhawm uh hi. Bang hang hiam cih leh amaute in, “I pasian in i khut sungah i galpa Samson hong pia zo hi,” a ci uh hi.

Gamlak-vakna 25:2

Hih numeite in amauʼ pasian biakpiakna pawi ah Israel mite sam uh a, amaute in a pawi an nek pihin, amauʼ pasian-teʼ mai ah kun uh hi.

Mangmuhna 17:2

Leitung kumpite in tua a paktat mahmah nu tawh gamtat hoih lo gamta uh a, leitung mite in ama paktatna leenggahzu dawnin a kham uh hi,” hong ci hi.

Daniel 3:3

Tua ahih ciangin tua mang liante khempeuh milim ap nadingin milim mai ah a ding uh hi.