Daniel 3:18 - Tedim Bible Revision 2017

¹⁸ Kumpipa aw, a hong hotkhiat kei zenzen leh zong, na pasian lah ka bia tuan kei ding uh a, na kham milim mai ah zong ka kun kei ding uh hi, ci-in thei ta in,” a ci uh hi.

Tedim Bible

¹⁸ Kumpipa aw, a hong hotkhiat kei zenzen taak leh zong, na pasian lah ka bia tuan kei ding uh a, na kham milim mai-ah zong ka kun kei ding uh hi ci-in thei ta in,” a ci uh hi.

Daniel 3:18 Referans Kwoze

Mattiu 10:39

Hih leitung nuntakna a hon nuamte in a nuntakna taktak taanlawh dinga, keima hangin a nuntakna a taanlawhte in a nuntakna taktak a ngah ding uh hi.

Mangmuhna 12:11

I sanggamte in Tuuno sisan le thuman a genna uh tawh amah na zo uh a, a nuntakna nangawn uh na pia ngam uh hi.

Joshua 24:15

Topaʼ na na sepnop kei uh leh, Gun gal khat a, a na na sepsak uh na pu na pate uh pasian ahi a, noteʼ teenna gam Amor miteʼ pasian ahi zongin, a na na sepsak ding peuhpeuh uh tu ni-in teel un. Ahih hangin kei le ka innkuanpihte in ka hih uh leh Topaʼ na ka sem ding uh hi,” a ci hi.

Daniel 3:28

Tua ciangin kumpipa in, “Shadrak, Meshak le Abednego-teʼ Pasian phat un. Amah in a vantung mite sawl a, amah a muang ama nasem hih mite a hon khia hi. Amaute in ka thupiakna mang loin, amauʼ Pasian longal pasian dangʼ mai ah kun nuam lo, bia nuam lo uh ahih manin mei phualpi sungah khul ding a ut zaw uh ahi hi,” a ci hi.

Paunak 28:1

Kuama delh lohpi-in migilote tai mang a, mi thumante ahihleh humpinelkai bangin a hang uh hi.

JOB (Job) 13:15

Pasian in kei hong that mah taleh zong, phamawh ka sa kei hi. Ahi zongin ama mai ah ka thu ka gen veve ding hi.

Sawltak 4:19

Ahi zongin Peter le Johan in, “Noteʼ thu man zawk ding le Pasianʼ thu man zawk ding, Pasianʼ muhna panin koi pen man zaw ding cih thu nomau mah in zong ngaihsun ciat un.

Siampi Laibu 19:4

“Milimte lamah kihei kei unla, note in a kisungtawm pasian-te nomau adingin bawl kei un; kei pen Topa na Pasian uh ka hi hi.

Mattiu 10:28

Pumpi a thah khit ciangin kha a that thei lote na kihta kei un. Hell khuk sungah pumpi le kha a nihin a susia thei pa na kihta zaw un.

Mattiu 16:2

Ahi zongin Jesu in, “Ni a tum khit nitak ciangin, ‘Van san ahih manin khua pha ding hi,’ na ci uh hi.

Hebru 11:25

Tomno sung mawhna sungah nuam takin om ding sangin Pasianʼ mite tawh gimna thuak khawm ding a ut zaw hi.

1 KUMPI MASATE 19:14

Amah in, “Vanglian Pasian, Topa adingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawn khia uh a, namsau tawh na kamsangte that uh hi; kei, kei bekbek ka om lai hi. Amaute in kei nangawn thah dingin hong zong lai uh hi,” a ci hi.

1 KUMPI MASATE 19:18

Ahi zongin Baal mai ah a kun nai lo, amah a nam nai lo mihing tul sagih Israel sungah ka siit ding hi,” a ci hi.